ធុញទ្រាន់នឹងការកកស្ទះចរាចរណ៍ក្នុងទីក្រុងមែនទេ? ឃ្លានអាហារ ឬ កាហ្វេពេលតាមផ្លូវធ្វើដំណើរទៅខេត្តមែនទេ? អញ្ចឹងនេះជាដំណឹងល្អសម្រាប់ប្រិយមិត្តដែលរស់នៅតំបន់ច្បារអំពៅ និងធ្វើដំណើរតាមផ្លូវជាតិលេខ 1 ឆ្លងកាត់តំបន់នេះហើយ។

The Park Community Mall ជាផ្សារទំនើបមួយកន្លែងដែលទើបតែបើកកាលពីខែមីនា ឆ្នាំ 2018 នេះ ដើម្បីបំពេញតម្រូវការប្រិយមិត្តជាមួយបទពិសោធន៍សំរាកកំសាន្តថ្មីដែលមានភោជនីយដ្ឋានល្បីៗ និង ហាងទំនិញជាច្រើនជាមួយបរិយាកាសផាសុកភាព និងកន្លែងចតរថយន្តធំទូលាយ។

ឥឡូវមកមើលហាងណាខ្លះដែលត្រៀមរួចជាស្រេចដើម្បីបម្រើក្នុង The Park Community Mall នេះ?

#1 Word Dinning (បឹងស្នោ)

World Dinning ជាភោជនីយដ្ឋានមួយដែលមានលក់ម្ហូបអាហារពីប្រទេសផ្សេងៗជាច្រើនក្នុងហាងតែមួយ។ ពួកគេមានម្ហូបប្រចាំហាងដូចជាភីហ្សាអ៉ីតាលី ស្តេកសាច់គោអូស្ត្រាលី និងម្ហូបក្នុងតំបន់ដូចជា គុយទាវភ្នំពេញ  បាយសាច់មាន់បែបសឹង្ហបូរី និង ស៊ីវម៉ៃ។

** ការផ្តល់ជូនពិសេសសម្រាប់ថ្ងៃសុក្រ អ្នកនឹងទទួលបានស្រាសឬស្រាក្រហមមួយដបដោយឥតគិតថ្លៃនៅពេលអ្នកទិញទាខ្វៃទាំងមូលមួយ ពី World Dining BS ។

#2 S&P Thai Restaurant & Bakery

ហាង S & P ជាភោជនីយដ្ឋាននិងហាងនំប៉័ងពីប្រទេសថៃដែលបម្រើម្ហូបអាហារ ភេសជ្ជៈ និង នំខេក តាំងពីឆ្នាំ 1973 ។ ពួកគេក៏មានផ្តល់ជូននូវបន្ទប់សំរាប់ការធ្វើពិធីជប់លៀងផ្សេងៗ ជាមួយនឹងអាហារ និងការតុបតែងទាំងអស់ដែលបានរួមបញ្ចូលស្រាប់នៅក្នុងកញ្ចប់សេវាកម្មរបស់ពួកគេ។

#3 The Sushi Bar

ហាង The Sushi Bar គឺជាភោជនីយដ្ឋានជប៉ុនដែលទទួលបានការគាំទ្រដោយមានបម្រើនូវស៊ូស៊ីស្រស់ៗដែលមានគុណភាពខ្ពស់។

#4 BROWN Coffee and Bakery

BROWN Coffee and Bakery ជាហាងកាហ្វេស្នាដៃខ្មែរមានឈ្មោះបោះសំលេងតាំងពីឆ្នាំ 2009 ដែលបើកបម្រើជូននូវកាហ្វេឈ្ងុយឆ្ងាញ់ជាមួយនឹងនំបារាំង និងអាស៊ីថ្មីៗជាច្រើនប្រភេទ។

ក្រៅពីភោជនីយដ្ឋានបើកថ្មីទាំងនេះក៏មានហាងមួយចំនួនផ្សេងទៀតដែលកំពុងត្រៀមខ្លួនបើកបម្រើប្រិយមិត្តក្នុងពេលឆាប់ៗនេះ!

#5 Little Sheep Hot Pot

Little Sheep Hot Pot គឺជាហាងស៊ុបបែបម៉ុងហ្គោលីដំបូងនៅកម្ពុជាដែលមានស៊ុបជាច្រើនរសជាតិជាមួយនឹងសាច់និងបន្លែស្រស់ៗឲ្យជ្រើសរើស។ ពួកគេទើបតែបើកសាខាដំបូងរបស់ពួកគេនៅរាជធានីភ្នំពេញនៅចុងឆ្នាំ 2017 នេះ ហើយឥឡូវនេះបានកំពុងត្រៀមខ្លួនដើម្បីបម្រើអ្នកនៅសាខាទី 3 របស់ពួកគេ។

#6 Lotteria

Lotteria គឺជាហាង Fast food បែបកូរ៉េឈានមុខគេមួយដែលបានបើកបម្រើនៅក្នុងប្រទេសកម្ពុជាតាំងពីឆ្នាំ 2014 មកដល់បច្ចុប្បន្ននេះមានសាខាចំនួន 5 នៅក្នុងរាជធានីភ្នំពេញ ហើយសាខាទី 6 នឹងបើកដំណើរការឆាប់ៗនៅ The Park Community Mall ។

#7 TOUS Les JOURS

TOUS Les JOURS គឺជាហាងនំប៉័ងពីប្រទេសកូរ៉េខាងត្បូង មានលក់នំនិងភេសជ្ជៈជាច្រើនប្រភេទដែលប្រើប្រាស់គ្រឿងផ្សំដែលមានគុណភាពខ្ពស់បំផុត។

#8 Koondak

Koondak ជាភោជនីយដ្ឋានកូរ៉េថ្មីមួយដែលបង្ហាញខ្លួនលើកដំបូងនៅ The Park Community Mall។ ចង់ញ៉ាំអាហារកូរ៉េ ជាពិសេសរសជាតិមាន់បំពង ឬមាន់ដុតកូរ៉េ មក Koondak មក!

#9 Lalune OJ

ថ្មីត្បិត Lalune OJ មិនមែនជាហាង ឬ ភោជនីយដ្ឋាន ត្រឹមតែជាម៉ាស៊ីនបម្រើទឹកក្រូចស្រស់ដោយស្វ័យប្រវត្តិមួយ តែទាក់ទាញអ្នកគាំទ្រមិនស្ទើរនោះទេ។

ទីតាំង៖ ផ្លូវជាតិលេខ 1 សង្កាត់និរោធ ខណ្ឌច្បារអំពៅ រាជធានីភ្នំពេញ | Googlemap