ដូចបានដឹងស្រាប់់ហើយថាបើនិយាយពីរសជាតិតែគុជ គឺថាមានច្រើនជម្រើសណាស់ ហើយថ្ងៃនេះ FoodBuzz ចង់មកណែនាំប្រភេទរសជាតិតែគុជទៅតាមតារានិកររបស់អ្នកទាំងអស់គ្នាម្ដង។ ម៉ោះមកមើលទាំងអស់គ្នាថាតារានិករណាត្រូវនឹងរសជាតិតែគុជណា៖

• Aries (21 មីនា​ - 9 មេសា): Strawberry tea

Ariesជាតារានិករធាតុភ្លើងមានភាពជាអ្នកដឹកនាំខ្ពស់ ដូចជា Strawberry tea មានពណ៌ក្រហមមានរសជាតិផ្អែមប៉ុន្តែពេលខ្លះក៏មានរសជាតិជូរបន្តិចដែរ ប្រៀបដូចអត្តចរិករបស់ Aries មាត់រឹងតែចិត្តទន់។

• Taurus (20 មេសា - 20 ឧសភា): Lavender milk tea

ជាតារានិករដែលមានភាពរ៉ូមែនទិកនិងស្រឡាញ់ភាពស្អាត ដូចទៅនិង Lavender milk tea ដែលមានក្លិនឈ្ងុយផ្កា Lavender លាយទឹកដោះគោ ជួយធ្វើឲ្យអារម្មណ៍ស្ងប់និងមានពណ៌ស្វាយយ៉ាងស្រស់ស្អាត។

• Gemini (21 ឧសភា - 20 មិថុនា): Passion fruit tea

Gemini មាននិមិត្តសញ្ញា មនុស្សស្រីភ្លោះ ចឹងពួកគេងាយស្រួលនិងឆាប់ចូលចំណោមគេចុះតែក៏មានអត្តចរិករបស់ខ្លួនឯងដែលមានលក្ខណៈប្លែកពីអ្នកដ៏ទៃដែរ មិនខុសពី Passion fruit ដែលមានលក្ខណៈនិងរសជាតិពិសេសខុសពីផ្លែឈើដែលដុះនៅតំបន់ត្រូពិច។

• Cancer (21 មិថុនា​ - 22 កក្កដា): Chai milk tea

Cancer ជាតារានិករដែលមានធាតុទឹក ពួកគេតែងតែយកចិត្តទុកដាក់ពីអារម្មណ៍អ្នកជុំវិញខ្លួន ហើយក៏ងាយនឹងប៉ះទង្គិចផ្លូវអារម្មណ៍។ Chai milk tea ជា Black Tea មានរសជាតិផ្អែមតែមានលាយក្លិនឈ្ងុយប្រហើរដែលអាចធ្វើឲ្យអារម្មណ៍ស្រស់ស្រាយនិងអាចកាត់បន្ថយភាពតាន់តឹងដែល Cancer តែងតែចង់បាន។

• Leo (23 កក្កដា-22សីហា): Pineapple tea

Leo ជាតារានិករដែលមានប្រជាប្រិយភាពពីកំណើត ភាពជឿជាក់លើខ្លួនឯងនិងសេចក្ដីក្លាហានរបស់ពួកគេត្រូវជាមួយនិង Pineapple tea ដែលមានពណ៌លឿងបែកទឹកក្រូចមានរសជាតិជូរអែមដិតរបស់ម្នាស់។

• Virgo (23 សីហា-22 កញ្ញា): Plain milk tea

សម្រាប់តារានិករ Virgo គឺពួកគាត់ស្រឡាញ់ភាពមានសណ្ដាប់ធ្នាប់ល្អមិនរញ៉េរញ៉ៃច្រើន។​ ដោយសារតែគិតថារសជាតិតែគុជផ្សេងៗដែលមានច្រើនជម្រើសអាចនិងធ្វើឲ្យបាត់រសជាតិដើមរបស់តែគុជ ទើប Plain milk tea សាកសមបំផុតសម្រាប់ Virgo។

