​តែប៉ុណ្ណឹងបានបាយព្រឹកឆ្ងាញ់មាត់រាល់ថ្ងៃហើយ

ងើបពីព្រលឹមមកពោះទទេរចឹង បើបានញុំាបាយស្រូបជាមួយទឹកត្រីផ្អែមជ្រលក់បាយ​មិនដឹងឆ្ងាញ់យ៉ាងណាទេ គ្រាន់តែនឹកឃើញស្រក់ទឹកមាត់បាត់។ តែញុំានៅណាបានឆ្ងាញ់?


នេះនែហាងបាយ រ៉េត​​សូនីតាហៅញ៉ក់ ឬ បាយប៉ុស្ត៏​​ ដែលជាហាងបាយពិសេសទទួលបានភាពល្បីល្បាញអស់រយៈពេល 30 ឆ្នាំជាងមកហើយ ជាពិសេសនៅទីនេះមិនត្រឹមតែមានលក់បាយសាច់ជ្រូកតែមួយមុខទេ​​ ​មានប្រភេទដូចជា​​​ បាយសាច់មាន់,​​ បាយឆ្អឹងជំនីរ, បាយគ្រឿងក្នុងមាន់, បាយពងក្រឡុកជាដើមជាមួយនឹងតម្លៃសមរម្យចាប់ពី 6500៛ ដល់​​ 14000៛ តែប៉ុណ្ណោះ។ 

នៅក្នុងហាងនេះអាហារពេលព្រឹកដែលមានប្រជាប្រិយភាពជាងគេ គឺបាយសាច់ជ្រូក​នឹងបាយសាច់មាន់។ មួយមុខៗមានមកជាមួយបាយមួយចាន, ទឹកស្រូបបាយពិសេសមួយចាន ​នឹងទឹកត្រីផ្អែមមួយចាន អមនឹងសាច់ប្រឡាក់ជាមួយរូបមន្តពិសេសប្រចាំគ្រួសារទៀតផង (ចង់ប្រាប់ថាញុំាម្តងហើយជាប់ចិត្តតែម្តង) ។

ដើម្បីធ្វើអោយម្ហូបរបស់ភ្ញៀវមកដល់ដៃក្តៅៗ ចំណុចពិេសសនៅក្នុងហាងបាយនេះគឺសាច់ដែលនៅលើបាយមិនហាន់ជាបន្ទះៗនោះទេគឺលើកពីខ្ទះដាក់មកទាំងបន្ទះតែម្តងនេះជាហេតុធ្វើភ្ញៀវគ្រប់គ្នាពេញចិត្តយ៉ាងខ្លាំង​។


ម្យ៉ាងទៀតដើម្បីបន្ថែមរសជាតិបាយរបស់យើងអោយកាន់តែឆ្ងាញ់ថែមទៀតសម្រាប់ភ្ញៀវទាំងអស់គ្នាដែលចង់បន្ថែមម្ហូបពីលើក៏អាចកុម្ម៉ង់បានដូចជា​ សាច់មាន់,​ សាច់ជ្រូក, ពងទា​នឹងឈាមជ្រូកចៀនជាដើម​​​ដែលមានតម្លៃចាប់ពី​ 1000៛ ដល់ 2500៛​ ​ម្យ៉ាងទៀតបើបានញុំា បុុិបសុីត្រជាក់ៗជាមួយបាយទៀតកាន់តែឆ្ងាញ់លើសដើមនឹងជួយសម្រួលការញុំាទៀតផង។

កុំភ្លេចណា! ហាងបាយរ៉េត សូនីតា ហៅញ៉ក់បើកចាប់ពីម៉ោង 6 ព្រឹករហូតដល់ 2 រសៀលហើយមានទីតាំងស្ថិតនៅជិតម៉ាស្ទ័រស៊ុគីស៊ុបបាក់ទូកជាប់នឹងសាលាសង្កាត់វាលវង់ ឬក៍ទំនាក់ទំនងតាមលេខទូរស័ព្ទ 012 60 47 75​​​ ។

  • រ៉េត​ សូនីតា​ (ញ៉ក់) Red Sonita, Blvd (169, Phnom Penh, Cambodia
  • 012 60 47 75
ហាងបាយ រ៉េត សូនីតា ហៅញ៉ក់

ព័ត៌មានគួរតែអានបន្ទាប់

See all