ជី​វិតប្រហែលមានន័យជាងនេះ​បើគេនាំទៅ Snow Castle​​ ទើបតែបើកថ្មី! ស្ទាយហាងឡើងលក្ខណ: Bohemian ហើយ​ឡើងឃ្យូត!​

និយាយរួមមិនសូវដែលឃើញហាងកាហ្វេណាគេរៀបចំស្អាតអញ្ជឹងទេ! ហាងធំល្មមទៀត មានកន្លែងចត មានទាំងបរិវេណក្នុងនិងក្រៅ សម្បូរផ្លង់ថតណាស់អ្នកអើយ!​

កន្លែងអង្គុយក្នុងមានម៉ាសុីនត្រជាក់ តុបតែងជាបើកជំហទូលាយៗ ហើយមានពន្លឺធម្មជាតិចេញចូលល្អទៀត។ 

បើមើលម៉ឺនុយគេវិញ គេផ្តោតលើភេសជ្ជ:ផងលើបង្អែមបែបអាសុីផង អឺរ៉ុបៗផង។ សម្រាប់ភេសជ្ជ: ក្រៅពីកាហ្វេពេញនិយម និងតែដោះគោយើងនឹង គេមានរសជាតិប្លែកៗទៀតដូច កាហ្វេខ្មៅលាយទឹកក្រូចដែលមើលទៅទំនងដែរតាស់!​​ 

ហើយបើបង្អែមវិញ មិនបាច់រៀបរាប់ឃើញតែរូបក៏ដឹងតែលេបទឹកមាត់តែម្តង!​ អ្នកចង់ញុាំខេកអី គេមានរសជាតិច្រើនរកមិនខ្វះទេដូច Yuzu Honey ខេក និងឈីសខេករសជាតិ Lemon ទៀត!​ សម្រាប់អ្នកចង់ញុាំជាអាហារពេលព្រឹក គេក៏ំមានចាននំ Waffle មានជាលក្ខណ: Bento ហើយក៏មានជា Toast លាយជាមួយផ្លែឈើស្រស់អមជាមួយការ៉េម និងទឹកស្ករស្រោចពីលើម៉ាអេមតែម្តង! 

សម្រាប់បើថាផុសរូបទៅញ៉ាំម្នាក់ឯងដឹងតែមិត្តច្រណែនមិនស្ទើរទេ ចឹងនាំគ្នាមកសាកឲ្យច្រើនមកណា ព្រោះនៅមានបីងស៊ូទឹកកកឈូសមួយទៀតដែលអាចញ៉ាំជុំគ្នាបាន! ធ្លាប់តែឃើញរសជាតិស្ត្រប៊ែរី សូកូឡា តែនៅ Snow Castle មានរសជាតិឱឡឹក ហើយចេកប្លែកខុសគេទៀត! 

រៀបរាប់បានប៉ុណ្ណឹងមិនមែនមានន័យថាអស់ពីមីនុយទេណា។ អ្នកទាំងអស់គ្នាអាចទៅលេងខ្លួនឯងផ្ទាល់ទៅ កន្លែងពិសេសស្អាតកប់នៅសៀមរាប!​ ហាងមានទីតាំងនៅផ្លូវ​ ​Aleah ខេត្តសៀមរាប​។