Starbucks ជាហាងកាហ្វេឈានមុខគេលំដាប់ពិភពលោកដែលអ្នកធ្លាប់លឺ ធ្លាប់ស្គាល់ ធ្លាប់សាក និងគាំទ្រខ្លាំងនេះ បានបើកសាខាក្នុងក្រុងតាខ្មៅដំបូងបង្អស់ដែលត្រូវបានហៅថា Starbucks សាខា The River។

សម្រាប់សាខាថ្មីនេះ ជាសាខាទី 16 ទូទាំងរាជាណាចក្រកម្ពុជារបស់ Starbucks ផងដែរ។ ដោយសារមានការគាំទ្រ និងចង់ចែករំលែកនូវបទពិសោធន៍កាហ្វេយ៉ាងល្អឥតខ្ចោះ ​និងគុណភាពខ្ពស់ទៅដល់ប្រជាជននៅខេត្តតាខ្មៅ Starbucks បានជ្រើសរើសទីតាំងយ៉ាងស្អាតពិសេសក្នុងការបើកសាខាដំបូងនេះដែរ។

ទីតាំងដែលអ្នកអាចពិសាកាហ្វេបានយ៉ាងឈ្ងុយឆ្ងាញ់ជាមួយនឹងការរាក់ទាក់យ៉ាងរួសរាយពីបុគ្គលិក បរិយាកាស និងការតុបតែងយ៉ាងស្រស់ស្អាត និងផាសុកភាពក្នុងហាងទៀតនោះ ចង់អារម្មណ៍អត់ល្អដោយសារគេងមិនឆ្អែតម៉េចក៏ដោយក៏ស្រស់ស្រាយដែរ។ ពិសេសនោះ គឺទល់មុខមាត់ទន្លេក្រុងតាខ្មៅតែម្ដង ស្រស់បស់អស់ស្ទះហើយ។

ដោយសារចង់ចែកជូននូវបទពិសោធន៍ ក៏ដូចជារសជាតិកាហ្វេដែលល្អបំផុតចែកជូនប្រជាជនកម្ពុជា Starbucks យកតែកាហ្វេល្អៗដែលមានការត្រួតពិនិត្យយ៉ាងល្អិតល្អន់ និងគ្រឿងផ្សំស្រស់ៗដើម្បីបង្កើតនូវរសជាតិកាហ្វេដ៏ឈ្ងុយឆ្ងាញ់មួយកែវជូនលោកអ្នក។

លោក ប៉ោ លីម ប្រធានគ្រប់គ្រងទូទៅនៃ Starbucks កម្ពុជា ថ្លែងថា “ហាង Starbucks សាខា The River សាខាទី 16 នេះ ជាសាខាដំបូងបង្អស់របស់យើងនៅទីក្រុងតាខ្មៅ ខេត្តកណ្ដាល តែមិនមែនជាសាខាចុងក្រោយបង្អស់នោះឡើយ Starbucks នឹងធ្វើការចែកចាយបទពិសោធន៍កាហ្វេ និងពង្រីកសាខាចំនួន 3 ទៀតនាឆ្នាំនេះរួមមាន សាខា The Point Community Mall, សាខា The Olympia Mall, និងសាខានិរោធ។”

ក្រៅពីការផ្ដល់ជូនកាហ្វេយ៉ាងឈ្ងុយឆ្ងាញ់ Starbucks ក៏មានការប្ដេជ្ញាចូលរួមក្នុងសកម្មភាពសង្គមដើម្បីជាផ្នែកមួយចូលរួមចំណែកបង្កើតជានិរន្ដភាពដល់កម្ពុជាសម្រាប់អនាគតផងដែរ។ កាលពីខែមេសា ឆ្នាំ 2019 Starbucks បានសហការជាមួយមូលនិធិអាស៊ី កម្ពុជាដែលជាអង្គការមួយធ្វើការចែករំលែកបទពិសោធន៍ និងចំណេះដឹងទូទៅពីបរិស្ថាន ស្ដីពីផលប៉ះពាល់ផ្សេងៗដែលកើតចេញពីសម្រាមដល់យុវជនកម្ពុជា។ ជាហេតុដែល Starbucks តែងតែលើកស្ទួយអតិថិជនឲ្យប្រើប្រាស់នូវ Tumbler និងកែវដែលប្រើប្រាស់ឡើងវិញ (Reusable cup) ដោយមានការបញ្ចុះ $0.30 ប្រសិនបើលោកអ្នកប្រើប្រាស់វា។

តែប៉ុណ្ណេះ អ្នកតាខ្មៅអត់បាច់ពិបាកត្រូវស្ទះផ្លូវជិះចូលភ្នំពេញដើម្បីពិសាកាហ្វេ Starbucks ទៀតឡើយ!

ម៉ោងបើក៖ 7AM - 10PM

ទីតាំង៖ នៅអគារពាណិជ្ជកម្ម The River (មាត់ទន្លេក្រុងតាខ្មៅ) ផ្លូវ 107 ក្រុងតាខ្មៅ ខេត្តកណ្ដាល | Googlemap