ប្រសិនបើអ្នកជាអ្នកចូលចិត្តស្វែងរកកន្លែងញ៉ាំថ្មីៗ នៅម្ដុំទួលទំពូងនឹងហើយ និយាយពីថាសម្បូររបស់ញុំាជាច្រើន មិនថាតាមហាង ឬ street food ទេមានគ្រប់មុខតែម្ដង។ ​អ្នកនៅម្ដុំតំបន់នោះប្រាកដជាស្គាល់កន្លែងញុំា​​ហើយ តែបើអត់ទាន់ស្គាល់ទេ មោះ FoodBuzz ណែនាំទាំង ៥ កន្លែងនេះដឹងតែត្រូវម៉ាចហ្មង។ 

១. Date Note - Stories 

មានហាងកាហ្វេមួយមានការរៀបចំតុមតែងបែបជប៉ុនៗ anime មើលទៅត្រជាក់ភ្នែកជាខ្លាំង ចង់មកសម្រាកលំហែកាយ និងចំណាយពេលជាមួយមិត្តភក្តិ ហើយអាចថតរូបបណ្ដើរ ផឹកភេសជ្ជៈឆ្ងាញ់ៗក៏បាន។ នៅទីនោះមានផ្តល់ជូននូវភេសជ្ជៈជាច្រើនប្រភេទដូចជា កាហ្វេ តែ សូដា និងទឹកក្រឡុក អាហារផ្សេងៗជាច្រើនទៀត ដើម្បីបំពេញតាមចំណង់ចំណូលចិត្តរបស់អតិថិជន។ លើសពីនេះទៀតនៅ Date Note-story គេមានជាភេសជ្ជៈតាមរដូវកាល ហើយភេសជ្ជៈនីមួយៗសុទ្ធតែប្លែកៗទាំងអស់ គ្រាន់តែឃើញក៏ចង់សាកដែរ។ 

ទីតាំង៖ Date Note - Stories (Toul Tom Poung)​ 

Date Note - Stories (Sisowath)​ 

ព័ត៌មាន៖ Date Note - Stories​

២. Selapak Coffee and Eatery 

បើនិយាយពីហាង​កាហ្វេ​មួយនេះវិញតាំងពីនៅខាងមុខហាងរហូតខាងក្នុងហាងគេ មានការរៀបចំហាងគឺសុទ្ធសឹងរចនា​​បែបវប្បធម៌​ខ្មែរ ដែលលាយឡំជាមួយនឹងធម្មជាតិ មើលទៅមានការត្រជាក់ភ្នែកមិនធ្លាប់ឃើញពីមុនមក។ ដែលមានផ្តល់ជូននូវជម្រើសអាហារសុខភាព និងទឹកផ្លែឈើជាច្រើនប្រភេទសម្រាប់អ្នកទទួលទានតែបន្លែ និងអ្នកសម្រកទម្ងន់។ បើនិយាយពីជម្រើសអាហារមិនត្រឹមតែមានប្រភេទសុខភាពទេ មានទាំងអាហារបែបខ្មែរ បែបអឺរ៉ុប នំប័ុង ខេក និងជម្រើសភេសជ្ជៈជាច្រើនទៀត ពិសេសនោះម្ចាស់ហាងគឺជាកូនខ្មែរផ្ទាល់តែម្ដង។ 

ទីតាំង៖​ Selapak Coffee and Eatery ​

ព័ត៌មាន៖ Selapak Coffee and Eatery    

៣. Hot Pot & BBQ ពូឈីវមីងឆយ

ទើបតែពាក់កណ្ដាលខែទេ ចាយលុយ​អស់បណ្ដើរៗហើយ ឃ្លានហតផតតែសល់តែ ​៥ ​ដុល្លារ ទៅហាង ពូឈីវមីងឆយ មានប៉ុណ្នឹងល្មមញុំា​។ នៅទីនោះមិនមែនមានតែស៊ុបហតផតទេ មានមុខម្ហូបជាច្រើនមុខទៀតផ្តល់ជូន រួមទាំងជ្រក់ជើងទា និងប្រហិតឆឹង ​មាន​តម្លៃ​សមរម្យ ហើយឆ្ងាញ់ទៀត។ 

ទីតាំង៖ Hot Pot & BBQ ពូឈីវមីងឆយ 

ព័ត៌មាន៖ Hot Pot & BBQ ពូឈីវមីងឆយ ​

៤.​ បងថាមីញាំម្ចាស់ដើម សាខាទួលទំពូង​ 

ហាងនេះផ្តល់ជូននូវមុខម្ហូបក្នុងជាច្រើនមុខ ហើយនៅក្នុងហាងគេមាន​មឺនុយប្រចាំហាង លក់ដាច់ជាងគេតែម្ដងគឺ មីញាំ នឹងឯងព្រមទាំងមានជម្រើសសាច់ជាច្រើនសម្រាប់ជ្រើសរើសទៀតផង។ រីឯរសជាតិវិញអាចទទួលយកបាន នៅក្នុងតម្លៃមួយសមរម្យ។​ 

ទីតាំង៖ បងថាមីញាំម្ចាស់ដើម សាខាទួលទំពូង​ ​  

ព័ត៌មាន៖ បងថាមីញាំម្ចាស់ដើម សាខាទួលទំពូង​ ​ 

៥. An Tian Healthy Dessert 

បន្ទាប់ពីដើរញុំាអាហារអស់ជាច្រើនកន្លែង ចុងក្រោយគេកុំភ្លេចបង្អែមលៀងមាត់​។ នៅម្ដុំនឹងមានហាងលក់បង្អែមសុខភាព An Tian មានបង្អែមជាច្រើនជម្រើស ច្រើនមុខសម្រាប់ជ្រើសរើស ហើយពិសេសនោះបង្អែមគេមិនមានប្រើស្ករនោះទេ គេប្រើខ្ទិះដូងស្រស់ជំនួសវិញ សូម្បីគ្រឿងផ្សំក៏សុទ្ធតែជារបស់ល្អៗមានគុណភាពដែរ។ មិនត្រឹមតែមានបង្អែមនោះទេ នៅទីនោះក៏មានភេសជ្ជៈ និងអាហារបែបសុខភាពផងដែរ។

ទីតាំង៖ An Tian Healthy Dessert ​ 

ព័ត៌មាន៖ An Tian Taiwan​ Healthy​ Dessert​