មានទីតាំងនៅម្ដុំបឹងកក់ Wild Rose Eatery គឺជាហាងមានលក់កាហ្វេផង ម្ហូបផងជាច្រើនមុខ។ Wild Rose Eatery មានការតុបតែងស្អាត សាកសមសម្រាប់អ្នកចូលចិត្តថតរូបស្អាតៗ​ ឡូយៗតែម្ដង!

Wild Rose Eatery មានបម្រើម្ហូបនិងភេសជ្ជៈជាច្រើនមុខ​ មានទាំងបែបអឺរ៉ុប ទាំងបែបអាសុី ទាំងកាហ្វេនិងភេសជ្ជៈប្លែកៗបង្កើតដោយខ្លួនឯងផ្ទាល់ ទាំងស្រាក្រឡុក និយាយទៅគឺមានសឹងតែគ្រប់សព្វតែម្ដង។

Triple Wild Lattes ជាកាហ្វេទឹកដោះគោដែលច្នៃឲ្យមានរសជាតិប្លែក ស្រទន់ មានពណ៌ស្អាតៗ។ Triple Wild Lattes អាចញ៉ាំក្ដៅក៏បាន ត្រជាក់ក៏បានតាមចំណង់ចំណូលចិត្ត។ 

នៅខាងក្នុងហាងមានការរចនា និងតុបតែងឡើងយ៉ាងស្អាត បែបពណ៌ផ្កាឈូកលាយស មើលទៅមានលក្ខណៈទាន់សម័យហើយគួរឲ្យស្រឡាញ់។ បើបានទៅ ដឹងតែមានរូបទុកផុសច្រើនម៉ង!

សម្រាប់ព័ត៌មានលំអិតបន្ថែម ឬប្រម៉ូសិនផ្សេងៗ សូមចូលទៅកាន់ផេកហ្វេសប៊ុកតាមរយៈ Wild Rose Eatery៕