មានចាំទេ ព្រឹត្តិការណ៍ពិព័រណ៍សាច់អាំងដ៏ធំអស្ចារ្យនៅកោះពេជ្រមិនប៉ុន្មានថ្ងៃមុន? FoodBuzz ក៏បានចុះអត្ថបទ update ព្រឹត្តការណ៍ថ្ងៃដំបូងផងដែរ ទាំងសប្បាយ បានទាំងឆ្អែតជាមួយនឹងសាច់អាំងយ៉ាងសម្បូរបែប និងកូកាកូឡាត្រជាក់ៗ រីករាយអារម្មណ៍ណាស់មែនអត់។ អញ្ចឹងបានចូលរួមអត់ហ្នឹង ប្រិយមិត្តគ្នាយើង!

ពិព័រណ៍សាច់អាំង Coke Food Fest ប្រព្រឹត្តទៅដល់ទៅ 2 ថ្ងៃ កាលពីថ្ងៃទី 22 និង 23 ខែធ្នូ ឆ្នាំ 2018 នេះ​នៅខាងក្រោយអាគារសាលាក្រុងកោះពេជ្រ។ ពួកយើងសង្កេតឃើញថា កម្មវិធីទាំង 2 ថ្ងៃនេះ មានអ្នកគាំទ្រយ៉ាងច្រើនកុះករមានទាំងយុវជន យុវនារី និងលោកពូអ្នកមីងចូលរួមសប្បាយក្នុងកម្មវិធីនេះ។

ការចូលរួមមិនមែនបានត្រឹមតែញ៉ាំសាច់អាំងជាច្រើនមុខទេ តែបានទាំងការចូលរួមសប្បាយជាមួយល្បែងកំសាន្ដជាច្រើនផ្សេងទៀតដូចជា Coke Happiness Machine ការថតរូប ការប្រណាំងញ៉ាំ Hotdog និងការប្រកួតក្បាច់រាំជាដើម។ មិនតែប៉ុណ្ណោះ ហ្គេមនីមួយៗសុទ្ធតែមានរង្វាន់សម្រាប់អ្នកចូលរួមលេង។

មានល្បែងកំសាន្ដ អត់ការសម្ដែងពីតារាល្បីៗនៅកម្ពុជាម៉េចបាន! ក្រុមចម្រៀងដ៏ល្បីនៅកម្ពុជា Small World Small Band និងលោក Sai បានចូលរួមសម្ដែងចម្រៀងយ៉ាងពិរោះជូនបងប្អូនទាំងអស់ដែលបានចូលរួម។ ជាពិសេសគឺវត្តមានរបស់បងស្រី ហ៊ិន ច័ន្ទនីរ៍ត្ន ដែលចូលរួមកំសាន្ដលេងហ្គេមធ្វើឲ្យកម្មវិធីពិព័រណ៍មួយនេះកាន់តែរស់រវើក និងផ្ដល់ស្នាមញញឹមទៅអ្នកចូលរួមគ្រប់រូប។