ប្រិយមិត្ត FoodBuzz ភាគច្រើនប្រហែលជាបានដឹងឬក៏ធ្លាប់បានទៅ 5 Drunk Men រួចទៅហើយ អញ្ចឹងប្រាកដជាដឹងហើយថាភោជនីយដ្ឋាននិង skybar នេះមានម្ហូបនឹងភេសជ្ជៈឆ្ងាញ់ៗ និង តម្លៃសមរម្យប៉ុណ្ណាហើយ។ ប៉ុន្ដែអ្វីដែលអ្នកប្រហែលជាមិនទាន់ដឹងនោះគឺ 5 Drunk Men មានស្រាបៀរដល់ទៅជាង 30 ប្រភេទខុសៗគ្នាឯណោះ ច្រើនជាងគេនៅប្រទេសកម្ពុជា។

ដំណឹងល្អសម្រាប់អ្នកដែលចូលចិត្តញ៉ាំស្រាបៀរ ជាពិសេស Craft Beer តែម្ដង! ព្រោះថាពេលនេះ 5 Drunk Men គឺបាននាំចូលនូវ craft beer ជាង 30 ប្រភេទ រសជាតិប្លែកៗផ្សេងៗគ្នា ហើយ craft beer នេះគឺភាគច្រើនផលិតនៅកម្ពុជាផ្ទាល់ ប៉ុន្ដែសំរាប់ការនាំចេញទៅលក់ក្រៅប្រទេស ដូច្នេះមិនមានលក់នៅលើទីផ្សារកម្ពុជាឡើយ។

អ្វីទៅជា craft beer? Craft beer គឺជាស្រាបៀរមួយប្រភេទដែលគេផលិតក្នុងរោងចក្រស្រាបៀរតូចៗ តាមរបៀបបុរាណ ដោយមិនប្រើម៉ាស៊ីនទំនើបឡើយ ហើយផលិតក្នុងចំនួនតិច ដែលភាគច្រើនគេអាចហៅបានថាជាស្រាបៀរស្រស់ ដូច្នេះហើយសុពលភាព Craft beer គឺមានរយៈពេលខ្លីមិនយូរដូចស្រាបៀរទូទៅនោះទេ។

ទៅ 5 Drunk Men កុំភ្លេចសាក craft beer ឲសោះ ជាពិសេស 4 ប្រភេទនេះដែលសុទ្ធតែឆ្ងាញ់ៗប្លែកៗ ប៉ុន្ដែ 2 រសជាតិដែល FoodBuzz ពេញចិត្តជាងគេនោះគឺ Coconut Cream Ale ដែលមានក្លិនឈ្ងុយខ្ទិះដូងជាប់ច្រមុះ ហើយ Chiang Mai Blossom Weizen នេះវិញគឺក្រអូបលម្អងផ្���ា សូម្បីតែនារីៗ ឬអ្នកមិនសូវចូលចិត្តក្លិនស្រាបៀរក៏អាចញ៉ាំបានដែរ។

ក្រៅពី craft beer នេះ 5 Drunk Men ក៏មានបន្ថែមជាមុខម្ហូបថ្មីៗ ដែលមានដូចជាឈុតបឺហ្គឺសាច់មាន់បំពង Triple C  ឈុតបឺហ្គឺសាច់ជ្រូកសរសៃរហិរ Spicy Pulled Pork និង ឈុតបឺហ្គឺសាច់គោរសជាតិដើម The Classic Beef ដែលគ្រឿងផ្សំនិងសាច់គឺសុទ្ធតែធ្វើថ្មីៗផ្ទាល់ៗ ក្នុងតម្លៃចាប់ត្រឹមពី $4.5 ប៉ុណ្ណោះក្នុងមួយឈុត ញ៉ាំឡើងហល់!

មុខម្ហូបថ្មីមួយទៀតដែលទើបតែចេញដែរនោះគឺ ខសាច់ចៀមអូស្រ្ដាលី Morrocan Lamb Stew with Mash Potato សាច់ចៀមខឡើងផុយស្រួលញ៉ាំហើយឈ្ងុយ អត់មានធំក្លិនឆ្អាបអីទេ។

តោះអញ្ចឹងចាំអីទៀត! ចុងសប្ដាហ៍នេះណាត់មិត្តភក្កិទៅគយគន់ទេសភាពមាត់ទន្លេ ខ្យល់បក់រហើយៗ ហើយញ៉ាំបឺហ្គឺក្លែម craft beer រសជាតិថ្មីៗម្នាក់2-3ដបលេងទៅ!

ម៉ោង៖ 5PM – 1AM 

តម្លៃចាប់ពី៖ $3.5 (Cocktail ចាប់ពី $3.5, ស្រាបៀរចាប់ពី $1.00/កែវ និង ស្រាក្រហមចាប់ពី $4.50/កែវ)

ទីតាំង៖ ផ្ទះលេខ 317E, វិថីព្រះស៊ីសុត្ថិ នៅខាងមុខជិតវត្តឧណ្ណាលោម | Googlemap 

ចំណតទ្បាន៖ នៅខាងមុខវត្តឧណ្ណាលោម ចម្ងាយប្រហែល 100m ពី 5 Drunk Men