គ្រូកៗ គ្រូកៗ….​​ ដល់ម៉ោងបាយថ្ងៃហើយ តស់បបួលគ្នាញុាំអីស៊ុបៗអ្ហៃ? កុំបារម្ភ!​ បើអត់សូវស្គាល់កន្លែងញុាំ ចាំអេដមីនណែនាំឲ្យស្គាល់ហាងមួយកន្លែងនេះ អាចមកសាកផ្ទាល់បានជាមួយ ហាងគុយទាវស៊ុបទឹកខ្មៅ តិចណយ ដែលមានសាខានៅខាងខណ្ឌច្បារអំពៅ ទាំងរសជាតិ និងបរិយាកាសគឺទំនងគួរឲ្យចង់ញុាំមែនទែន ។ 

នៅហាង តិចណយ ផ្តោតសំខាន់ទៅលើភាពទាន់សម័យនៃគុណភាព និងរសជាតិរបស់ម្ហូបអាហារ ដែលគ្រប់មុខទាំងអស់សុទ្ធតែទំនង ហើយបើនិយាយពីភ្ញៀវវិញទាំងចាស់ ទាំងក្មេងចេញចូលច្រើនជារៀងរាល់ថ្ងៃ ទោះបីជាត្រូវចាំកុម្ម៉ង់យូរក៏ដោយ ។

​

ក្រៅពីគុយទាវទឹកខ្មៅដែលជាទីពេញចិត្តរបស់ម៉ូយៗនៅហាងតិចណយ សម្រាប់អេដមីនផ្ទាល់គឺចាប់ចិត្តខ្លាំងជាមួយប្រភេទ មីគោកពងមាន់  ដែលមានរសជាតិដើម គ្រឿងផ្សំដិតជាប់ល្អជាមួយសរសៃមី និង ហឹរតិចៗ។ មីគោកពងមាន់ទាំង​ 3រសជាតិនេះ មានដូចជា មីគោកពងមាន់សាច់គោ គ្រឿងសមុទ្រ និងសាច់ជ្រូកចិញ្ច្រាំ។ អេដមីនជឿថា បើបានញុាំមួយម៉ាត់ហើយធានាថា ញុាំរហូតដល់សរសៃមីចុងក្រោយ ដោយតម្លៃនៃមីគោកនៅ ហាងតិចណយ មានតម្លៃត្រឹមតែ​ $2.5 ប៉ុណ្ណោះ។

ក្រុមការងារយើងក៏មិនភ្លេចនោះដែរក្នុងការ​បកស្រាយពីគុយទាវទឹកខ្មៅនេះ មួយចាននៅហាងតិចណយប្រៀបបានទៅនឹងគុយទាវពិសេសនៅតាមហាងផ្សេងៗអុីចឹង។ មួយចាននេះបើប្រាប់ថាមិនពិសេសក៏ប្រិយមិត្តមិនជឿដែរ  ដោយក្នុងមួយចានមានគ្រឿងទេស និងសាច់ជាច្រើនប្រភេទរួមគ្នាដូចជា សាច់គោ មឹក បង្គា សាច់ជ្រូកចិញ្ច្រាំ ប្រហិតសាច់គោ ប្រហិតត្រី និងស្បែកជ្រូកបំពង។ 

ចង់ញុាំគុយទាវទឹកខ្មៅ និង មីគោកដែលមានរសជាតិដើម សាច់ច្រើន ញុាំហើយចង់ញុាំទៀត កុំភ្លេចមកសាកនៅ តិចណយ បាន។

សរសេរចប់អេដមីនទៅម្តុំច្បារអំពៅល្មម ចឹងមានតែចូលកុម្ម៉ង់ញុាំទៀតហើយ ជួបគ្នានៅតិចណយណា៎ កនយើង..ហាហា។