អ្នកណាៗក៏ប្រាថ្នាចង់ទទួលទានអាហារដែលឆ្ងាញ់ នៅកន្លែងដែលមានសេវាកម្មល្អ និងមានទីតាំងស្រួលអង្គុយញ៉ាំដែរ ត្រូវអត់? ហើយថ្ងៃនេះ FoodBuzz មានដំណឹងល្អចង់ប្រាប់ ជាពិសេសប្រិយមិត្តនៅម្ដុំច្បារអំពៅ The Scholars Café and Eatery ចាប់បើកហើយ មានទាំងអាហារ និង ភេសជ្ជៈឆ្ងាញ់ៗ កន្លែងផាសុកភាព សេវាកម្មល្អ ទីធ្លាធំទូលាយជាមួយតម្លៃសមរម្យទៀត ត្រូវម៉ាច់ហ្មង!

The Scholars ជាអាហាដ្ឋានដែលទើបនឹងបើកថ្មីៗនៅម្ដុំច្បារអំពៅ ដែលបម្រើជូនម្ហូបទាំងបីពេល អ្វីដែលកាន់តែពិសេសជាងនេះទៀត គឺពួកគាត់មានម្ហូបប្រចាំហាងដែលមើលទៅ ទាក់ទាញដែលគួរអោយចង់ញ៉ាំ និងមានរសជាតិឆ្ងាញ់ៗ  ដែលរៀបចំទ្បើងដោយចុងភៅជំនាញ។ ម្យ៉ាងវិញទៀត បុគ្គលិក និង សិស្សានុសិស្សនៅតំបន់នោះ អស់បារម្មណ៍ហើយ ព្រោះថា The Scholars នឹងក្លាយជាទីតាំងដែលអ្នកចូលចិត្ត សម្រាប់ការញ៉ាំអាហារគ្រប់ពេល រឺ ក៏ត្រូវការកន្លែងអង្គុយសិក្សាក៏បានដែរ។

សម្រាប់អាហារពេលព្រឹក និង ថ្ងៃត្រង់ មិនត្រឹមតែមានបាយនិងគុយទាវប៉ុណ្ណោះទេ ថែមទាំងមានម្ហូបកុម្ម៉ង់បែបខ្មែរ ថៃ ចិន និង អឺរ៉ុប ដែលចំអិនក្តៅៗតាមចំណូលចិត្តរបស់អ្នកដោយមានការដឹកជញ្ជូនភ្លាមៗ ក្ដៅៗ ហ៊ុយៗដល់ទីកន្លែងផងដែរ។

ចំណែកឯកាហ្វេនិងភេសជ្ជៈវិញ មានគ្រប់មុខមិនខ្វះ ទឹកផ្លែឈើស្រស់ៗក៏មាន ដាក់មួយកែវអស់ៗ តែម្តង! ចង់អង្គុយផឹកកាហ្វេជជែកជាមួយមិត្តភក្តិអី កុំភ្លេច The Scholars នៅច្បារអំពៅណា!

បើនិយាយពីអាហារសម្រន់វិញ គឺថា ប្លែកក៏ប្លែក ឆ្ងាញ់ក៏ឆ្ងាញ់ ដែលអ្នកមិនអាចរកនៅកន្លែងផ្សេងបានទេ ទាល់តែមក The Scholars បានមាន ដូចជា៖ មាន់បំពងទឹកឃ្មុំ បាយស្រួយបំពង និង ត្រាវបំពងដែលមានស្នូលសាច់ញាត់ពីក្នុង។ ច្រើនមុខណាស់ឃើញអត់!

ជាមួយនឹងបរិយាកាសហាងមានភាពស្ងប់ស្ងាត់ អាហារឆ្ងាញ់ និង មានអនាម័យខ្ពស់ តម្លៃសមរម្យ សេវាកម្មរួសរាយរាក់ទាក់ ព្រមទាំងមានកន្លែងចតឡាន និង ម៉ូតូធំទូលាយ ជាពិសេសមានទាំង Play Ground សម្រាប់កុមារលេងកម្សាន្ដយ៉ាងសប្បាយរីករាយទៀតនោះ មួយហាងមានគ្រប់សព្វ រកឯណាបាន? តោះទៅ The Scholars ទាំងអស់គ្នា!

តម្លៃ៖

• ប្រភេទស៊ុបគុយទាវ និង មី៖ $3.00
• ប្រភេទម្ហូបកុម្ម៉ង់៖ ចាប់ពី $2.00 ទ្បើងទៅ
• អាហារសម្រន់៖ $1.90 ទ្បើងទៅ
• ភេសជ្ជៈ៖ ចាប់ពី $1.00 ឡើងទៅ

កម្មវិធីពិសេស៖ សម្រាប់ការបើកសម្ពោធធំរបស់ហាង The Scholars Café and Eatery  ចាប់ពីថ្ងៃទី 28-31 តុលានេះ លោកអ្នកនឹងទទួលបានការបញ្ចុះតំលៃ 50% ទៅលើភេសជ្ជៈ សម្រាប់ការកុម្ម៉ង់អាហារណាមួយ 1 ចាន។

 

ទីតាំង៖ នៅតាមបណ្តោយផ្លូវជាតិលេខ 1 (ចុះពីស្ពាន ព្រះមុន្នីវង្សប្រហែល 750 ម៉ែត្រ) នៅទល់មុខហាងលក់ម៉ូតូហុងដា។| Googlemap