ហាងកាហ្វេដំបូងគេនៅតំបន់ភ្នំ១៥០០ នៃខេត្តពោធិ៍សាត់នឹងបើកដំណើរការហើយនៅថ្ងៃទី០១ ខែកញ្ញា​ ២០២១ នេះហើយ!

ហាងកាហ្វេភ្នំមានបរិយាកាសស្រស់ស្រាយ ហុំព័ទ្ធដោយរុក្ខជាតិបៃតងខៀវស្រងាត់ ដឹងតែត្រូវចិត្តអ្នកស្រឡាញ់ធម្មជាតិតែម្ដង! ម្ចាស់ហាងចិត្តល្អប្រាប់ក្រុម​ FoodBuzz យើងថា គាត់បង្កើតហាងកាហ្វេលើភ្នំនេះ ដើម្បីឲ្យអតិថិជនមានអារម្មណ៏ខុសប្លែកពីហាងកាហ្វេដទៃ ដោយសារតែបរិយាកាសស្រសស្រាយ ទេសភាពភ្នំស្រឡះចិត្ត។

សាកស្រមៃមើល បើបានអង្គុយទីនេះមានទេសភាពស្រស់ស្អាតបែបនេះ សម្លេងកូនចាបកូនព្រៀបរងំៗ បូកជាមួយសម្លេងទឹកហូរ​ ដៃកាន់កែវកាហ្វេ ចិបម្ដងបន្តិចៗ កង្វល់ខ្វល់ខ្វាយសាបសូន្យទៅអស់តាមជំនោរខ្យល់ ជីវិតមានន័យដល់ហើយ!

ហាងកាហ្វេភ្នំក៏មានលក់ភេសជ្ជៈជាច្រើនមុខ រួមជាមួយម្ហូបអាហារបែបខ្មែរទំនងៗទៀតផង។

រីឯភេសជ្ជៈប្រចាំហាងនេះវិញ គឺជាកាហ្វេក្រវ៉ាញដែលច្នៃឡើងដោយហាងកាហ្វេភ្នំផ្ទាល់។ គ្រាន់តែលឺ ចង់សាកតែម្ដង ព្រោះប្លែកខុសពីធម្មតា។

ឡូយម្លឹងៗ ជិះពីភ្នំពេញដល់ពោធិ៍សាត់ក៏មិនហត់ដែរ​ ឲ្យតែបានទៅស្គាល់ ត្រូវអត់?

• សម្រាប់ព័ត៌មានបន្ថែម ចូលទៅកាន់ផេកហ្វេសប៊ុក៖ Phnom Coffee