សាកចង់អស់ហើយ ទាំងការលាយសូជូជាមួយផ្លែឪឡឹក ទឹកដោះគោជូ និងការ៉េមអីហ្នឹង តែនៅមានរបៀបលាយងាយស្រួលមួយទៀតដែលអ្នកប្រហែលជាចង់សាកនោះគឺ ការលាយសូជូជាមួយនឹងក្រូចឆ្មារ Lemon។ មួយកែវនេះដឹងតែស្រស់ស្រាយ ដោយសាររសជាតិជូររបស់ក្រូចឆ្មារ។ ជូរអែមៗជាប់មាត់អស់ស្ទះតែម្ដង!

គ្រឿងផ្សំ៖

-          ទឹកស្ករ

-          ទឹកក្រូចឆ្មារ

-          ក្រូច Lemon

-          ស្ព្រៃ

-          ទឹកសុទ្ធមានជាតិហ្គាស (Sparkling Water)

-          សូជូ រសជាតិដើម

របៀបធ្វើ៖

1.       ធ្វើទឹកស្ករដោយលាយស្ករស នឹងទឹកក្ដៅអ៊ុតៗ

2.       ដាក់ចំណិតក្រូច Lemon ចូលក្នុងកែវ ដើម្បីតុបតែង និងបន្ថែមក្លិន

3.       ចាក់ទឹកស្ករចូលក្នុងកែវមានទឹកកក (ដាក់ទៅតាមបរិមាណដែលអ្នកចូលចិត្ត)

4.       ចាក់ សូជូ ប្រហែល 1  shot

5.       ចាក់ ស្ព្រៃ ចូល រួចចាក់ទឹកក្រូចឆ្មារចូល

6.       កូរឲ្យសព្វ រួចតុបតែងកែវអ្នកជាមួយនឹងចំណិតក្រូចនៅកែមមាត់កែវ។

មួយកែវនេះអត់ចាញ់ស្រាក្រឡុកនៅស្កាយបារទេម៉ោះ! នៅផ្ទះយូរពេក ស្រេ្ដសត្រូវអត់? អ៊ីចឹងបើចង់បន្ធូរអារម្មណ៍ កំឡុងពេលចត្តឡីស័កនេះ មកលាយញ៉ាំលេងទាំងអស់គ្នាមកចឹង។