ហាងភីហ្សាដ៏ល្បីមួយកន្លែងដែលមានឈ្មោះថា Pizza 4P’s ដែលបានបើកទ្វារបម្រើជូនភីហ្សារសជាតិដើមនៅប្រទេសខ្មែរយើងបានមួយរយៈធំ ល្បីខាងឈីសឆ្ងាញ់ធ្វើដោយខ្លួនឯង ស្រស់ៗតែម្ដង។ ថ្មីៗនេះ ហាង Pizza 4P’s  បានដាក់លក់ភីហ្សារសជាតិថ្មីស្រឡាងមួយ គឺភីហ្សារសជាតិនំបញ្ចុក។ គ្រាន់តែលឺឈ្មោះ ដឹងតែរៀងប្លែកចិត្តហើយ​ត្រូវអត់? តស់! មកស្គាល់ទាំងអស់គ្នា!

ភីហ្សានំបញ្ចុកនេះ ជាការបូកផ្សំគ្នារវាងគ្រឿងផ្សំរបស់នំបញ្ចុកដូចជា គ្រឿងបុក ត្រី ខ្ទិះដូង និងជាពិសេសប្រហុក ជាមួយនឹងសាច់ម្សៅភីហ្សា រួមបញ្ចូលជាមួយឈីស។ ការជួបជុំគ្នានៃគ្រឿងផ្សំទាំងអស់នេះ បង្កើតបានរសជាតិដ៏ប្លែកមួយមិនធ្លាប់លឺពីមុនមក!

ជាធម្មតា នំបញ្ចុកមិនខ្វះបានទេ ជាមួយនឹងល្បោយ ហើយភីហ្សានំបញ្ចុកយើងនេះក៏ដូចគ្នាដែរ! សម្បកភីហ្សាគឺស្រោចស្រោបដោយបន្លែល្បោយស្រស់ៗ គ្រប់ពណ៌នៅពីលើ ធ្វើឲ្យមើលទៅទាក់ភ្នែកគួរឲ្យទំនងចង់ភ្លក់។ ល្បោយទាំងនេះមិនត្រឹមតែជួយបង្កើនសម្រស់នោះទេ តែក៏ជួយបន្ថែម Texture ឲ្យភីហ្សាទាំងមូល នៅពេលទំពារមួយម៉ាត់ៗ មានលាយជាតិស្រួយខ្លះ ជាតិបំព្រងនៃបន្លែខ្លះទៀតផង។

ភីហ្សានំបញ្ចុកនេះមានតម្លៃ $7.8  ដែលអាចញ៉ាំបានប្រហែល 2 នាក់ហើយភីហ្សានំបញ្ចុកនេះគឺមានជាប្រចាំ មិនមានកំណត់ថ្ងៃនោះទេ ដូច្នេះកុំភ្លេចទៅសាកទាំងអស់គ្នាណា៎!

Googlemap