សូមស្វាគមន៍ម្តងទៀតមកកាន់ Foodbuzz
ហាងការ៉េមទាំង ៨ ដែលគួរទៅសាកឲ្យបានម្ដងមុនឆ្លងឆ្នាំថ្មីនេះ!
មិនថាថ្ងៃរងាត្រជាក់ខ្លាំងពាក់អាវដប់ជាន់ក៏នៅតែរងា ឬក្តៅប៉ុណ្ណាទេ ម្នាក់ៗនៅតែចូលចិត្តញាំុការ៉េមជានិច្ច ព្រោះវាជាបង្អែមមួយដែលពេញនិយមខ្លាំង ចំពោះគ្រប់អាកាសធាតុទាំងអស់។ កុំភ្លេចមកសាកល្បងហាងការ៉េមឆ្ងាញ់ៗទាំង ៣ ខាងក្រោមនេះក្នុង Bucket list របស់អ្នកមុនចូលឆ្នាំថ្មីនេះ។
១. The Snacker
មកស្គាល់ហាងការរ៉េមធ្វើដោយដៃផ្ទាល់ The Snacker ដែលជាហាងការ៉េមមួយបើកនៅម្ដុំសាររុស្ស៊ី! ពួកគេមានការ៉េមដែលធ្វើដោយដៃផ្ទាល់ជាមួយនឹងគ្រឿងផ្សំធម្មជាតិទាំងអស់ ហើយមានប្រើទឹកខ្ទះដូងស្រស់សុទ្ធសាធជារៀងរាល់ថ្ងៃ ដែលទគ្រឿងផ្សំយកមកពីកសិដ្ឋានក្នុងស្រុកតែម្ដង។ ដូច្នេះ អ្នកទាំងអស់គ្នាមិនបាច់ពីសុខភាពទេ គឺគេយករបស់ពីក្នុងស្រុកមកតែម្ដង។
FB៖ The Snacker
ទីតាំង៖ The Snacker
២. Fun Yi -豐藝
ហាងបង្អែមតៃវ៉ាន់មួយកន្លែងនេះ មានបង្អែមរសជាតិឆ្ងាញ់ជាច្រើនសម្រាប់ផ្តល់ជូនម៉ូយៗញាំុ ដូចជា នំខេក នំcrepe ខូឃី និងភេសជ្ជៈជាច្រើនទៀត។ ប៉ុន្តែបង្អែមដ៏ពេញនិយមប្រចាំហាងនោះគឺ ការ៉េមទឹកកកព្រិលនេះឯង ដែលអតិថិជនចូលចិត្តបំផុត។
FB៖ Fun Yi -豐藝
ទីតាំង៖ Fun Yi -豐藝
៣. Frappe Kakigori (Japanese Shave Ice)
ធ្លាប់តែសាក bingsu កូរ៉េ តៃវ៉ាន តោះឥឡូវមកសាក bingsu ជប៉ុនម្ដងមើល៎! ហាងការ៉េម bingsu ជប៉ុនមួយកន្លែងនៅជាន់ទីពីរនៃ ផ្សារទំនើប FunMall យើងនេះ។ Bingsu របស់ជប៉ុនត្រូវបានធ្វើឡើងដោយការ៉េមទឹកកកភ្ជាប់ជាមួយនឹង toppings មានដូចជាផ្លែឈើ ម៉ូជី ការ៉ាមែល និងសណ្តែកក្រហមផ្អែមជាដើមញាំុទៅដឹងតែប្លែកមាត់តែម្ដង។
FB៖ Frappe Kakigori (Japanese Shave Ice)
ទីតាំង៖ Frappe Kakigori (Japanese Shave Ice)
៤. MIXUE Cambodia
ហាងការ៉េមចិនមួយកន្លែងនេះត្រូវបានបង្កើតឡើងក្នុងឆ្នាំ 1997 ។ ពួកគេផ្តល់ជូននូវការ៉េមដែលមានតម្លៃសមរម្យត្រឹមតែ ២០០០ រៀលតែប៉ុណ្ណោះ មិនត្រឹមតែតម្លៃសមរម្យទេហើយមានរសជាតិឆ្ងាញ់ទៀតផង។ នៅទីនោះមិនមែនមានតែការ៉េមទេ មានទាំងប្រភេទភេសជ្ជៈតែ ហើយកាន់តែពិសេសនោះគឺ ការ៉េមលាយជាមួយនឹងតែដែលប្លែក បើបានដាក់ម៉ាកែវអី ដឹងតែត្រជាក់ដល់បេះដូងតែម្ដង។
FB៖ MIXUE Cambodia
ទីតាំង៖ Mixue Olympic
៥. Gelatofix Cambodia
