អ្នកដែលចូលចិត្តញុំាកាហ្វេ ឬ ចូលចិត្តចំណាយពេលជាមួយមិត្តនៅហាងកាហ្វេប្រាកដជា ដឹងហើយថាការស្វែងរកកន្លែងថ្មីដែលមានរសជាតិឆ្ងាញ់ និងការរៀបចំហាងស្អាតឲ្យត្រូវចិត្តអាចនឹងពិបាករក។ តោះ ថ្ងៃនេះ FoodBuzz នឹងនាំអ្នកទាំងអស់គ្នាឲ្យស្គាល់ហាងកាហ្វេបើកថ្មី 10 កន្លែងសម្រាប់អ្នកចូលចិត្តរកបរិយាកាសប្លែកថ្មី។

#1 Farmhouse

បើប្រិយមិត្តចូលចិត្តភាពស្ងប់ស្ងាត់ និង​ចំនាយពេលម្នាក់ឯង Farmhouse គឺជាជម្រើសដ៏ល្អបំផុត។ ថ្មីត្បិតតែការតុបតែងរបស់ហាងកាហ្វេមួយនេះ មានការតុបតែងយ៉ាងសាមញ្ញ តែអ្វីដែលធ្វើឲ្យទីនេះលេចធ្លោនោះដោយសារតែ Farmhouse ប្រកាន់ខ្ជាប់នូវគោលការណ៍ថែរក្សាបរិស្ថានដោយមិនប្រើប្រាស់ប្លាស្ទិក។

តម្លៃ៖ $ - $$

បើកពីម៉ោង៖ 7 ព្រឹក ដល់ 7 យប់

ទីតាំង៖ #78, ផ្លូវ 454 សង្កាត់ទួលទំពូង ខណ្ឌចំការមន រាជធានីភ្នំពេញ | Googlemap 

#2 Vibe Cafe

ម៉ោះ ចង់ដឹងថា good vibe ហ្នឹងម៉េចអត់? អ្នកទាំងអស់គ្នាទៅសាករសជាតិកាហ្វេនៅ Vibe Cafe ទៅ នឹងដឹងថាអារម្មណ៍ល្អស្រស់ស្រាយហ្នឹងម៉េចហើយ។ Vibe Cafe ជាហាងដែលមានលក់ទាំងកាហ្វេ និងអាហារតម្រូវសម្រាប់អ្នកស្រលាញ់សុខភាព។ អាហារនៅទីនេះ ធ្វើពីបន្លែស្រស់ៗ និងគ្មានសាច់ទេ ដែលគេហៅថា ម្ហូបបួស។ បើនិយាយពីការរៀបចំហាងវិញគឺប្លែកភ្នែកខ្លាំង។ ហាងនេះទទួលបានមតិយោបល់ល្អៗពី TripAdvisor ច្រើនណាស់។

តម្លៃ៖ ចាប់ពី 8,000៛

បើកពីម៉ោង 7:30 ព្រឹក ដល់ 9

ទីតាំង៖ #26a, ផ្លូវ 446 សង្កាត់ទួលទំពូង ខណ្ឌចំការមន រាជធានីភ្នំពេញ | Googlemap

#3 NX Bakehouse

ញុំាកាហ្វេតែមួយមុខអត់គ្រប់គ្រាន់ហ្អេ ទាល់តែមាននំខេក ឬនំបារាំងបានឆ្ងាញ់។ ល្បីថានៅ NX Bakehouse មានកាហ្វេរសជាតិឆ្ងាញ់ប្លែកគេ ហើយបើនិយាយពីនំ croissant និង​នំឃុកឃី វិញឆ្ងាញ់ប្លែកមាត់តែម្ដង។ មិនត្រឹមតែរបស់ញុំាទេដែលទាក់ទាញ សម្បីតែការដេគ័រហាងវិញ ក៏ប្លែកពីគេដែរ។ បើអ្នកបានទៅ ដឹងតែសប្បាយថតរូបហើយ។

