ជាធម្មតា ត្រីសាលម៉ុនគេតែងតែញ៉ាំជាមួយទឹកសុីអុីវ ឬក៏វ៉ាសាប៊ីតាំងពីដើមមក ប៉ុន្តែថ្ងៃនេះចុងភៅ TikTok ដារ៉ូនឹងបង្ហាញប្រាប់អ្នកពីរបៀបធ្វើត្រីសាលម៉ុនញាំជាមួយទឹកត្រីបុកហឹរៗ ប្លែក ធានាថាឆ្ងាញ់មិនចាញ់រសជាតិដើម!

#គ្រឿងផ្សំ

១. ត្រីសាលម៉ុន

២. ទឹកត្រី

៣. ខ្ទឹមស

៤. ខ្ទឹមក្រហម

៥. ម្ទេស

៦. ជីអង្កាម

៧. អំបិល

៨. ស្ករ

៩. ស្ករត្នោត

១០. ជីវ៉ាន់ស៊ុយ

១១. ទឹកប្រហុក

១២. ក្រូចឆ្មារ

១៣. ជីរណា

១៤. សណ្ដែកបណ្ដុះបៃតង

#របៀបធ្វើ 

១. យកត្បាល់មួយហើយបុកខ្ទឹមស គល់ជីវ៉ាន់ស៊ុយ ម្ទេសជាមួយគ្នា

២.​ ផ្សំគ្រឿងចូល​ (ស្ករ ស្ករត្នោត អំបិល ទឹកត្រី ទឹកប្រហុក ក្រូចឆ្មារ)​ តាមចំណង់ចំណូលចិត្ត

៣. បុកចូលគ្នាឲ្យសព្វ ហើយដាក់ក្នុងចានមួយរួចថែមជីអង្កាម ជីរណា ជីវ៉ាន់ស៊ុយស្រស់ចូល

៤. កូរឲ្យសព្វម្ដងទៀត

៥.​ ហាន់ត្រីសាលម៉ុនជាចំណិតស្ដើងៗ រៀបដាក់លើចានហើយដាក់ទឹកត្រីសម្រាប់ញ៉ាំជាមួយ

រួចរាល់ហើយ! ត្រីសាលម៉ុនរសជាតិប្លែក​ចម្លែករសនិយម! បើធ្វើមួយមុខនេះញ៉ាំ កុំភ្លេចទិញ Pepsi មកញ៉ាំជាមួយផង។ ហឹរៗ ហើយបានរសជាតិ​ Pepsi ត្រជាក់ៗ ដឹងតែញ៉ាំមិនចង់ឈប់តែម្ដង៕