• Libra (23 កញ្ញា -22 តុលា): Peach tea

តារានិករ Libra មានធាតុខ្យល់ ពួកគេតែងតែបង្ហាញក្ដីស្រលាញ់ដែលធ្វើឲ្យអ្នកជុំវិញខ្លួនស្រលាញ់រាប់អាន ដូចទៅនិង Peach Tea ដែលមានរសជាតិផ្អែមស្រទន់និងមានពណ៍ផ្កាឈូកគួរឲ្យស្រលាញ់។

• Scorpio (23 តុលា -21 វិច្អិកា): Thai milk tea

តារានិករដែលអាថ៌កំបាងប្រចាំតារានិករទាំង១២នោះគឺ Scorpio នេះហើយ មើលពីសម្បកក្រៅដូចមិនសូវខ្វល់ពីនរណាតែការពិតទៅស្មោះត្រង់និងមានចិត្តល្អណាស់ ដូច Thai milk tea​ ចឹងមើលទៅមានពណ៌ទឹកក្រូចបែកត្នោត តែបែជាមានរសជាតិផ្អែមស្រទន់ទៅវិញ។

• Sagittarius (22 វិច្អិកា-21 ធ្នូ): Chocolate milk tea

តារានិករធាតុភ្លើងមួយនេះចូលចិត្តស្វែងរកអ្វីថ្មីៗនិងយកភាពរីករាយដាក់ខ្លួនក៏ដូចជាស្គាល់ពីខ្លួនឯងច្បាស់ ប្រៀបដូច Chocolate milk tea ដែលមានរសជាតិមិនងាយច្រលំជាមួយរសជាតិតែគុជដ៏ទៃ។

• Capricorn (Dec. 22-Jan. 19): Coffee milk tea

ជាក្រុមមនុស្សដែលមានការប្រឹងប្រែងនិងច្បាស់លាស់ចំពោះការងារណាស់និងចូលចិត្តនៅដល់យប់ជ្រៅដើម្បីបញ្ចប់កិច្ចការដូចនេះ Capricorn សាកសមនិង Coffee milk tea ជាងគេព្រោះថាតែគុជដែលមានជាតិកាហ្វេជួយដាស់អារម្មណ៍ឲ្យបន្តធ្វើការងារបាន។

• Aquarius (20 មករា-18 កុម្ភៈ): Mango tea

តារានិករធាតុខ្យល់ Aquarius ជាប្រភេទមនុស្សដែលមានគំនិតច្នៃប្រឌិតខ្ពស់ ដែលធ្វើឲ្យពួកគេមានភាពលេចធ្លោជាងអ្នកដទៃ ដូចទៅនិង Mango tea ដែលមានពណ៌លេចថែមទាំងតែជារសជាតិថ្មីដែលកំពុងពេញនិយម។

• Pisces (19 កុម្ភៈ-20 មីនា): Taro milk tea

Pisces ជាតារានិករធាតុទឹកដែលមានការគិតនិងក្ដីស្រមៃខ្ពស់ដែលគួរឲ្យចាប់អារម្មណ៍និងចរឹកគួរឲ្យស្រលាញ់។ Taro milk tea ជាតែគុជរសជាតិត្រាវដែលមានពណ៌ស្វាយស្រាលយ៉ាងស្អាតហើយមានរសជាតិផ្អែមឆ្ងាញ់សាកសមនិង Pisces តែម្ដង។

ប្រភព៖ thepostathens

**ដោនឡូតកម្មវិធីទូរសព្ទរបស់ FoodBuzz ឥឡូវនេះ ដើម្បីទទួលបានព័ត៌មានថ្មីៗ អំពីអាហារឆ្ងាញ់ៗ និងកន្លែងញ៉ាំជាច្រើន ដ៏សម្បូរបែប៖ http://onelink.to/foodbuzz