ហាងបើកថ្មីមួយនេះមានទីតាំងនៅម្តុំបឹងសាឡាង ងាយស្រួលរកជាមួយនឹងផ្លាករូបមាន់និងឈ្មោះថា JAKAK! ។​ ត្បិតតែ JAKAK! (ចាកាក់!) ទើបតែបើក តែហាងនេះ បានទាក់ចិត្តភ្ញៀវយ៉ាងច្រើនជាមួយរសជាតិនៃម្ហូបជប៉ុនដ៏មានឱជារស ហើយពិសេសនឹងត្រូវម៉ាច់ជាមួយ រសជាតិស្រាបៀរ។ 

JAKAK! មានទីធ្លាធំល្មមសមរម្យសម្រាប់ទទួលភ្ញៀវ ក៏ដូចជាសម្រាប់កម្មវិធីជប់លៀងផ្សេងៗ។ នៅទីនេះមានម្ហូបជប៉ុនបែបសាច់អាំង BBQ ជាចង្កាក់,​ មានជា Combo set និង​ អាហារសម្រន់មួយចំនួនទៀតផងដែរ។ ជាពិសេសគឺភេសជ្ជៈប្រចាំហាង។ 

 

 

Set of 9 ជាឈុតពិសេសដែលមាន សាច់ BBQ 9 ចង្កាក់ 9 ប្រភេទខុសៗគ្នា។ Beef tataki ជាប្រភេទសាច់គោអាំងដែលមិនស្វិត ស្រូបជាមួយនឹងទឹកសសជូរៗ ហើយពិសេសនោះបើបានញ៉ាំជាមួយស្រាបៀរទៀត រសជាតិកាន់តែពិសេស។ Seaweed Chicken, សាច់មាន់ស្រួយៗដែលរំជាមួយនឹងសារ៉ាយសមុទ្រ ហើយញ៉ាំជាមួយនឹងសសម៉េយ៉ូណេស។ Ei Hire ជាព្រុយត្រីបបែល រសជាតិរៀងប្រៃតិចៗ ស្វិតញ៉ាំជក់មាត់។

Chicken and egg Set ជាប្រភេទបាយដែលបម្រើជូនជាមួយនឹងសាច់ BBQ ចង្កាក់ ផ្សិត​ ពងមាន់ និង Japanese Red Pickled (រសជាតិជូរៗ)។ Fresh Japanese Salad រសជាតិឆ្ងាញ់ជាមួយនឹងទឹកសស ប្រសិនបើអ្នកចូលចិត្តញ៉ាំប្រភេទសាឡាដ។ Fried tasty stick នំបំពងស្រួយៗ។ នៅទីនេះភេសជ្ជៈដែលពួកយើងចូលចិត្តជាងគេគឺ Floral Tea រសជាតិស្រទន់ផ្អែមល្មម ញ៉ាំហើយស្រឡះបំពង់ករ។ ឥឡូវនេះ JAKAK! ក៏មានការបញ្ចុះតម្លៃ 30% ដែរ! ចឹងចាំកាល តស់!