ឥឡូវនឹងចូលដល់ខែ​ភ្លៀង​ហើយ អ្នកទាំងអស់គ្នា​ប្រហែល​ជា​មាន​អារម្មណ៍​ត្រជាក់​ៗបន្ដិចហើយត្រូវអត់? អាហារ​ដែលញុំាឆ្ងាញ់​បំផុត​សម្រាប់​ខែភ្លៀងត្រជាក់ៗ​ចឹងមានតែម្ហូបក្ដៅៗនឹងឯង បើបានញុំាហតផតមួយឆ្នាំងជុំគ្នាដឹងឆ្ងាញ់ម៉េចទេ។ FoodBuzz ស្គាល់ហាងហតផតមួយកន្លែង​​ទើបបើកថ្មីៗក្ដៅៗនេះទេ ហើយហាងនឹងឈ្មោះថា Lamb Lamb Palace Hot Pot នៅម្តុំទួលគោក ផ្លូវ​ ៣៣៧ យើងនឹង។​ 

ភោជនីយដ្ឋានរបស់គេមានជម្រើសស៊ុបចំនួនបួនប្រភេទសម្រាប់ជ្រើសរើស រួមទាំងមានទឹកស៊ុបប៉េងប៉ោះ ស៊ុបផ្សិត និងទឹកស៊ុបប្រចាំហាងរួមមាន ទឹកស៊ុបស៊ូគី និងស៊ុបស៊ីឈួនហឹរ។ ក្រៅ​ពី​ស៊ុប​ ហាងគេក៏មានជាជម្រើសសាច់​គោ​ដែល​មាន​គុណភាព​ខ្ពស់ បែប​ព្រីមមៀរតែម្ដង​​ដូច​ជា សាច់គោ សាច់​ចៀម សាច់ជ្រូកបីជាន់ និង​ប្រភេទសាច់ច្រើនមុខ​ទៀត។ នៅភោជនីយដ្ឋានមិនមែនមានតែស៊ុបនោះទេ មានទាំងឈុតសាច់អាំងញុំាជាមួយទៀតផង។

ប្រសិនបើអ្នកមកគ្នាច្រើន អាចកម៉្មង់នូវឈុតធំ ដែលមានទាំងសាច់ និងគ្រឿងសមុទ្រមកជាមួយគឺថា ញុំាម៉ាឆ្អែតតែម្ដង ហើយក្រៅ​ពី​ឈុត​ធំ​ក៏​មាន​ឈុត​សម្រាប់​អ្នកនៅម្នាក់ឯង អត់ដៃគូដូចអ្នកអាន ​ផង​ដែរ ឈុត​តូច​សម្រាប់គ្នា ៣ ឬ ៤​នាក់ផងដែរ។

បើត្រឡប់មកមើលបរិយាកាសក្នុងហាងវិញ កន្លែងមានភាពទូលាយជាមួយនឹងការដេគ័រដ៏សាមញ្ញស្អាត។ លើសពីនេះទៅទៀតខាងហាងក៏មានជាការ​កក់បន្ទប់ម្រាប់កម្មវិធីជប់លៀងដូចជា ខូបកំណើតជាដើម ឬការប្រារព្ធពិធីផ្សេងៗពិសេសទៀតផងដែរ។

ព័ត៌មាន៖ Lamb lamb Palace Hot pot​​ 

ទីតាំង៖ Lamb lamb Palace Hot pot​ 

ទំនាក់ទំនង៖ 068 463 473