អំឡុងពេលនៅផ្ទះចេញទៅណាអត់បានចឹង​​​ មានអង្គុយនឹកឃា្លនចង់ញ៉ាំបង្អែមតៅស៊នក្តៅៗជាមួយនឹងឆាខ្វៃអត់? តោះមកសាកធ្វើបង្អែមតៅស៊ន ទុកញ៉ាំនៅផ្ទះ ធានាថាងាយស្រួលធ្វើ រសជាតិឆ្ងាញ់ ហើយគ្រឿងផ្សំក៏ស្រួលរកទៀត។ 

#គ្រឿងផ្សំ៖

• សណ្តែកបាយ ៣០០ ក្រាម
• ស្ករស ១៥០ ក្រាម
• ទឹក 1,3 លីត្រ
• ស្លឹកតយពីរបីសន្លឹក
• ឆាខ្វៃ ១ គូរ
• ម្សៅមី ៤០ ក្រាម

#របៀបធ្វើ៖

• ត្រាំសណ្តែកបាយក្នុងទឹកមួយយប់ ឬយ៉ាងហោចណាស់ឲ្យបានមួយម៉ោង។
• ចំហុយសណ្តែកបាយជាមួយស្លឹកតយរយៈពេល ១៥ នាទីរហូតទាល់តែវាទន់។
• ក្នុងកូនចានផ្សេង លាយម្សៅមី ៤០ ក្រាមជាមួយទឹក ១២៥ មល ហើយកូរឲ្យសព្វ។
• ដាក់ឆ្នាំងនៅលើចង្រ្ទានបើកភ្លើងក្តៅល្មម ដាក់ទឹក ១.៣ លីត្រ, ស្លឹកតយនិងស្ករសចូល កូរឲ្យសព្វហើយទុកឲ្យពុះរយៈពេល ១០ នាទី។
• ដាក់សណ្តែកបាយចូលនិងដាំពុះរយៈពេល ៥ នាទីបន្ថែមទៀត។
• ដាក់ទឹកម្សៅមីហើយកូរវាឲ្យខាប់ជាការស្រេច។ 

ញ៉ាំក្តៅៗជាមួយនឹងឆាខ្វៃដឹងតែឆា្ងញ់កប់សារីម៉ង។ 

ប្រភព៖ MISS TAM CHIAK