មេឃក្ដៅអ៊ីចេះ មកសាកហាងបង្អែម និងកាហ្វេទាំង 5 នេះសិនអ្ហៃ!

គេតែនិយាយថាញ៉ាំបង្អែមធ្វើឲ្យអ្នកសប្បាយចិត្ត ហើយនោះក៏ដោយសារតែប្រព័ន្ធ Mesolimbic Dopamine ចាប់ដំណើរការ។ Dopamine គឺជាសារធាតុគីមីក្នុងខួរក្បាលមួយប្រភេទដែលបញ្ចេញដោយណឺរ៉ូន ហើយផ្ដល់សញ្ញាថាព្រឹត្តការណ៍មួយមានភាពវិជ្ជមាន។ ហើយនេះជាហាងបង្អែម និងកាហ្វេទាំង 5 នៅក្នុងភ្នំពេញ ដែលអ្នកអាចញ៉ាំបង្អែមលួងចិត្តខ្លួនឯងបាន និងធ្វើឲ្យចិត្តរបស់អ្នកត្រជាក់ៗក្នុងអាកាសធាតុក្ដៅនាពេលបច្ចុប្បន្ន។

  • $$

1. NUK Café

  • $$

ហាងកាហ្វេ NUK មិនមែនជាហាងថ្មីនោះទេ អ្នកចូលចិត្តញ៉ាំការ៉េមនីដ្រូសែន ប្រហែលជាស្គាល់ទីនេះច្បាស់តែម្ដង។ ថ្វីត្បិតជាហាងកាហ្វេ តែ NUK ជាហាងកាហ្វេដំបូងបង្អស់នៅកម្ពុជាដែលនាំចូលការ៉េមនីដ្រូសែនបម្រើជូនអ្នកភ្នំពេញ។ ការ៉េមនៅទីនេះ ត្រូវបានធ្វើថ្មីៗជាប្រចាំក្នុងហាងតែម្ដង។

មើលបន្ថែម
  • $ - $$

2. Café Honest- Chipmong Noromall

  • $ - $$

ហាងកាហ្វេ Honest មានការរៀបចំសាមញ្ញមែនទែន ដែលមានទីតាំងនៅក្នុងផ្សារទំនើប ជីបម៉ុង ណូរ៉ូម៉ល។ ដោយមានម្ចាស់ជាជនជាតិកូរ៉េ បុគ្គលិកនៅទីនេះចេះខ្មែរតិចៗតែប៉ុណ្ណោះ តែលោកអ្នកអាចទំនាក់ទំនងជាភាសាអង់គ្លេសបាន។ នៅពេលអ្នកទៅដល់ទីនោះ ប្រហែលអ្នកអាចនឹងចង់សាក Strawberry Short Cake ឬ Cheese Cake ឬ ភេសជ្ជៈការ៉េម ដែលមានប្រជាប្រិយភាពខ្លាំងប្រចាំហាងនេះ។

  • Preah Norodom Blvd (41), Phnom Penh, Inside Chipmong Noromall, Ground Floor behind Starbuck.
  • 096 562 3746
មើលបន្ថែម
  • $ - $$

3. Sulbing Dessert Cafe

  • $ - $$

ហាងបង្អែម និងកាហ្វេ Sulbing Dessert Café គឺជាហាងបង្អែមកូរ៉េមួយកន្លែងដែលបានមកដល់កម្ពុជាមួយរយៈធំហើយ។ អ្វីដែលពិសេសនៅទីនោះគឺ ទឹកកកព្រិលបែបកូរ៉េ និងបង្អែមនំប៉័ងថូសបែបកូរ៉េនេះតែម្ដង។ ត្រូវម៉ាច់ហ្នឹងហ្វេនកូរ៉េៗតែម្ដង ដែលរកបង្អែមបែបកូរ៉េៗបែបនេះ។

  • #29, Street 334, Sangkat Boeung Keng Kang, Khan Chamkarmorn, Phnom Penh
  • 010919439
មើលបន្ថែម
  • $ - $$

4. La Rosada Dessert Café

  • $ - $$

បើកកាលពីឆ្នាំ 2020 La Rosada មានទីតាំងនៅម្ដុំសាលាបាក់ទូក ដែលមានបម្រើបង្អែមទឹកកកព្រិលកូរ៉េ និងបង្អែមនំប៉័ងថូសបែបកូរ៉េ។ ដោយហេតុមានទីតាំងស្ថិតនៅម្ដុំសាលា ទីតាំងមានប្រជាប្រិយភាពសម្រាប់សិស្សសាលា និងអ្នករស់នៅម្ដុំនោះ។

  • St. 152 corner St. 169, Sangkat Veal Vong, Khan 7Makara, Phnom Penh
  • 016 622 622
មើលបន្ថែម
  • $ - $$

5. ហ៊្សេរីនី- Chériny

  • $ - $$

ថ្វីត្បិតតែមិនមែនជាហាងបង្អែមបែបកាហ្វេ តែ Cheriny មានកន្លែងអង្គុយក្នុងហាង និងបម្រើកាហ្វេ និងភេសជ្ជៈត្រជាក់ៗជាច្រើនប្រភេទ។ ទៅដល់ទីនោះ អ្វីដែលមិនដកភ្នែកមិនរួចគឺនំខេក ដែលពន្លេចពណ៌យ៉ាងស្អាត និងគួរឲ្យចង់ញ៉ាំ។ គ្រាន់តែរូបភាពនេះ ក៏លោកអ្នកមិនអាចដកភ្នែកចេញពីរូបក្នុងហាងនេះបានដែរ។

មើលបន្ថែម

អត្ថបទណែនាំគួរតែអានបន្ទាប់