អ្នកណាចូលចិត្តញុាំម្ហូបខ្មែរ ថៃ វៀតណាមអី ឃើញមានហាងបើកថ្មីនៅក្រុងសៀមរាបឈ្មោះ ​​«Jade Noodles»។ ហាងធំល្មម មានការតុបតែងទំនើបស្រដៀងហាងកាហ្វេបែប Cozy អុីចឹង។ មើលទៅញុាំហើយ មិនចង់ទៅណាទេចង់អង្គុយធ្វើការ ហើយជជែកគ្នាលេង។ 

 

បើនិយាយពីម៉ឺនុយវិញ មានម្ហូបអាសុីច្រើនណាស់ ដែលក្នុងនោះមី មានចាប់ផ្តើមពី មានមីគោក មីដាក់សាច់សាសុីវ មីគាវចាំបូ មីតុមយ៉ាំ ហើយមានជម្រើសសាច់ច្រើនឲ្យជ្រើសរើសទៀត។ សម្រាប់គ្នាយើងណាដែលនិយម គុយទាវក៏កុំទាន់ភ័យ! គាត់មានទាំងគុយទាវតុមយុាំ ដល់គុយទាវទូក! ស្តាប់ហើយក៏លេបទឹកមាត់ដែរ។ ម្ហូបមួយទៀតដែលល្បីប្រចាំហាងនោះគឺ ហ្វឺរបស់គាត់នោះឯង! គ្រាន់តែការរៀបចំឆ្នាំងក៏ឡូយដែរណា!

 

ក្រៅពីនេះអ្នកទាំងអសើគ្នាក៏អាចកុម្ម៉ង់ជាបាយព្រឹក និងថ្ងៃត្រង់បានដែរ ហើយបើមិនអស់ចិត្តហៅគ្រឿងក្លែម ឬ ជាស៊ុបថែមទៀតក៏បាន ជាពិសេសស៊ុបក្រពះត្រីដែលមើលទៅប្លែកហើយទំនងណាស់! នំ និងភេសជ្ជ:ផ្សេងៗ ហាង Jade Noodles មានមួយចប់ឲ្យអ្នកទាំងអស់គ្នា។ និយាយរួម មិនខ្វះម្ហូបទេ! តម្លៃត្រឹមតែ $3.5 អាចញុាំបាយមួយឈុតបានហើយ!

 

Jade Noodles មានទីតាំងនៅ ផ្លូវវត្តបូ ក្រុមសៀមរាម ហើយបើកជារៀងរាល់ថ្ងៃពីម៉ោង 6 ដល់ 8 យប់។