អ្នកពូកែញុាំប៊ូហ្វេមិនចេះខាតលុយអី តស់មកញុាំម្ហូបកូរ៉េនៅ Yammy Korea Toppoki នៅម្តុំវ៉ាន់ដានេះមក! ហាងនេះធំល្មម មានកន្លែងចតនៅខាងមុខហាង ហើយមានតែកន្លែងអង្គុយម៉ាសុីនត្រជាក់ក្នុងតែប៉ុណ្ណោះ។ បើនិយាយពីការតុបតែងវិញគឺដឹងតែត្រូវជាមួយនឹងយុវវ័យហ្មង មើលទៅមានអនាម័យណាស់។ សូម្បីតែសម្ភារ:បរិភោគក៏ដូចនៅកូរ៉េពិតៗដែរ។

អ្វីដែលពិសេសជាងគេពីហាងគាត់នោះគឺប៊ូហ្វេឆ្នាំងស៊ុបនោះឯង! យកមកពីរសជាតិកូរ៉េពិតៗ មួយឆ្នាំងរបស់គាត់ធំល្មមអាចញុាំជាក្រុម បីទៅបួននាក់បាន។ ក្នុងឈុតប៊ូហ្វេនេះមានសាច់គោ ពងទា មីកូរ៉េ ឬ Ramen Rice Cake ចង្កាក់សាច់ត្រី ពោត ឈីស គី​មឈី ប្រហិតនិងបន្លែជាច្រើនមុខផ្សេងៗផងដែរ។ ក្រៅពីស៊ុប អ្នកក៏បានម្អូបក្រៅទំនងៗដូចជា ​តូប៉ូគី មាន់ក្តៅហិរៗ Kimbab និងគាវទៀតផង។ ទាំងអស់នេះ អ្នកចំណាយត្រឹមតែ $7.8 ក្នុងម្នាក់តែប៉ុណ្ណោះ!

ភាគច្រើនញុាំម្ហូបកូរ៉េមួយមុខទាបបំផុតអស់ $2 ទៅ $5 ដុល្លាបាត់ទៅហើយ។ អញ្ជឹងញុាំប៊ូហ្វេនេះក៏ចំណេញណាស់ដែរ។ ចំពោះភេសជ្ជ: គេក៏មានសម្រាប់កុម៉្មង់ក្រៅដែរណា! 

មិនតែប៉ុណ្ណោះ ហាងក៏មានតម្លៃពិសេសសម្រាប់សិស្ស និងនិស្សិតទៀតផង! គ្រាន់តែបង្ហាញកាតសិស្ស អ្នកនឹងទទួលបានតម្លៃពិសេសត្រឹមតែ $6.8 ក្នុងមួយនាក់ជារៀងរាល់ថ្ងៃច័ន្ទ ដល់ សុក្រ ចាប់ពីម៉ោង 11 ព្រឹក​ ដល់ 5 ល្ងាច លើកលែងតែថ្ងៃបុណ្យជាតិប៉ុណ្ណោះ។ នាំមិត្តភក្តិ និងគ្រួសារអីមកញុាំជុំគ្នាមក បានទាំងរសជាតិកូរ៉េ បានទាំងតម្លៃសមរម្យ។ 

ហាង Yammy Korea Toppoki បើកជារៀងរាល់ថ្ងៃពីម៉ោង11ព្រឹក ដល់ 9យប់ ហើយមានទីតាំងនៅផ្លូវ 193 ក្រោយសាលាវ៉ាន់ដា។ ហាងក៏ឃើញមានប្រូម៉ូសិនតាមរដូវកាលផងដែរ អញ្ចឹងកុំភ្លេចតាមដានផេកគាត់ផងណា!