FoodBuzz ធ្លាប់ចុះផ្សាយអំពីភោជនីយដ្ឋានថ្មីបែបទំនើបនៅម្ដុំទួលគោកនេះម្ដងរួចទៅហើយ ប៉ុន្ដែថ្ងៃនេះ FoodBuzz មកម្ដងទៀតព្រោះថាទាន់ឱកាសពិសេសស្របពលដែល Le Garden ទើបតែបន្ថែមមុខម្ហូបថ្មីយ៉ាងច្រើនមុខដែលមានទាំងអាហារពេលព្រឹកបែប មី គុយទាវ និងម្ហូបកុម្ម៉ង់បែបឆា និង សម្លរផ្សេងក៏មានដែរ។ ចង់ដឹងថាមានអីខ្លះអត់? តោះមកមើលទាំងអស់គ្នា!

សំរាប់ផ្នែកអាហារពេលព្រឹក Le Garden បានបន្ថែមអាហារយ៉ាងច្រើនមុខដូចជា គុយទាវប្រហិតសាច់គោ គុយទាវសាច់ផាកឡូវ គុយទាវគ្រឿងសមុទ្រ គុយទាវភ្នំពេញ គុយទាវតុងយ៉ាំ គុយទាវខគោ ហើយក៏មានជាបាយភ្លៅមាន់ បាយទាខ្វៃ បាយសាច់លាយ 2 ឬ 3 ហើយក៏មានជាប្រភេទមីគោកផ្សេងៗ និងបបរគ្រឿង បបរទាខ្វៃ និងបបរគ្រឿងសមុទ្រអីផងដែរ។

បើនិយាយអំពីមុខម្ហូបសំរាប់ពេលថ្ងៃត្រង់វិញក៏មិនខ្វះម្ហូបឆ្ងាញ់ដែរទាំង ម្ហូបបែបថៃ វៀតណាម ចិនអីក៏មាន បែបខ្មែរក៏មិនខ្វះ ដូចជា ឆាសាច់ជ្រូកចញ្រ្ចាំម្រះព្រៅ ឆាឆ្អឹងជំនីជ្រូកជូរអែម សម្លរតុងយ៉ាំគ្រឿងសមុទ្រ សម្លរការីសាច់មាន់ សម្លរម្ជូរយួនសាច់ត្រី សម្លរម្រះ សម្លរម្ជូរពងត្រី ឬ ក៏សម្លរកកូរអីក៏មានដែ។

រៀបរាប់ប៉ុណ្ណេះអត់ទាន់អស់ទេណា នៅសល់ច្រើនទៀត ដែលអាចទៅញ៉ាំបាននៅ Le Garden ហើយចាប់ពីថ្ងៃនេះរហូតដល់ថ្ងៃ 30 ខែមិថុនានេះ ក៏មានការថែមជូនភេសជ្ជៈមួយកែវដោយអត់គិតថ្លៃផងដែររាល់ការញ៉ាំអាហារពេលព្រឹកមួយមុខ។

នៅភោជនីយដ្ឋាន Le Garden ក៏មានទទួលរៀបចំសិក្ខាសាលា ឬពិធីជប់លៀងផ្សេងៗ ដែលអ្នកអាចធ្វើការទំនាក់ទំនងមក 081 777 444 ឬសម្រាប់ការកក់ទុកជាមុន។

ម៉ោងបើក៖ 6:30AM – 10PM 

តម្លៃមុខម្ហូប៖ អាហារពេលព្រឹកចាប់ពី $3+ , អាហាារពេលថ្ងៃត្រង់ និង ពេលល្ងាចចាប់ពី $3.5+ 

ទីតាំង៖ ផ្ទះលេខ 15, ផ្លូវ 528,  សង្កាត់បឹងកក់1 ខណ្ឌទួលគោក ភ្នំពេញ (ជាប់ហាងកាហ្វេ Arabitia ទល់មុខមន្ទីរពហុព្យាបាលអន្តរជាតិខេមា) | Googlemap