Lé Toul Café
- St. 42, Phnom Penh
- 098 633 883
ហាងកាហ្វេ Lé Toul Café មានទីតាំងនៅជាយក្រុងដែលទើបនឹងបើក កំពុងល្បីខ្លាំងលើបណ្ដាញសង្គម។ Lé Toul Café ចាប់ផ្ដើមឡើងពីចិត្តស្រឡាញ់កាហ្វេ និងធម្មជាតិរបស់ម្ចាស់ហាង។
ចំណុចពិសេសរបស់ហាងកាហ្វេនេះគឺការតុបតែងរចនាឡើងបែបបុរាណខ្មែរ ដូចជាផ្ទះដែលគេរស់នៅក្នុងជំនាន់ឆ្នាំ៦០ ប៉ុន្តែមានការលម្អបែបសម័យថ្មីលាយគ្នាផងដែរ។ ដោយសារតែគំនិតច្នៃប្រឌិតក្នុងការរចនានេះ ធ្វើឲ្យហាងនេះមានកន្លែងថតរូបស្អាតៗជាច្រើន ត្រូវចិត្តអ្នកចូលចិត្តថតរូបទុកបង្ហោះម៉ាច់!
ផ្ទះហាងកាហ្វេនេះមានដាក់បង្អួចជាច្រើន ហើយម្ចាស់ហាងដាក់ឈ្មោះផ្ទះនេះថា ៉ផ្ទះបង្អួច១០០ ៉។ ម្ចាស់ហាងថាដាក់បង្អួចច្រើនដើម្បីឲ្យប្លែក ហើយដើម្បីឲ្យមានខ្យល់អាកាសចូលត្រជាក់ចិត្ត។
Lé Toul Café ក៏មានបម្រើម្ហូប និងភេសជ្ជៈបែបខ្មែរនិងបែបបរទេសជាច្រើនមុខ ដែលចម្អិន និងធ្វើឡើងពីគ្រឿងផ្សំធម្មជាតិ មានរសជាតិនិងគុណភាពដូចម្ហូបចម្អិននៅផ្ទះអញ្ចឹង!
អ្នកទាំងអស់គ្នាអាចសាកសួរព័ត៌មានបន្ថែមតាមហ្វេសប៊ុកផេក Lé Toul Café ឬក៏ទាក់ទងទៅលេខ 098 633 883 ៕
By proceeding, you agree to our Terms of Use and confirm you have read our Privacy Policy.