តម្លៃ៖ $ - $$

បើកពីម៉ោង 6:30ព្រឹក ដល់ 6:30ល្ងាច

ទីតាំង៖ កែងផ្លូវ 323 និង 594, សង្កាត់បឹងកក់ទី 2, ខណ្ឌទួលគោក, រាជធានីភ្នំពេញ | Googlemap 

#4 Light Cafe

តោះ មកស្គាល់ហាងកាហ្វេដែលមានការតុបតែងហាងយ៉ាងល្អប្រណីត ហើយបើនិយាយពីកាហ្វេវិញ គឺមាន​ឱជារស។ ការរៀបចំភេសជ្ជៈមានលក្ខណៈឡូយប្លែកមើលទៅទំនងញ្ញុំាខ្លាំង។ ហើយអាហារនៅ Light Cafe ក៏មានបម្រើនូវអាហារជាច្រើនប្រភេទផងដែរ។

ម៉ោងបើក៖ 8 ព្រឹក​ដល់ 7 យប់ (ច័ន្ទ ដល់ សុក្រ), ម៉ោង 8 ព្រឹក ដល់ 10 យប់ (សៅរ៌&អាទិត្យ)

ទីតាំង៖ #22, ផ្លូវ 55, សង្កាត់ចតុមុខ, ខណ្ឌដូនពេញ, រាជធានីភ្នំពេញ | Googlemap 

#5 Pleng Chan

លឺគេល្បីថានៅ Pleng Chan រសជាតិកាហ្វេ និងភេសជ្ជៈមានរសជាតិមិនណយ។ ហើយអ្វីដែលអស្ចារ្យនោះគឺ ការដេគ័រហាងស្អាតប្លែកដោយមានឧបករណ៍ភ្លេង និងសៀវភៅជាច្រើនទុកឲ្យប្រិយមិត្តអានកំដរការផឹកកាហ្វេ។ ម៉្យាងទៀតនៅ Pleng Chan មានបន្ទប់អាចកក់បានសម្រាប់ការប្រជុំ ឬក៏ជួបជុំជាក្រុមទៀតផង។

តម្លៃ៖ $ - $$

បើកពីម៉ោង 6:30 ព្រឹក ដល់ 9 យប់

ទីតាំង៖ #232, ផ្លូវ 63, សង្កាត់បឹងកេងកងទី 1, ខណ្ឌចំការមន, រាជធានីភ្នំពេញ | Googlemap 

#6 La. Chronique Cafe & Bistro

ហាងនេះបើថា អ្នកបានចូលហើយមិនចង់ចេញវិញទេ។ ដេគ័រហាងរបៀបសម័យសង្គមរាស្រ្តនិយម ដឹងតែប្លែកភ្នែក។ បើនិយាយពីរសជាតិកាហ្វេវិញ មិនត្រឹមតែឆ្ងាញ់ទេ តែចំនេញទៀត ព្រោះអីកែវកាហ្វេ មានទំហំធំ។ កាហ្វេប្រចាំហាង La. Chronique គឺ Avocado Latte ដែលគេល្បីថាឆ្ងាញ់គ្រប់មាត់។ មិនបាច់ គិតច្រើនទេ មកសាករសជាតិកាហ្វេប្រចាំហាង និងបរិយាកាស​ប្លែកអារម្មណ៍នេះមើល។

តម្លៃ៖ ចាប់ពី 10,000៛

បើកពីម៉ោង 6:30 ព្រឹក ដល់ 8 យប់

ទីតាំង៖ ផ្លូវ 135 សង្កាត់ទួលទំពូង ខណ្ឌចំការមន រាជធានីភ្នំពេញ | Googlemap

#7 Bens Coffee shop

មកមើលហាង Ben’s Coffee shop ដែលម្ចាស់ហាងជាអ្នកក្នុងស្រុក មានគំនិតចេះ បង្កើតហាងកាហ្វេលក្ខណៈច្នៃប្រឌិតជាមួយរសជាតិកាហ្វេឆ្ងាញ់ជាប់ចិត្តក្នុងតម្លៃសមរម្យ។ អ្នកអាច ចំនាយពេលម្នាក់ឯង ធ្វើកិច្ចការសាលា ឬការងារផ្សេងៗនៅទីនេះបាន ព្រោះទីនេះមានភាពស្ងប់ស្ងាត់ល្អ។

