មិនមែនតែភ្នំពេញនោះទេដែលប្រជុំទៅដោយហាងកាហ្វេល្បីៗ សម្បីតែក្រុងសៀមរាបក៏មានប្រជាប្រិយភាពហូបកាហ្វេដែរ? កាលពីខែសីហា ថ្ងៃទី 20 មិនប៉ុន្មានថ្ងៃមុននេះ ក្រុងសៀមរាបបានទទួលស្វាគមន៍ហាងកាហ្វេថ្មីមួយដែលការតុបតែង និងរសជាតិកាហ្វេមិនចាញ់ហាងកាហ្វេល្បីៗដទៃ។ ចង់ដឹងទេថាហាងកាហ្វេឈ្មោះអ្វី?

Co-Work Cafe and Bistro ជាហាងកាហ្វេដែលស្រឡាញ់ និងថែរក្សាបរិស្ថាន។ ពួកគេតែងតែប្រើប្រាស់នូវរបស់ដែលអាចកែច្នៃប្រើម្ដងទៀតបាន ថែមទាំងចូលរួមកាត់បន្ថយកាកសំណល់ទៀតផង។ មិនតែប៉ុណ្ណោះ ជំនួសដោយបំពង់ប៊ឺតផ្លាស្ទិច ពួកគេប្រើប្រាស់នូវបំពង់ប៊ឺតធ្វើពីបំពង់ឫស្សី ជាពិសេសទៅទៀតនោះ ប្រិយមិត្តដែលមានដបទឹកស្រាប់ណា ខាងហាងកាហ្វេ Co-Work Cafe and Bistro រីករាយនឹងដាក់ភេសជ្ជៈជូនប្រិយមិត្ត ហើយប្រិយមិត្តនឹងបានទឹកប្រាក់ 25c វិញពីហាងកាហ្វេក្នុងការចូលរួមថែរក្សាបរិស្ថាន និងកាត់បន្ថយការប្រើប្រាស់ផ្លាស្ទិច។ បន្ទាប់ពីទិញកាហ្វេហើយណា Co-Work Cafe and Birsto តែងតែលើកទឹកចិត្តអតិថិជនឲ្យយកកាកកាហ្វេទៅធ្វើថ្នាំខាត់ស្បែក ឬយកទៅធ្វើដីដាក់ក្នុងសួនច្បាររបស់អតិថិជន។

Co-Work Cafe and Bistro ផងដែរ បានលើកទឹកចិត្ត និងបង្ហាត់បង្ហាញដល់ជនពិការដែលបម្រើការក្នុងហាងកាហ្វេរបស់ខ្លួនទាំងសេវាកម្ម ទាំងការឆុងកាហ្វេ និងធ្វើភេសជ្ជៈគ្រប់ប្រភេទ។

អ្វីដែលពិសេសជាងនេះទៅទៀតនោះ ការ៉េមដែលមានលក់នៅ Co-Work Cafe and Bistro គឺប្រើប្រាស់គ្រឿងផ្សំធម្មជាតិទាំងទឹកឃ្មុំក៏សុទ្ធ ប្រេងដូង និងស្ករត្នោតសុទ្ធតែគ្មានជាតិគីមី។ ការចំអិនម្ហូបអាហារក៏ត្រូវបានគិតទៅលើសុខភាពរបស់អតិថិជនដែរ អាហារមិនប្រើអំបិល ស្ករ និងប្រេងច្រើន បើប៊ីចេងវិញគឺអត់ដាក់តែម្ដង។  

បើមកដល់ Co-Work Cafe and Bistro កុំភ្លេចសាកនូវ Draft Beer នៅទីនេះ តម្លៃត្រឹមតែ 50c គ្រប់ពេលជារៀងរាល់ថ្ងៃ។ អញ្ចឹងកុំភ្លេចណា Co-Work Cafe and Bistro នៅក្រុងសៀមរាប ប្រិយមិត្តនឹងរីករាយជាមួយអាហារសុខភាព និងកាហ្វេដ៏ឈ្ងុយឆ្ងាញ់ពីទីនេះ។