ហ្វេនម្ហូបកូរ៉េមិនចាំបាច់ហោះទៅកូរ៉េទេឥឡូវជិះតែម៉ូតូក៏ទៅញុំាំបានដែរ ភោជនីយដ្ឋានកូរ៉េទើបតែបើកមួយកន្លែងគឺ Korean Wellbeing Food (KWF) មានទីតាំងនៅកណ្តាលទីក្រុង ភោជនីយដ្ឋាននេះសន្យាថានឹងផ្តល់ជូននូវបទពិសោធន៍ទទួលទានអាហារបែបកូរ៉េដ៏ពិសេស និងមានផាសុខភាព។

ម្ហូបកូរ៉េកំពុងទទួលបានប្រជាប្រិយភាពនៅក្នុងកម្ពុជាយើងក្នុងរយៈពេលជាច្រើនឆ្នាំមកនេះ ហើយស្របពេលនេះដែរ ភោជនីយដ្ឋាន Korean Wellbeing Food ទើបតែមកដល់ថ្មីៗនេះឯង។ ភោជនីយដ្ឋានត្រូវបានគ្រប់គ្រង និងដំណើរការដោយជនជាតិកូរ៉េផ្ទាល់ដែលបាននាំយករូបមន្តប្រពៃណី និងបច្ចេកទេសធ្វើម្ហូបរបស់ពួកគេមកប្រទេសកម្ពុជាតែម្ដង។ 

មុខម្ហូបនៅភោជនីយដ្ឋាន Korean Wellbeing Food មានភាពសំបូរបែបដែលផ្តល់ជូននូវមុខម្ហូបកូរ៉េជាច្រើនមុខ រួមទាំង មឹកអាំង ម៉ាន់ឌូ គីមឈី Cockle clam bulgogi bibimbap និងមុខម្ហូបជាច្រើនមុខទៀត។ ភោជនីយដ្ឋានក៏មានផ្តល់ជូននូវជម្រើសម្ហូបបួស និងបន្លែជាច្រើនប្រភេទ ដែលធ្វើឱ្យវាក្លាយជាជម្រើសដ៏ល្អសម្រាប់អ្នកដែលតមអាហារផងដែរ។

មុខម្ហូបប្រចាំហាង Korean Wellbeing Food គឺមឹកដូងផ្សំគ្រឿងអាំងខ្ទះដែក មឹកស្នូកអាំងខ្ទះដែក មីហឹរ បាយឆា បាយសាច់អាវ និងម៉ាន់ឌូ។ បរិយាកាស​របស់​ភោជនីយដ្ឋាន​ខាងក្នុងត្រូវបានរចនាឡើងប្រកបដោយការទទួលស្វាគមន៍យ៉ាងកក់ក្តៅ និងកន្លែងអង្គុយប្រកបដោយផាសុកភាព។ បុគ្គលិកក៏មានភាពរួសរាយរាក់ទាក់ និងយកការយកចិត្តទុកដាក់ផងដែរ។

ភោជនីយដ្ឋាន Korean Wellbeing Food គឺជាកន្លែងបន្ថែមដ៏ល្អមួយសម្រាប់អ្នកចូលចិត្តទទួលទានអាហារកូរ៉េនៅកម្ពុជា។ ជាមួយនឹងការទទួលយកនូវអាហារបែបប្រពៃណីកូរ៉េ និងបរិយាកាសស្វាគមន៍ វាពិតជាមានតម្លៃក្នុងការមកទទួលយកបទពិសោធន៍សម្រាប់អ្នកដែលកំពុងស្វែងរកបែបម្ហូបកូរ៉េដ៏ប្លែក និងឆ្ងាញ់មួយនេះ។

ទីតាំង៖​ Korean Wellbeing Food (KWF) 

ព័ត៌មាន៖ Korean Wellbeing Food (KWF)