តម្លៃ៖ ចាប់ពី $2

ម៉ោងបើក៖ 7 ព្រឹក ដល់ 7:30 យប់

ទីតាំង៖ ផ្លូវ 174 សង្កាតផ្សារថ្មីទី 3 ខណ្ឌដូនពេញ រាជធានីភ្នំពេញ | Googlemap

#8 D.E.S Coffee Roaster

ល្បីថា Peach Coffee នៅ D.E.S Coffee Roaster មាន​រសជាតិប្លែកពីគេ។ ក្លិនផ្លែ peach និង​កាហ្វេលាយចូលគ្នាដែលធ្វើឲ្យអ្នកមិនអាចបំភ្លេចបាន។ ម្យ៉ាងវិញទៀត អាហារនៅ D.E.S Coffee Roaster​ គឺថាទំនងញ្ញុំាទាំងអស់ ការរចនាម្ហូប និងការរៀបចំក្នុងហាងសាកសមគ្នា ហើយតម្លៃវិញសមរម្យអាចទទួលយកបាន។

តម្លៃ៖ $ - $$

ម៉ោងបើក៖ 7 ព្រឹក ដល់ 8 យប់

ទីតាំង៖ ផ្លូវ 273, សង្កាត់ទួលសង្កែ, ខណ្ឌឬស្សីកែវ, រាជធានីភ្នំពេញ | Googlemap

#9 Takefive Coffee Shop

ចូលចិត្តញ្ញុំាភេសជ្ជៈប្លែកៗខុសពីគេអត់? អាចមកសាកនៅ Takefive coffee shop ធានាថាបាន ឃើញភេសជ្ជៈប្លែកៗច្រើនមុខមែនទែន។ កន្លែងអង្គុយមានជាលក្ខណៈ indoor និង outdoor ហើយការរៀបចំហាងមានបំពាក់ទៅដោយភ្លើង neon ដែលអ្នកអាចថតរូបបានយ៉ាងស្រស់ស្អាត។

តម្លៃ៖ $ - $$

ម៉ោងបើក៖ 9ព្រឹក ដល់ 9យប់

ទីតាំង៖ ទល់មុខសាលាបញ្ញាសាស្រ្ដអន្ដរជាតិ, ជិតរង្វង់មូលកាំកូ, ផ្លុវ 10M ថ្មី | Googlemap 

#10 Ploy’s Cafe Cambodia

គ្រាន់តែលឺឈ្មោះហាងកាហ្វេក៏ដឹងថាជាហាងបែបថៃ ដែលមានបម្រើនូវកាហ្វេឆ្ងាញ់ នំ brownie និងអាហារថៃច្រើនមុខទៀតផង។ បរិយាកាសក្នុងហាងស្ងាត់ល្អ និង​ការរចនាហាងផ្តល់អារម្មណ៌ប្លែក។ ចង់ញ្ញុំា brownie ជាមួយកាហ្វេឆ្ងាញ់ កុំភ្លេច មក Ploy’s Cafe ចា៎!

តម្លៃ៖ $ - $$

ម៉ោងបើក៖ 7:30ព្រឹក ដល់ 7យប់

ទីតាំង៖ ផ្លូវ 99, សង្កាត់បឹងត្របែក, ខណ្ឌចំការមន, រាជធានីភ្នំពេញ | Googlemap 

នៅចាំអីទៀតហ្ចឹង បានស្គាល់ហាងកាហ្វេល្អៗ ១០​ កន្លែងថ្មី មានទាំងអាហារឆ្ងាញ់ និងបរិយាកាសក្នុងហាងទំនង ហើយ នាំមិត្តអ្នកទៅសាកជាមួយគ្នាទៅ ធានាថាមិនស្តាយក្រោយទេ។​