ភោជនីយដ្ឋានតែងតែមានបើកថ្មី ហូរហែរជានិច្ចមិនឲដាច់ទេស្ទើរតែនៅគ្រប់តំបន់ទាំងអស់នៅទីក្រុងភ្នំពេញ ហើយថ្ងៃនេះ FoodBuzz ចង់មកណែនាំភោជនីយដ្ឋានថ្មីស្រឡាងដែលនឹងបើកសាកល្បងលក់ចាប់ពីចុងសប្ដាហ៍នេះតទៅហើយ។

Le Garden Restaurant & Cafe គឺជាភោជនីយដ្ឋានថ្មីមានទីតាំងនៅម្ដុំទួលគោលដែលនឹងបើកទ្វារទទួលភ្ញៀវចាប់ពីថ្ងៃអាទិត្យ 25 មីនានេះតទៅហើយ ហើយភោជនីយដ្ឋាននេះមិនត្រឹមតែមានទីតាំងល្អធំទូលាយទេ ការតុបតែងក៏មានភាពទាក់ទាញ  គួរឲចង់ថតរូប ហើយថែមទាំងមានបន្ទប់ VIP ដែលអ្នកអាចកក់ទុកធ្វើពិធីជប់លៀង ខួបកំណើត ឬ កម្មវិធីផ្សេងៗទៀតផងបានដែរ។

ចំពោះផ្នែកមុខម្ហូបវិញ Le Garden Restaurant & Cafe បម្រើអាហារមួយថ្ងៃបីពេល ទាំងព្រឹក ថ្ងៃត្រង់ និង ល្ងាចតែម្ដង ហើយបើនិយាយអំពីបញ្ជីមុខម្ហូបវិញគឺ Le Garden សំបូរទៅដោយម្ហូបបែបគ្រឿងសមុទ្រស្រស់ៗ គុណភាពល្អ និងស្ទេកជាច្រើនមុន ហើយលើសពីនេះក៏មានជាស្រាក្រហមនាំចូលពីបរទេស គុណភាពកំពូលៗ ផងដែរ។

ដំណឹងល្អសំរាប់ប្រិយមិត្ត FoodBuzz ទាំងអស់ដែលមានបំណងចង់ទៅសាកភោជនីយដ្ឋានថ្មីនេះទាំងអស់! Le Garden Restaurant & Cafe នឹងមានការបញ្ចុះតម្លៃ 25% ទៅលើមុខម្ហូប និង ភេសជ្ជៈគ្រប់មុខទាំងអស់ចាប់ពីថ្ងៃ 25 មីនានេះរហូតដល់ថ្ងៃ 8 មេសា។

ម៉ោងបើក៖ 6AM - 9PM 

ទីតាំង៖ ផ្ទះលេខ 15, ផ្លូវ 528,  សង្កាត់បឹងកក់1 ខណ្ឌទួលគោក ភ្នំពេញ (ជាប់ហាងកាហ្វេ Arabitia ទល់មុខមន្ទីរពហុព្យាបាលអន្តរជាតិខេមា) | Googlemap