នាសា​ ជាហាងមួយកន្លែងដែលមានលក់នំ និងបង្អែមបែបខ្មែរដែលមានការតុបតែងយ៉ាងប្រណិតស្រស់ស្អាត។ នៅហាងនាសានេះមានទីធ្លាកន្លែងអង្គុយទាំងក្រៅ ទាំងក្នុងយ៉ាងទូលាយ។

នៅទីនេះមាននំ និងបង្អែមខ្មែរសឹងតែគ្រប់ប្រភេទតែម្ដង ទាំងបែបខ្មែរសុទ្ធ ទាំងបែបខ្មែរច្នៃកាត់សាសន៍ផ្សេងៗ ដូច្នេះហើយចង់បានរសជាតិបែបណាក៏ងាយស្រួលបំពេញតាមតម្រូវចិត្តដែរ!​ បង្អែមនៅទីនេះមានការតុបតែងរចនាដ៏ប្រណិត និងស្រស់ស្អាត មើលទៅទំនងគួរឲ្យចង់ញ៉ាំតែម្ដង!

នាសាមានលក់បង្អែមជាច្រើន ហើយបង្អែម និងនំនីមួយៗសុទ្ធតែធ្វើចេញពីគំនិតច្នៃប្រឌិតទាំងការតុបតែង​ និងការធ្វើនំ។ បង្អែមនៅទីនេះភាគច្រើនសុទ្ធតែប្រើប្រាស់គ្រឿងផ្សំប្លែកៗ ដូចជាផ្លែអាយដែលធម្មតា គឺត្រូវយកម្សៅធ្វើ តែនៅនាសាវិញគឺមានយកល្ពៅមកច្នៃធ្វើចេញជាផ្លែអាយដែលមានរសជាតិឆ្ងាញ់មិនចាញ់ផ្លែអាយទូទៅទេ។ ក្រុម FoodBuzz យើងចូលចិត្តបង្អែមនៅទីនេះ ដោយសារគុណភាពខ្ពស់ រសជាតិឆ្ងាញ់មិនផ្អែមជ្រុល និងមានច្រើនជម្រើសទៀតផង។

នាសា ក៏មានបម្រើជានំ និងបង្អែមក្នុងចំនួនច្រើនៗសម្រាប់កម្មវិធីផ្សេងៗផងដែរ!

Rating:

• នំ និងបង្អែម៖ ៧.៥/10
• បរិយាកាស៖ ៧/១០

• សម្រាប់ព័ត៌មានបន្ថែម ចូលទៅកាន់ផេកហ្វេសប៊ុក នាសា-Neasa Dessert
• ផែនទី៖ https://goo.gl/maps/pYUJWjADxgocmDd66