ថ្ងៃនេះ FoodBuzz មានដំណឹងដ៏ល្អសម្រាប់ប្រិយមិត្តដែលនិយមស្នេហាប៊ូហ្វេស៊ុប សាច់អាំង សារីញុាំមួយឆ្អែតទាល់តែតឹងពោះអីចឹងហ្ហា៎! Ichiban Buffet ឥឡូវនេះបើកសាខាថ្មីរបស់ខ្លួននៅផ្សារទំនើបអុីអនមានជ័យ (អ៊ីអន 3) ហើយណា៎ អត់ម៉េចបាន?

ចង់ប្រាប់ថា គ្រប់សាខាទាំងអស់របស់ Ichiban Buffet ហ៎ា មុខម្ហូបនៅក្នុងហាងទាំងអស់គឺប្រកបដោយស្ដង់ដារ និងអនាម័យខ្ពស់ បូករួមនឹងប្រភេទសាច់ល្អស្រួយផុយឆ្ងាញ់នាំចូលពីស្រុកក្រៅ  មានគុណភាពខ្ពស់ពីសហរដ្ឋអាមេរិក និងអូស្រ្ដាលី ក៏ដូចជាទឹកជ្រលក់ប្លែកៗច្រើនជម្រើស បន្ថែមជាមួយនឹងរសជាតិទឹកស៊ុប ធានាទាំងគុណភាពសម្រាប់សុខភាព ដោយចំអិនតាមស្តង់ដាត្រឹមត្រូវ និងរសជាតិឈ្ងុយឆ្ងាញ់ជូនរាល់ប្រិយមិត្តទាំងអស់គ្នា។

ពេលទៅដល់ហាងភ្លាម មិនបាច់គិតអីច្រើនទេ កុម៉្មង់យកៗហ្មងទៅព្រោះ Ichiban Buffet គឺជាហាងប៊ូហ្វេហៅសេរី អ៊ីចឹងកុំឲ្យខាតកុម្ម៉ង់សាច់ឲ្យបានច្រើន​! បើនិយាយពីជម្រើសសាច់វិញគឺមានច្រើនមែនទែន ដូចជាគ្រឿងសមុទ្រ សាច់គោ អណ្តាតគោ សាច់ស្មាមុខអូស្រ្ដាលី សាច់គោបីជាន់អាមេរិក សាច់ជ្រូកបីជាន់  និង សាច់មាន់ជាដើម ដែលដាក់អាំងក្តៅៗក៏បាន ដាក់ជាមួយស៊ុបក៏បាន! មានសាច់ច្រើនប្រភេទទៀត អ្នកធ្លាប់ទៅដឹងហើយណ៎? 

សាច់របស់គេគឺហាន់ថ្មីៗ ភ្លាមៗហ្មង ហើយអ្វីដែលធ្វើឲ្យពួកយើងចូលចិត្តជាងគេនោះគឺ សាច់លាយជាមួយឈីសហ្នឹងហ្មង ពេលខាំចូលមាត់មានក្លិនឈ្ងុយឈីស និងរសជាតិដែលខាំជាប់ជាមួយសាច់ល្អថែមទៀត។​ 

ប៉ុណ្ណឹងអត់ទាន់អស់ទេ គេថាសាច់គោអាំងឆ្ងាញ់ទាល់ថែមពងមាន់ ជឿថាមួយក្បាច់នេះប្រិយមិត្តទាំងអស់គ្នាពិតជាធ្លាប់បានសាក ហើយក៏ប្រាកដជាច្បាស់ហើយដែលថានេះជារូបមន្តពិសេសសម្រាប់អ្នកនិយមចូលចិត្តញុាំសាច់អាំង។

ហាងប៊ូហ្វេស៊ុបសាច់អាំង Ichiban Buffet ផ្តល់ជូនរសជាតិសាច់អាំង និងស៊ុបស្ទាយជប៉ុនសម្រាប់អាហារថ្ងៃត្រង់ និងពេលល្ងាចក្នុងតម្លៃពិសេស បើប្រៀបជាមួយគុណភាពសាច់។ ប្រិយមិត្តក៏អាចកក់បន្ទប់ឯកជនសម្រាប់ការជួបជុំជាមួយក្រុមគ្រួសារបានទៀតផង។ ហើយកញ្ចប់ថែមវិញ មានច្រើនខប់ៗ ថែមតែ $3.80 បានប៊ូហ្វេបៀរយែរ ហើយថែម $2.50 បានសុទ្ធតែបង្គង។ បើអ្នកទាំងអស់គ្នាទៅពេលថ្ងៃត្រង់ ចាប់ពីម៉ោង 11 ដល់ម៉ោង 2 អ្នកទាំងអស់គ្នាអាចញ៉ាំប៊ូហ្វេបានក្នុងតម្លៃតែ $12.50​ ទេ ហើយនៅពេលល្ងាចវិញគឺតម្លៃ  $14.50។ 

តស់ៗ! ជើងខ្លាំងពូកែសាច់អាំងគ្នាយើង ទៅសាកសាខាថ្មីនៅអុីអនមានជ័យជុំគ្នាតិចអ្ហៃ? ដើរលេងក្នុងអ៊ីអនឡើងហត់ចឹង ជឿ FoodBuzz ទៅ ចូលទៅប៊ូវកម្លាំងនៅ Ichiban Buffet គឺដឹងតែជីវិតមានន័យហ្មង!