ហាង Yuzu Suki ត្រឹមតែបេីកនៅថ្ងៃទឹ 25 ខែកញ្ញា ឆ្នាំនេះមែន តែហាងស៊ុបបែបជប៉ុននេះទទួលបានការគាំទ្រច្រេីនកុះករដែរ ព្រោះរសជាតិម្ហូបទំនងប្លែក ហើយមានឈ្មោះល្បីស្រាប់នៅប្រទេសថៃ។ ហាង Yuzu Suki ឥឡូវនេះបានពង្រីកសាខាថ្មីដំបូងបំផុតនៅប្រទេសកម្ពុជា ដែលមានទីតាំងនៅជាន់ទី១ របស់ ផ្សារទំនេីប ជីបម៉ុង 271 មេហ្គាម៉ល។ 

ហាងនេះគឺផ្តោតសំខាន់ទៅលេីការផ្តល់នូវបទពិសោធន៍ដ៏រំភេីបមួយជាមួយស៊ុបនិងម្ហូបបែបជប៉ុន បូកជាមួយនឹងបរិយាកាសសប្បាយៗ សាកសមបំផុតសម្រាប់ការញ៉ាំជុំគ្នាជាមួយមិត្តភក្តិនិងក្រុមគ្រួសារ។

Yuzu Suki មានរសជាតិស៊ុបច្រេីន តែរសជាតិដែលយេីងមិនគួររំលងឲ្យសោះនោះគឺ ទឹកស៊ុបយូសស្សូ (Yuzu) ដែលជារសជាតិប្រចាំហាង។ ផ្លែ Yuzu មានរសជាតិជូរដូចក្រូចឆ្មា ផ្អែមតិចៗដែរ រួមជាមួយក្លិនស្រស់ស្រាយដូចផ្កាចឹង ដល់យកមកធ្វេីជាទឹកសូគីស៊ុបវិញគឺទំនងប្លែក។ រសជាតិមួយទៀតដែលក្រុមការងារយេីងបានសាក ​គឺរសជាតិដាសុីបែបជប៉ុនដែលមានរសជាតិប្រៃមានជាតិម៉ង។ 

គេថាចំណុចទំនងរបស់ស៊ុបសូគីគឺនៅត្រង់ទឹកស៊ុប ប៉ុន្តែនៅហាង Yuzu Suki វិញ ទំនងទាំងស៊ុបទំនងទាំងសាច់។ សាច់ជ្រូក និងសាច់គោនិយាយថាផុយរលាយក្នុងមាត់ម៉ង ហេីយបេីបានញ៉ាំជាមួយបន្លែ ផ្សិត និងមី udon ជប៉ុនវិញហ៎ា មិនដឹងថាជីវិតស្រស់ស្រាយប៉ុណ្ណាទេ!

ក្រៅពីស៊ុបសូគី មានអាហារសម្រន់បែបជប៉ុនប្លែកៗជាច្រេីនមុខ ដូចជា Salmon Yum ដែលជាសាច់ត្រីសាលម៉ុនសាច់ទន់ត្រូវម៉ាច់ជាមួយរសជាតិទឹកត្រីប្រៃហឹរតិចៗ, Shrimp Tempura ដែលជាបង្គាបំពងមានសំបកក្រៅក្រិបៗ និង Gyoza ដែលជាគាវបំពងស្នូលសាច់ជ្រូកណែនៗ សំបកស្រួយស្តេីង។ 

 

បេីអ្នកទាំងអស់គ្នាចង់ភ្លក់ជាមួយរសជាតិថ្មីប្លែក អាចសាកជាមួយនឹង Unagi Don ដែលជាបាយជាមួយសាច់អន្ទង់ដែលប្រជាជនជប៉ុននិយមញ៉ាំ។ 

មួយទៀតនោះគឺ​ Ikura Kani Miso ជាសាច់ក្តាមនិងខ្លាញ់ក្តាមលាយជាមួយពងត្រីសាលម៉ុន ដែលគេរៀបចំចង្ក្រានពិសេសមួយសម្រាប់ឲយេីងអាំងញ៉ាំក្តៅៗម៉ង! 

 

ក្រៅពីនោះ នៅហាង Yuzu Suki ក៏មានឈុតសាលម៉ុនស៊ូសុី និង ឈុតអយស័្ទរដែរ! ស៊ូសុីគេប្រេីសុទ្ធតែប្រភេទ Niigata rice អង្ករកំពូលរបស់ជប៉ុន ហើយអយស្ទ័រវិញគ្រាប់ធំៗស្រស់ៗតែម្តង! 

ខាងហាងក៏បានរៀបចំភេសជ្ជៈជាច្រេីនមុខដែលច្នៃចេញពីផ្លែយូហ្សូដូចជា យូហ្សូហាន់នីម៉ូជីតូ ជាទឹក yuzu លាយជាមួយសូដា ហេីយមានរសជាតិជូរអែមៗ ក្លិនក្រូចឆ្មារយូហ្សូជាមួយជីអង្កាមជាដើម។

 

ញ៉ាំម្ហូបមួយឆ្អែតហេីយ តែកុំភ្លេចទុកពោះញ៉ាំបង្អែមផងណា៎។ សម្រាប់អ្នកចូលចិត្តផ្អែមអាចសាកសូកូឡា ឡាវ៉ា ដែលឈ្ងុយសូកូឡានិងគ្រីម។ ពីមុនមកធ្លាប់តែសាកគ្រីមប្រូឡេធម្មតា ឥឡូវមកសាក ម៉ាត់ឆាគ្រីមប្រូឡេវិញ រសជាតិកាន់តែអែម។ 

ដើម្បីអបអរសាទរដល់ការបេីកសាខាថ្មី អតិថិជនទាំងអស់អាចរីករាយជាមួយនឹងការបញ្ចុះតម្លៃ ១៥% គ្រប់មុខម្ហូបទាំងអស់ក្នុងហាងពេញមួយខែ គិតចាប់ពីថ្ងៃទី២៥ ខែកញ្ញា រហូតដល់ថ្ងៃទី២៥ ខែតុលា ឆ្នាំ២០២២។ ដេីរផ្សារជីប ម៉ុង មេហ្កាម៉ល កុំភ្លេចចូល Yuzu Suki!