ជារៀងរាល់រដូវកាលធំៗ Starbucks តែងតែនាំចូលមកនូវភេសជ្ជៈពិសេសថ្មីៗទៅតាមរដូវនិមួយៗនោះ។ តើខែនេះ Starbucks មានអ្វីពិសេសទៀតហើយ?

ប្រិយមិត្ត Starbucks ប្រាកដជាធ្លាប់លឺពី Seasonal Drink ហើយមែនអត់? សម្រាប់រដូវកាលធំៗ Starbucks តែងនឹងមានកម្មវិធីពិសេសម្យ៉ាងគឺ ការនាំចូលភេសជ្ជៈថ្មីពីរ ឫបីមុខដែលមានលក់ក្នុងរយៈពេលមានកំណត់ ហើយជួនកាលភេសជ្ជៈនឹងអាចមាននៅតែកម្ពុជា ប៉ុណ្ណោះ។ សម្រាប់និទាឃរដូវខាងមុខនេះ Starbucks បាននាំមកនូវភេសជ្ជៈពីរថ្មីសម្រាប់អតិថិជនរបស់ខ្លួន។

Macadamia Cocoa ជាប្រភេទកាហ្វេកាពូឈីណូរសជាតិកាកាវ លាយផ្សំជាមួយនឹងគ្រាប់ធញ្ញជាតិម៉ាកាដាមៀដែលមានដាំនៅកោះហាវ៉ៃ ហើយមានបន្ថែមទឹកសូកូឡាមានជាតិម៉ាកាដាមៀ និងក្រែមទឹកដោះគោពីលើផងដែរ។ ភេសជ្ជៈនេះពិតជាសាកសមនឹងអ្នកដែលចូលចិត្តកាហ្វេកាពូឈីណូ ព្រោះវាមានបញ្ចូលនូវជាតិអ៊ិចប្រេសសូថែមមួយកម្រិតទៀត។ អ្នកអាចសាកភេសជ្ជៈនេះជាលក្ខណៈក្តៅ (hot) ក៏បាន ត្រជាក់ (iced) ក៏បាន ឫកិនជាមួយនឹង ទឹកកក(blended) ក៏បាន។

Butterfly Pea Lemonade គឺជាភេសជ្ជៈដែលសមបំផុតសម្រាប់អ្នកដែលមិនសូវចូលចិត្តកាហ្វេ។ ភេសជ្ជៈនេះមានលាយផ្សំជាមួយនឹងរសជាតិខុសៗគ្នា ៣មុខដែលអ្នកអាចឃើញតាមរយៈពណ៌ខុសៗគ្នានៃភេសជ្ជៈនេះ។ នៅខាងក្រោមគេគឺ រសជាតិផ្កាអមតៈដែលមានអត្ថប្រយោជន៍ជួយសុខភាព រីឯនៅកណ្តាលវិញគឺ ទឹកក្រូចឆ្មា ហើយនៅលើគេបង្អស់គឺ កាហ្វេ cold brew ពិសេសរបស់ Starbucks។

 

ការផ្សំនៃរសជាតិទាំងបីនេះបានធ្វើឲ្យភេសជ្ជៈនេះមានរសជាតិផ្អែមផង ជូរផង និងល្វីងតិចៗផង។ និយាយទៅ អ្នកដែលចូលចិត្ត Starbucks ទាំងអស់គ្នាគួរតែសាកភេសជ្ជៈនេះម្តង ព្រោះ FoodBuzz ធានាថាអ្នកនឹងពេញចិត្តនឹងភេសជ្ជៈនេះដូចពួកយើងដែរ!

តម្លៃ៖ ចាប់ពី $3.45

ទីតាំង៖ សាខាបឹងកេងកង ‌១, សាខាផ្សារទំនើបអ៊ីអន, សាខាផ្សារទំនើប Sorya Center Point, សាខា Exchange Square, សាខាបូកគោ, សាខាទូលទំពូង, សាខា TK Avenue, សាខាអាកាសយានដ្ឋានអន្តរជាតិភ្នំពេញ