ខែភ្លៀងមែនពិត តែពេលបានបើកថ្ងៃម្ដងៗ គឺក្តៅហែងឡើងចង់ប្រះខួរហើយ។ សំខាន់ចង់ភ្លៀង ចង់ក្ដៅអីក៏តាមតែចិត្តមមេឃទៅ តែខែផ្លាំគឺនៅតែផ្លាំដដែល។ ហៃ៎ បើមេឃក្តៅម្លឹងៗ បើបានទឹកអីត្រជាក់ៗ មិនដឹងជាជីវិតមានន័យយ៉ាងណាទេ!

ចឹងកុំឲ្យខាតពេលយូរទុកឲ្យ CookBuzz ដោះស្រាយបញ្ហហ្នឹងចុះ! និយាយមែនឃើញថាមេឃក្តៅចឹង ធុញទ្រាន់ណាស់! CookBuzz គិតថាធ្វើភេសជ្ជៈណាញ៉ាំទៅឲ្យស្រឡះមុខ ស្រឡះមាត់តិច ណាមួយចំពេលសម្បូរផ្លាំចឹងផង ដាក់ម្ដង ៣​ មុខម៉ងទៅក្នុងមួយសេរីនេះ។

I. Plum Cocktail soju ( ស្រាសូជូក្រឡុក ជាមួយផ្លែផ្លាំ និង ទឹកដោះគោជូរ )

• រូបមន្ដ និង របៀបធ្វើ៖

1. ផ្លែផ្លាំក្រឡុក: 3 ស្លាបព្រារបាយ (​ ចាក់ទឹកផ្លែផ្លាំដែលក្រឡុករួចចូល​កែវ )
2. ទឹកស្ករ: 1 ស្លាបព្រារបាយ ( ចាក់ទឹកស្ករចូល រួចកូរអោយសប់ចូលគ្នា )
3. ទឹកកក: ​ដាក់ទឹកកកប្រហែល ៦០% នៃកែវ
4. ទឹកដោះគោជូរ: 1 ដប (​ ចាក់ទឹកដៅគោជូរចូល​​ )
5. ទឹកកក: ថែមទឹកកកប្រមាណ ៩០% នៃកែវ
6. Soju: ចាក់សូជូររសជាតិត្រសក់ស្រូវចូលចំនួន ៤ កែវកន្លះ ( កែវប្រភេទ shot )
7. ផ្លែផ្លាំ: 5 ផ្លែ ​( ដាក់ផ្លែផ្លាំចូល ​)
8. ស្លឹកជីអង្កាម: 1 ស្លឹក (​ ដាក់ចូល​ )

អាចញុំាធម្មតាក៏បាន ឬកូរចូលគ្នាឲ្យសព្វរួចចាំញុំាក៍បានដែរ តាមចិត្តចង់​ ;)

II. Plum Soju boom ( ស្រាសូជូក្រឡុក ជាមួយផ្លែផ្លាំ )

• រូបមន្ដ និង របៀបធ្វើ៖

1. ផ្លែផ្លាំក្រឡុក: 3 ស្លាបព្រារបាយ ( ចាក់ទឹកផ្លែផ្លាំដែលក្រឡុករួចចូល​កែវ )
2. ទឹកស្ករ: 1 ស្លាបព្រារបាយ ( ចាក់ទឹកស្ករចូល រួចកូរអោយសប់ចូលគ្នា​ )
3. ទឹកកក: ចាក់ទឹកផ្លែផ្លាំដែលក្រឡុករួចចូល​កែវ
4. ក្រូចឆ្មា:​ 1 ចំណិត
5. Soda: 70% ចូលកែវ
6. Soju រសជាតិដើម: ចាក់សូជូររសជាតិត្រសក់ស្រូវចូលចំនួន 2.5 កែវ ( កែវប្រភេទ shot )
7. ផ្លែផ្លាំ: 5 ផ្លែ ( ដាក់ចូល )
8. ស្លឹកជីអង្កាម: 5 ស្លឹក ( ដាក់ចូល )​

អាចញុំាបែបហ្នឹងតែម្ដងក៏បាន ឬដាក់គ្រឿងបន្ថែមក៏បាន​។

ចង់ខ្លាំង ចង់ខ្សោយគឺសារ៉េតាមហ្នឹង ដោយសារតែមួយកែវនេះ បើចំពោះអ្នកចូលចិត្តជាតិអាល់កុលច្រើន គឺដឹងតែមិនគ្រាន់ហើយ។

III.​​ Plum refreshing soda (ទឹកសូដា ដាក់លាយជាមួយនឹងផ្លែផ្លាំ )

• រូបមន្ដ និង របៀបធ្វើ៖

1. ផ្លែផ្លាំក្រឡុក:​ 4 ស្លាបព្រារបាយ ( ចាក់ទឹកផ្លែផ្លាំដែលក្រឡុករួចចូល​កែវ )
2. ទឹកស្ករ​: 2 ស្លាបព្រារបាយ ( ចាក់ទឹកស្ករចូល រួចកូរអោយសប់ចូលគ្នា​ )
3. ទឹកកក: ដាក់ទឹកកកប្រហែល 90% នៃកែវ​
4. ក្រូចឆ្មា: 2 ចំណិត (ដាក់២ចំណិតចូលក្នុងកែវ)
5. Soda: ប្រមាណ 90% នៃកែវ
6. ចំណិតផ្លែផ្លាំ: 5 ចំណិត ( ដាក់ម៉ាស្អាត )
7. ស្លឹកជីអង្កាម: 1 ចំណិត​ ( ដាក់ស្លឹកជីអង្គាមចូល )

អាចញុំាធម្មតា រឺកូរចូលគ្នាអោយសប់រួចចាំញុំាក៍បានដែរ

រូបមន្ដក៏មាន ធ្វើក៏ធ្វើហើយ នៅឡើយតែក្រេបយករសជាតិដ៏ផ្អែម និងស្រស់ស្រាយចូលទៅក្នុងមាត់ទេ។ ដាក់ទៅដឹងតែលែងស្មុគស្មាញ ធុញទ្រាន់ជាមួយនឹងមេឃដ៏ក្ដៅហែងនេះហើយ។