ជិតចូលឆ្នាំខ្មែរហើយ ប្រសិនបើប្រិយមិត្តចង់ញុំាម្ហូបខ្មែរដែលមកពីច្រើនតំបន់ជុំវិញព្រះរាជាណាចក្រកម្ពុជា FoodBuzz សូមណែនាំឲ្យទៅញុំានៅ NagaWorld ណា!

ដើម្បីអបអរពិធីបុណ្យចូលឆ្នាំប្រពៃណីជាតិខ្មែរខាងមុខនេះ NagaWorld បានរៀបចំអាហារប៊ុហ្វេដែលជាបណ្តុំប្រជុំអាហារមកពី 25 ខេត្តក្រុងជុំវិញប្រទេសកម្ពុជា ជាមួយនឹងរសជាតិខ្មែរពិតៗ ដោយសារតែរូបមន្តការផ្សំគ្រឿងដែលបានបន្តពីមួយជំនាន់ទៅមួយជំនាន់របស់បងប្អូនប្រជាជនខ្មែរនៅគ្រប់ទិសទី បូកផ្សំនឹងគ្រឿងផ្សំលំដាប់កំពូល និងចំអិនដោយក្រុមចុងភៅដែលប៉ិនប្រសព្វ។

ប៊ុហ្វេខ្មែររ៉ូយ៉ាល់ពេលល្ងាច មាននៅភោជនីយដ្ឋាន Pangea។ នៅទីនេះ លោកអ្នកអាចទស្សនាការសម្តែងរបាំអប្សរាបណ្តើរ និង ទទួលទាននូវមុខម្ហូបដែលមានផាសុកភាពបណ្តើរ។ ក្នុងពេលដំណាលគ្នានេះ ពួកគេក៏មានម្ហូបខ្មែរ និងបង្អែម តម្លៃចាប់ពី ៤ ដុល្លារនៅភោជនីយដ្ឋាន Indochine វិមានស៊ីធីវ៉ក និង Golden Bowl។

សម្រាប់ប្រភេទញាំ លោកអ្នកអាចទទួលទាននូវ ញំាសាច់មាន់ខេត្តត្បូងឃ្មុំ ញាំខ្យងខេត្តព្រៃវែង និង ញាំគ្រឿងសមុទ្រខេត្តព្រះសីហនុ។ ទោះបីជាម្ហូបទាំង 3 មុខនេះញាំដូចគ្នាបែប ប៉ុន្តែកម្រិតជូរហិរមានភាពខុសគ្នា និង រសជាតិប្លែកឆ្ញាញ់បែបផ្សេងៗពីគ្នា។

ក្រៅពីខេត្តទាំងនេះ ខេត្តផ្សេងៗមានមុខម្ហូបដូចជា មាន់ដុតខេត្តកំពង់ស្ពឺ លៀសសមុទ្រដុតគ្រឿងខេត្តព្រះសីហនុ ឆាខ្យងខេត្តបន្ទាយមានជ័យ សាច់គោញាត់ត្រឡាចខេត្តកំពង់ឆ្នាំង អាម៉ុកត្រីខេត្តសៀមរៀប ឆ្អឹងជំនីជ្រូកដុតខេត្តរតនគីរី ទន្សាយដុតគ្រឿងខេត្តមណ្ឌលគីរី មីឆាសាច់គោខេត្តព្រះវិហារ បាយចំហុយខេត្តបាត់ដំបង ស្ងោរជ្រក់មាន់ខេត្តកំពង់ធំ និងទឹកគ្រឿងខេត្តកំពង់ចាម។

អ្វីដែលអស្ចារ្យនៅទីនេះគឺ រសជាតិនិងអនាម័យរបស់ម្ហូបគ្រប់មុខ។ លោកអ្នកធ្លាប់តែខ្លាចមិនហ៊ានញុំាម្ហូបខ្មែរនៅកន្លែងផ្សេងៗដោយសារអនាម័យនៃសាច់និងបន្លែ ប៉ុន្តែនៅទីនេះលោកអ្នកធានាថានឹងពេញចិត្តនូវរសជាតិក៏ដូចជាការរៀបចំចម្អិនដែលមានការយកចិត្តទុកដាក់ខ្ពស់។

គួរបញ្ជាក់ផងដែរថា អាហារទាំងអស់នេះក៏ត្រូវបានបម្រើជាមួយនឹងអាហារផ្សេងៗទៀតផងដែរដូចជា នំបញ្ចុក គុយទាវ មីស៊ុប បាញ់ឆែវ គាវបំពង គ្រឿងសមុទ្រស្រស់ស្រស់ បន្ថែមជាមួយនឹងអាហារបែបអ៊ឺរ៉ុប និង អាស៊ីផ្សេងទៀតមួយចំនួនផងដែរ។

ក្រោយញុំាអាហារឆ្ងាញ់ៗខាងលើហើយ លោកអ្នកប្រាកដជាមិនអាចខកខានបាននូវបង្អែមផ្លែឈើលាងមាត់នោះទេ។ ជម្រើសផ្លែឈើមានចម្រុះមុខ នំខេក និង បង្អែមខ្មែរជាច្រើនដូចជា នំអាកោរខេត្តកំពង់ស្ពឺ នំកងខេត្តព្រៃវែង បបរត្រាវខេត្តកណ្តាល បង្អែមត្រាវខេត្តកំពង់ចាម បបរត្នោត និង នំច័ក្កច័នក្រុងភ្នំពេញ។ អ្វីដែលពិសេសជាងគេនោះគឺ ស្ករទាញ ដែលធ្វើភ្លាមៗ ក្តៅៗពីចុងភៅជំនាញ ចង់បានរូបអ្វីក៏បាន រសជាតិក៏ឆ្ងាញ់ រំលឹកដល់វ័យកុមារភាព។

បន្ថែមពីលើនេះទៅទៀត សាលមហោស្រព NABA នឹងបើកឲ្យសាធារណជនចូលទស្សនាការសម្តែងដ៏អស្ចារ្យរបស់ខ្លួនឥតគិតថ្លៃផងដែរ!

ញុំាម្ហូបឆ្ងាញ់ហើយ បានទាំងកម្សាន្តចក្ខុទៀត!

តម្លៃ៖ $19.99 សម្រាប់ម្នាក់ និងមានការបញ្ចុះតម្លៃពិសេសម្រាប់ក្រុមដែលមាន ៥ នាក់ឡើងទៅ

បើកបម្រើពីម៉ោង៖ 5:30-9:30PM