Gelatofix គឺជាហាងការ៉េមមាន Gelato ដែលផលិតថ្មីៗ ដោយប្រើគ្រឿងផ្សំដែលនាំចូលពីប្រទេសអ៊ីតាលី ហើយធានាបាននូវទាំងរសជាតិពិតៗ និងឆ្ងាញ់។ ការ៉េមរបស់ពួកគេមានភាពទន់ រសជាតិដិតឆ្ងាញ់ ដាក់ចូលមាត់ទៅរលាយភ្លាមៗតែម្ដងដោយផ្តល់នូវបទពិសោធន៍ដ៏រីករាយ។ ក្រៅពីការ៉េម ពួកគេក៏មានទាំងអាហារថ្ងៃត្រង់ ទាំងកាហ្វេ និងអាហារសម្រន់ផ្សេងទៀតសម្រាប់ផ្ដល់ឲ្យអ្នកទាំងអស់គ្នាផងដែរ។ Gelatofix មានទីតាំងចំនួនបួនស្ថិតនៅចំកណ្ដាលក្រុងភំ្នពេញនេះដែលឲ្យអ្នកទាំងអស់គ្នាងាយស្រួលក្នុងការរក។
FB៖ Gelatofix Cambodia
ទីតាំង៖ Gelatofix AeonMall Meanchey Aeon3
Gelatofix AeonMall Meanchey Aeon2
៦. For You Cambodia_Official
ហាងការ៉េមមួយដែលទើបតែបើកកាលពីខែវិច្ឆិកាឆ្នាំមុន មានទីតាំងនៅម្ដុំបឹងកេងកង១។ ជាការ៉េមមួយដែលមានការច្នៃនំប័ុងជាមួយការ៉េមនៅពីលើ ហើយមានដាក់ក្រែម និងផ្លែឈើតុបតែងដើម្បីឱ្យមើលទៅកាន់តែគួរឲ្យចង់ញាំុ។ វាមានការ៉េមជាច្រើនរសជាតិសម្រាប់ញ៉ាំជាមួយដូចជា croffles, toast, brownies, and waffles តាមការចូលចិត្តរបស់អ្នក មិនត្រឹមតែការរ៉េមទេនៅទីនោះមានទាំងភេសជ្ជៈឆ្ងាញ់ៗ ដើម្បីញាំុំជាមួយការ៉េមកាន់តែមានជាតិតែម្ដង ហើយបើអ្នកចូលចិត្តថតរូបវិញ ដឹងតែបានរូបស្អាតៗបែប aesthetic ម៉ងសម្រាប់អាប់ដែតក្នុងបណ្តាញសង្គម។
FB៖ For You Cambodia_Official
ទីតាំង៖ For You Cambodia_Official
៧. Yolé Cambodia
ចង់ញាំុយ៉ាអួក្លាសេដែលមិនមានជាតិស្ករមែនអ្ហេ? តោះមកសាកញាំុ Yolé ត្រូវមាច់តែម្ដង! យ៉ាអួទឹកកកដែលមានរាងជាការ៉េមទន់មានក្នុងក្នុងកែវតូច កែវកណ្ដាល និងកែវធំ ដោយគ្មានជាតិស្ករបន្ថែម ហើយថែមទាំងអាចដាក់ផ្លែឈើស្រស់ពីលើទៀតផង។ មួយទៀតបើអត់ចង់ញាំុយ៉ាអួរទេ សាកទឹកក្រឡុក Yolé ក៏បានសុខភាពដូចគ្នា ដែលមានបួនរសជាតិផ្សេងគ្នា និងមិនមានជាតិស្ករទេ។ អ្នកទាំងអស់គ្នាអាចជាវ Yolé នៅ AeonMall Phnom Penh ជាន់ផ្ទាល់ដី និង AeonMall Sen Sok City ជាន់ទី ១។
FB៖ Yolé Cambodia
ទីតាំង៖ Aeon1 Ground Floor
៨. Sulbing Dessert Cafe Cambodia
ហាងបង្អែមដ៏ពេញនិយមបំផុតមួយនៅក្នុងប្រទេសកូរ៉េដែលមានជាង 16 ជម្រើសផ្សេងគ្នានៃការ៉េមទឹកកកនេះដែលត្រូវបានគេស្គាល់ថាជា bingsu។ ពួកគេប្រើប្រាស់គ្រឿងផ្សំដែលមានគុណភាពខ្ពស់ ដើម្បីរៀបចំបង្អែម និងភេសជ្ជៈរបស់ពួកគេ។ លើសពីនេះ ពួកគេទាំងនំបុ័ងអាំងដាក់ជាមួយការ៉េមពីលើ mini sulbing និងភេសជ្ជៈដែលសម្រាប់ញាំុផ្សំជាមួយ bingsu ទៀតផង។
FB៖ Sulbing Dessert Cafe Cambodia
ទីតាំង៖ Sulbing BKK
