បើនិយាយទៅដល់ Skybar ល្បីៗនៅប្រទេសកម្ពុជាវិញ ជឿថាអ្នកទាំងអស់គ្នាប្រាកដជាស្គាល់ Sora Skybar ហើយត្រូវអត់? បារលើអាកាសនេះស្ថិតនៅជាន់ទី 37 ដែលជាជាន់ខ្ពស់ជាងគេ  នៃអគារពាណិជ្ជកម្ម Vattanac Capital ដែលជា Skybar បែបប្រណិត ដែលអាចឲ្យអ្នកទាំងអស់គ្នាបានគយគន់សម្រស់ទីក្រុងភ្នំពេញទាំងមូលនាពេលរាត្រី។ 

Sora Skybar តែងព្យាយាមរិះរកកម្មវិធីថ្មីៗ ដើម្បីផ្តល់បទពិសោធន៍ដ៏សម្បូរបែបដល់អតិថិជន ហើយក្នុងនោះដែរក៏មាន Rosewood Bar Series ដែលជាការសហការគ្នាជាមួយ The World's 50 Best Bars ក្នុងការអញ្ចើញអ្នកក្រឡុកស្រាល្បីៗជុំវិញពិភពលោក មកបង្ហាញស្នាដៃដ៏ស្ទាត់ជំនាញ ផ្តល់ជូនភេសជ្ជៈពិសេស និងថ្មីស្រឡាងដែលជាអត្តសញ្ញាណរបស់ខ្លួន រួមបញ្ចូលជាមួយអត្តសញ្ញាណវប្បធម៌របស់កម្ពុជាផងដែរ។ 

ក្រោយពីដំណើរការកម្មវិធីពិសេសនេះបានមួយរយៈមក ក្នុងខែនេះ Sora Skybar ក៏មានការអញ្ជើញភ្ញៀវកិត្តិយសជាអ្នកក្រឡុកស្រាជនជាតិមិចស៊ីកូមកពី Licorería Limantour ដែលជាបារល្បីល្បាញលំដាប់ថ្នាក់លេខ 6 នៅលើពិភពលោក គឺលោក Benjamin Padrón និងលោក José Luis León រយៈពេល 5 ថ្ងៃ ចាប់ពីថ្ងៃទី 23 ដល់ថ្ងៃទី 27 ខែសីហានេះ។ 

ក្រុមការងារ FoodBuzz ក៏មិនឲ្យឱកាសល្អកម្ររកបាននេះកន្លងផុតទៅងាយៗដែរ! ដំបូងឡើយ ពួកយើងជាប់ចិត្តនឹងបរិយាកាសពោរពេញទៅដោយឯកជនភាព និងទស្សនីយភាពដ៏អស្ចារ្យនៅនឹងមុខ ព្រមទាំងពេញចិត្តនឹងការបម្រើដោយយកចិត្តទុកដាក់ និង ដិតដល់របស់បុគ្គលិក Sora Skybar ផ្ទាល់។ មិនខកចិត្តនឹងការមកដល់ ព្រោះពួកយើងបានជួបនិយាយជាមួយលោក Padrón និងលោក León អំពីលក្ខណៈពិសេស

នៃភេសជ្ជៈនីមួយៗ ដែលវាគួរឲ្យចាប់អារម្មណ៍មែនទែន។ សកម្មភាពក្រឡុកស្រារបស់អ្នកទាំងពីរមានភាពរស់រវើក ហើយភេសជ្ជៈនីមួយៗមានពណ៌ស្រស់ស្អាតពិតជាគួរឲ្យចង់សាកតែម្តង។ 

ក្នុងចំណោមភេសជ្ជៈពិសេសទាំង 5 ដែលពួកគាត់បានផ្តល់ជូន ពួកយើងជ្រើសរើសសាកល្បងជាមួយនឹង Watermelon Cooler ដើម្បីឲ្យមានភាពស្រស់ស្រាយបន្តិច ហើយរសជាតិដែលទទួលបានគឺដំបូងរាងល្វីងចាស់ស្រា តែ Aftertaste ទៅជារាងស្រាលជាងមុន ដោ​យសារតែមានទឹកឪឡឹក និងទឹកក្រូចឆ្មាក្នុងហ្នឹងដែរ។

បើនិយាយទៅ ជារសជាតិប្លែកថ្មីមួយបែប មិនដូចអ្វីដែលយើងធ្លាប់សាកពីមុនមកទេ តែពួកយើងក៏ចូលចិត្តវា។ បានក្រេបតិចៗ ជាមួយម្ហូបក្លែមនៅទីនោះ អមជាមួយនឹងតន្ត្រីលេងសុទ្ធតែពីសិល្បករលំដាប់ពិភពលោកដូចជាលោក Daniel Park ទៀត ធ្វើឲ្យរាត្រីជួបជុំនោះកាន់តែពិសេសមែនទែន!

កំពុងចង់បានពិសោធន៍ថ្មីមែនទេ? កុំភ្លេច Sora Skybar ណា៎! 

Time: 5pm-12am

Contact: 023936860

Location: Level 37, Vattanac Capital Mall Phnom, 66 Preah Monivong Blvd (93), Sangkat Wat Phnom, Phnom Penh