BLACKPINK IN YOUR AREAS ~ BLINK បានត្រៀមខ្លួនធ្វើជាម្ចាស់កម្មសិទ្ធលើផលិតផលមានកំណត់របស់ STARBUCKS ដែលមានការចូលរួមសហការពី BLACKPINK នៅ? 

កាលពីថ្ងៃទី 19 ខែ កក្កដា ឆ្នាំ ២០២៣ នេះ STARBUCKS បានប្រកាសជាសាធារណពីកិច្ចសហការណ៍របស់ខ្លួនជាក្រុមតារាកូរ៉េដ៏ល្បីទូទាំងពិភពលោក BLACKPINK ទៅលើផលិតផល (merchandise) និងភេសជ្ជៈមានចំនួនកំណត់ ដែលមានដាក់លក់នៅថ្ងៃទី 25 ខែ កក្កដា ខាងមុខនេះ។

ដោយមានការសហការពី BLACKPINK ច្បាស់ណាស់ថា ភេសជ្ជៈត្រូវតែមានលក្ខណៈជា BLACKPINK។ ភេសជ្ជៈបង្កើតថ្មីនោះផងដែរ ត្រូវបានហៅថា BLACKPINK Strawberry Choco Cream Frappuccino ដែលមានជាទឹកស្ករស្ដ្រប៊ែរី និងទឹកសូកូឡា បូករួមជាមួយគ្រីមផ្កាឈូកព្រឿងៗ និងសូកូឡារាងបេះដូង ដើម្បីបន្ថែមសម្រស់ទៅលើភេសជ្ជៈ។

Merchadise ជាកែវទឹកទាំងអស់មាន 11 ប្រភេទ ផលិតតម្រូវទៅតាមពណ៍របស់ក្រុមតារាចម្រៀងនោះគឺ ខ្មៅ និងផ្ដាឈូក ដែលមានសិល្បៈតុបតែងសប្បាយៗ ស្អាត និងទាក់ទាញជាមួយនឹងទំនុកចម្រៀង (lyrics) របស់ក្រុម BLACKPINK។ ក្រៅពីកែវទឹក Starbucks នៅមានជាច្រើនទៀតដូចជា កម្រាលហាត់យ៉ូហ្គា ថង់ស្ពាយ​ (Tote bag) បន្ដោងសោរ សំបកលិខិតឆ្លងដែន និងជាច្រើនទៀត។ ចង់បញ្ជាក់ផងដែរថា ផលិតផលទាំងអស់នេះមានលក់ក្នុង 9 តំបន់ប៉ុណ្ណោះនៅអាស៊ីបាស៊ីហ្វិកគឺ ហុងកុង កូរ៉េ ឥណ្ឌូណេស៊ី ម៉ាឡេស៊ី ហ្វីលីពីន សិង្ហបុរី តៃវ៉ាន់ ថៃ និង វៀតណាម។

Emmy Kan អនុប្រធានជាន់ខ្ពស់ និងជាប្រធានក្រុមហ៊ុន Starbucks នៅអាស៊ីប៉ាស៊ីហ្វិក បាន​លើកឡើងថា "BLACKPINK​ បញ្ចេញឥទ្ធិពល ដែលបង្ហាញនូវភាពក្លាហាន និងទំនុកចិត្ត ដែលជំរុញ និងផ្ដល់កម្លាំងចិត្ត ដល់មនុស្សនៅគ្រប់តំបន់ និងទីកន្លែង។​ ហើយ Starbucks ក៏មានមោទកភាពណាស់ដែរ ដែលបានសហការជាមួយក្រុមតារាចម្រៀងដ៏ល្បីល្បាញក្នុងសម័យកាលនេះ ដែលស្របទៅនឹងគោលបំណងរបស់យើងក្នុងការលើកកម្ពស់អតិថិជន និងអ្នកគាំទ្រតាមរយៈទំនាក់ទំនងមនុស្សជំវិញខ្លួន ដើម្បីបង្កើតទិដ្ឋភាពមួយនៅ Starbucks ដែលមិនអាចបំភ្លេចបាន។"

ប្រភពព័ត៌មាន៖ stories.starbucks.com