យើងឃើញថាឥឡូវនេះមានហាងតែគុជជាច្រើនកន្លែងដែលកំពុងដំណើរការពាសពេញប្រទេសកម្ពុជា ជាពិសេសនៅរាជធានីភ្នំពេញផ្ទាល់តែម្តង។ ដោយឡែក ប្រសិនបើយើងក្រឡេកទៅមើលកាលពី៤ ឬ៥ឆ្នាំមុនវិញ អ្នកទាំងអស់គ្នាច្បាស់ជានឹកឃើញដល់ហាងតែគុជដ៏ល្បីដែលមានភេសជ្ជៈឆ្ងាញ់ៗមួយនេះមិនខានដែលមានឈ្មោះថា Gong cha Cambodia។

 

Gong cha Cambodia គឺជាហាងតែគុជពីប្រទេសតៃវ៉ាន់ដែលបានមកដល់ប្រទេសកម្ពុជាយើង កាលពីឆ្នាំ២០១៣។ ប៉ុន្តែ Gong cha Cambodia ក៏បានឃ្លាតឆ្ងាយពីអ្នកទាំងអស់គ្នាវិញ ក្នុងឆ្នាំ២០១៦ដែលធ្វើឲ្យអ្នកគាំទ្រ ក៏ដូចជា អេតមីនផ្ទាល់នឹករសជាតិ តែគុជដ៏ឆ្ងាញ់របស់ហាងមួយនេះមែនទែន។

 

ប៉ុន្តែឥឡូវនេះ​ FoodBuzz ចង់ប្រកាសឲ្យអ្នកទាំងអស់គ្នាដឹងថា Gong cha Cambodia បានត្រឡប់មកប្រទេសកម្ពុជាយើងវិញហើយ! អ៊ីចឹងអ្នកគាំទ្ររសជាតិតែគុជរបស់ Gong cha Cambodia ទាំងអស់គ្នានៅចាំអីទៀត រកនឹកថាកុម៉្មង់អីឲ្យហើយៗទៅ ដល់ថ្ងៃបើកបានញុាំតែម្តង។ 

 

ក្នុងនោះដែរសម្រាប់ទីតាំង និងថ្ងៃបើកសម្ពោធឡើងវិញ អ្នកទាំងអស់គ្នាអាចចូលទៅតាមដានក្នុង Facebook Page របស់ហាងមួយនេះផ្ទាល់បាន ដែលមានឈ្មោះថា Gong cha Cambodia ។​ ដូច្នេះកុំភ្លេចពេល Gong Cha Cambodia បើកឡើងវិញ ប្រយ័ត្នទៅអត់ទាន់អេតមីនណា!