ភេសជ្ជៈ Starbucks ដែលអ្នកប៉ងផឹកមួយឆ្នាំពេញបានត្រឡប់មកវិញហើយ! ចាំអង្កាល់ទៀត?

អាកាសធាតុ​ចុះ​ត្រជាក់​បណ្ដើរៗហើយ ថ្ងៃបុណ្យ Halloween ក៏ជិតមកដល់ដែរ។ ពេលនឹកឃើញពី Halloween អ្វីដែលគិតឃើញមុនគេគឺផ្លែ​​ល្ពៅត្រូវអត់?​ ចុះហ្វេន Starbucks ទាំងអស់គ្នានឹកឃើញអីមុនគេ? អ្នកណាចាំភេសជ្ជៈរបស់ Starbucks ប្រចាំរដូវកាលនេះខ្លះ? ពពួកភេសជ្ជៈតាមរដូវកាលប្រភេទ Pumpkin Spice Latte​ ដែលមានលក់មួយឆ្នាំតែម្ដងប៉ុណ្ណោះ ពេលនេះបានត្រឡប់មកវិញសាជាថ្មីម្ដងទៀតហើយ។ ហ្វេនដែលតែងតែរង់ចាំ ពេលនេះបានញ៉ាំវិញហើយ។

ភ្លៀងធ្លាក់រឹមៗ មេឃត្រជាក់ៗ​ចឹង​ យើងណែនាំឲ្យញ៉ាំ​ Pumpkin Spice Latte ក្តៅៗ​នៅ Starbucks ព្រោះថាប្រភេទភេសជ្ជៈ Pumpkin Spice Latte នេះមានរសជាតិផ្អែមឈ្ងុយជាមួយនឹងការលាយគ្នារវាងកាហ្វេ Espresso និងទឹកដោះគោស្រស់ បន្ថែមជាមួយគ្រឿងផ្សំពិសេសៗ មួយចំនួនទៀតដូចជា Pumpkin Sauce Cinnamon និង Nutmeg។ កាន់តែពិសេសទៅទៀត​ សម្រាប់អ្នកចូលចិត្ត Cinnamon ត្រូវម៉ាច់ម៉ងពីព្រោះវា ធ្វើឲ្យភេសជ្ជៈមួយកែវនេះឈ្ងុយឆ្ងាញ់ខ្លាំង គ្រាន់តែរៀបដាក់ជិតមាត់នឹងឈ្ងុយក្លិន Cinnamon ពេញហ្នឹង​ តែម្ដងធ្វើអោយអារម្មណ៏កាន់តែស្រស់ស្រាយ និង​រំលឹក​ទៅ​ដល់​ពេល​ដែល​អ្នក​ផឹក​វា​កាល​ពី​ឆ្នាំ​មុន​ៗ​ទៀត​ ។

ជាមួយរសជាតិនឹងក្លិនឈ្ងុយៗរបស់កាហ្វេ បន្សំនឹងរសជាតិផ្អែមរបស់ទឹកដោះគោ, Pumpkin Sauce និង Whipped cream ធ្វើឲ្យភេសជ្ជៈមួយកែវនេះសាកសមណាស់សម្រាប់រដូវកាលមួយនេះ។ បើបានផឹកមួយក្អឹក​ ដឹងតែមិនអាចបំភ្លេចបានតែម្តង ចង់ប្រាប់ថារសជាតិដិតជាប់មាត់ណាស់​។

ជារៀងរាល់ឆ្នាំភេសជ្ជៈ Pumpkin Spice Latte មាន 3ប្រភេទ។ អ្នកអាចញ៉ាំក្ដៅៗក៏បាន ត្រជាក់ក៏បាន និងញ៉ាំជាប្រភេទក្រឡុក (ហ្រ្វាបពូឈីណូ​) ក៏បាន។ ប៉ុន្ដែអ្វីដែលពិសេសនោះគឺ Pumpkin Spice Latte ត្រឡប់មកវិញឆ្នាំនេះ គឺមកជាមួយនឹងសមាជិកថ្មីជាប្រភេទភេសជ្ជៈ Cold brew ដែលមានឈ្មោះថា Pumpkin Spice Cream Cold Brew ។ កាហ្វេ​បន្សើម​ត្រជាក់ Cold Brew ដែល​​ល្បី​នៅ​ Starbucks ដោយ​សារ​រសជាតិ​ស្រទន់​ និង​ក្រអូប​នោះ ត្រូវ​បាន​លាយជាមួយនឹងពពុះ​ទឹកដោះ​គោ​រសជាតិផ្លែល្ពៅ និង​ Vanilla Syrup ពី​លើ​ធានា​អ្នក​កាហ្វេ​មួយ​កែវ​នេះ​មាន​ក្លិន​​​ក្រអូប​ឈ្ងុយហើយ​ ឆ្ងាញ់ជាប់មាត់តែ​ម្តង​ ធ្វើឲ្យផឹកហើយចង់តែ​ផឹកទៀត។

គ្រាន់តែស្ដាប់ហើយ ក៏ចង់ដឹង ចង់សាករសជាតិថ្មីនេះដែរត្រូវអត់? បើទាំងអស់គ្នាចង់ញ៉ាំ ប្រញ៉ាប់រួសរាន់ឡើងណា ព្រោះ Pumpkin Spice Latte និង Pumpkin Spice Cream Cold Brew ដែលទើបតែចេញថ្មីនេះ មានលក់ចាប់ពីថ្ងៃទី12 តុលា ដល់ថ្ងៃទី 2 ខែ វិច្ឆិកា នេះតែប៉ុណ្ណោះ នៅគ្រប់​សាខា​ Starbucks ទូទាំង​ប្រទេស​កម្ពុជា​ ។

ក្រៅ​ពី​ Pumpkin Spice Latte នោះ​ Starbucks ក៏មាន Frappuccino ថ្មី 2 បន្ថែម​ទៀត​ ដែល​មាន​ដូច​ជា​ Franken Matcha Frappuccino និង Midnight Chocolate Mocha Frappuccino ដែលមានរសជាតិសូកូឡាលាយ តែ​បៃតង​ មើលទៅឡើងទំនង ហើយ​ប្លែក​ត្រូវ​ម៉ាច់​សម្រាប់​រដូវ​កាល​ព្រឺព្រួច Halloween ខាង​មុខ​នេះ ៕

តម្លៃ ៖ 3.55$ ឡើងទៅ 

ម៉ោងបើក ៖ 7 ព្រឹក​ - 9 យប់​ រាល់ថ្ងៃ

ទំនាក់ទំនង ៖ 023 901 590

ទីតាំង ៖ មាននៅគ្រប់សាខា Starbucks ទាំងអស់​

  • Available at all Starbucks Stores
  • 023 901 590

អត្ថបទគួរតែអានបន្ទាប់

See all