ថ្ងៃនេះ FoodBuzz នឹងនាំទាំងអស់គ្នា​ ពិសេសអ្នកនៅខេត្តសៀមរាបឱ្យស្គាល់ហាងនំមួយកន្លែង​ ដែលមានលក់នំច្រើនប្រភេទមែនទែនទាំងនំខួបកំណើត​ នំប៉័ងបែប Pastry សម្រាប់ជាអាហារពេលព្រឹក/អាហារសម្រន់ និងនំខ្មែរពេញនិយមផងដែរ។

និយាយពីការតុបតែងហាង គឺទាក់ភ្នែកតាំងពីខាងមុខហាង​រហូតដល់ខាងក្នុង បែប minimal ជាមួយនឹងពណ៌ស និងខៀវស្រាលជាគោល…មើលទៅត្រជាក់ភ្នែកតែម្តង!​​

សម្រាប់នំខ្មែរដូចជា នំកង នំក្រូច នំពងអន្សង ជាដើម ជាទូទៅត្រូវបានធ្វើឡើងជាខ្នាតតូចៗ បែបmini រៀបដាក់ក្នុងប្រអប់ស្រាប់ៗយ៉ាងមានអនាម័យ។ ខ្យូតក៏ខ្យូត​ ឆ្ងាញ់ក៏ឆ្ងាញ់! តម្លៃវិញ ក៏សមរម្យទៀតផង។

ចំពោះប្រភេទនំខេកនៅទីនេះ មាន៣បែបខុសៗពីគ្នា ដែលអាចធ្វើការកុម្ម៉ង់ម៉ូតតាមចិត្តប្រាថ្នាបានទៅតាមទំហំ និងបែបផែនដែលអ្នកចូលចិត្ត។ អាចជាប្រភេទនំគ្រីម តម្លៃចាប់ពី 3.5$ឡើង ឬនំចង្អេរ (សរសៃមាស) តម្លៃចាប់ពី 13$ ឬក៏នំឈីសខេក ចាប់ពី15$ឡើង។

បើអ្នកចង់បានម៉ូតអី អាចប្រាប់ទៅហាងមុនត្រឹមតែប៉ុន្មានម៉ោងមុនពេលទៅយកក៏បានដែរ តែវាអាស្រ័យលើម៉ូត និងទំហំនៃនំដូចគ្នា។ រីឯនំដុតវិញ ក៏មានច្រើនជម្រើសដូចគ្នា ដែលសុទ្ធតែមានរសជាតិឈ្ងុយឆ្ងាញ់ និងគុណភាពល្អ ហើយលោកអ្នកអាចទិញញ៉ាំធម្មតា​ ឬកុម្ម៉ង់ជាប្រចាំសម្រាប់ដាក់នៅតូប និងហាងកាហ្វេរបស់អ្នកក៏បានដែរ។

ករណីមិនអាចទៅដល់ហាងបាន ខាងហាងផ្ទាល់ក៏មានសេវាដឹកជញ្ជូន ឬអាចកុម្ម៉ង់តាមភ្នាក់ងារដឹកជញ្ជូនជាដៃគូ​រួមមាន foodpanda, WOWNOW និង NHAM24។

• ទីតាំង ៖ ខាងជើងផ្សារស្ពានដែក និងខាងក្រោយផ្សារទំនើបអង្គរថ្មី https://goo.gl/maps/uoeDjbcBVJcw8B39A