ជាហ្វេនរបស់ The Mille Crepe Story មែនទេ? ខាង FoodBuzz ធ្លាប់ចុះផ្សាយម្ដងរួចហើយពីនំខេកក្រេបរសជាតិឆ្ងាញ់នៅទីនេះ ឥឡូវមានដំណឹងល្អសម្រាប់អ្នក The Mille Crepe Story បានបើកសាខាថ្មីនៅទល់មុខសាលាសន្ធរម៉ុក និងនាំជាមួយនូវរសជាតិថ្មីប្លែកៗពិសេសសម្រាប់ប្រិយមិត្ត។

The Mille Crepe Story មិនមែនចេញតែមួយរសជាតិនោះទេ តែចេញដល់ទៅ 5 រសជាតិប្លែកៗពីគ្នា មានដូចជា Caramel Banana, Mango, Cookie & Cream (Oreo), Hazelnut Chocolate, និង Premium Durian។ រសជាតិទាំង 5 របស់នំខេកក្រេបនេះ គឺមិនសូវផ្អែមល្មមញ៉ាំ មិនទ្រលាន់ ត្រូវចិត្តក្រុមការងារ FoodBuzz មែនទែន។

នំខេកក្រេបដែលពិសេសជាងគេគឺ Premium Durian ធ្វើឡើងពីធុរ៉េនកំពតពិតៗ បើចង់ញ៉ាំទៅរកឥឡូវណា ព្រោះថាបើផុតរដូវ ឬ ដាច់ស្តុកធុរ៉េនកំពត គឺលែងបានញ៉ាំហើយ ព្រោះពួកគេអត់ធ្វើពីធុរ៉េនផ្សេងនោះទេ។

ប្រសិនបើអ្នកទៅដល់ហើយឃ្លាន ក៏មិនបាច់បារម្មណ៍ដែរ ដោយសារសាខាថ្មីនេះមានបម្រើទាំងអាហារ ដូចជា ផាស្តារ សេនវិច ដំឡូងបារាំងបំពង និងភេសជ្ជៈផ្សេងទៀតផង។

 

មិនតែប៉ុណ្ណោះ ពួកគេមានលក់តែ TWG ជាប្រ៊េនតែល្បីឈ្មោះមកពីប្រទេសសិង្ហបុរី ដែលមានច្រើនរសជាតិផងដែរ ទាំងឆ្ងាញ់ទាំងឈ្ងុយគួរឲ្យចង់ផឹក អាចសាកបានណា!

តម្លៃ៖

• $3 - $4.75 ក្នុងមួយចំណីត

• $35 - $55 សម្រាប់នំខេកក្រេបមួយ

• $2.5 សម្រាប់តែមួយប៉ាន់

ទីតាំង៖ #67c ផ្លូវកម្ពុជាក្រោម 128 សង្កាត់ទឹកល្អក់ទី 1 ខណ្ឌទួលគោក ភ្នំពេញ | Googlemap