ពណ៍ក៏ស្រស់ស្អាត រសជាតិក៏ឆ្ងាញ់ជាមួយនឹង Fruit Tea នៅ 5 កន្លែងនេះ!

១២ វិច្ឆិកា ២០១៨

ម៉ោង 8 ព្រឹកមិនទាន់ថ្ងៃក្ដៅហួតហែងពេញទីក្រុងភ្នំពេញឡើងបែកញើសឈឺក្បាល អញ្ចឹងមិនត្រូវរកភេសជ្ជៈត្រជាក់ៗរសជាតិផ្លែឈើ មិនសូវផ្អែមញ៉ាំឲ្យស្រស់ថ្លាអារម្មណ៍។ ភេសជ្ជៈតែផ្លែឈើ ដែលត្រូវបានស្គាល់ជា Fruit Tea កំពុងពេញនិយមក្នុងព្រះរាជាណាចក្រកម្ពុជា ព្រោះវាមិនសូវផ្អែម មិនប៉ះពាល់សុខភាព មិនតែប៉ុណ្ណោះពណ៍ភេសជ្ជៈស្រស់ស្អាតមិនណយ ល្មមថតមួយប៊ុសពីរទុកផុសលើ Facebook ឬ Instagram ។ បើចង់ញ៉ាំអាចមកកន្លែងទាំង 5 នេះដែលក្រុមការងារ FoodBuzz នឹងណែនាំនៅថ្ងៃនេះ។ (លេខរៀងមិនតាមលំដាប់)

#1 Heekcaa

Heekca ជាហាងលក់ភេសជ្ជៈតែជាច្រើនប្រភេទ ក្នុងនោះក៏មានប្រភេទតែផ្លែឈើ (Fruit Tea) ផងដែរ។ Fruit Tea នៅទីនេះមានដល់ទៅ 6 រសជាតិសម្រាប់ឲ្យជ្រើសរើស មានដូចជា Super Fruit Season Tea, Happy Lemon Fruit Tea, Fresh Lemon Fruit Tea, Gauva Passion Fruit Tea, Honey Passion Green Tea និង Fresh Lemongrass Oolong Tea។ ក្រុមការងារ FoodBuzz សូមណែនាំឲ្យសាក Fresh Lemongrass Oolong Tea ណា ក្លិនឈ្ងុយចេញពីគល់ស្លឹកគ្រៃគួបផ្សំជាមួយក្រូចឆ្មារ ក្រូចឆ្មារ lemon និងតែអ៊ូឡុងដ៏ឈ្ងុយទៀតនោះ ជាមួយនឹងការស៊ីគ្នានឹងក្លិនសឹ្លកគ្រៃក្នុងហាងដោយគ្រាន់តែដើរចូលក្នុងហាងក្លិនឡើងឈ្ងុយប្រហើរធ្វើឲ្យស្រស់ស្រាយអារម្មណ៍ថែមមួយកម្រិតទៀត។

តម្លៃ៖ $2.70

ម៉ោងបើក៖ 7:30AM - 9:00PM

ទីតាំង៖

ផ្ទះលេខ 7 ផ្លូវ 306 សង្កាត់បឹកកេងកង ខណ្ឌចំការមន រាជធានីភ្នំពេញ | Googlemap

ផ្ទះលេខ 9 ផ្លូវ 528 សង្កាត់បឹងកក់ទី 1 ខណ្ឌទួលគោក រាជធានីភ្នំពេញ | Googlemap

#2 Caputea

ចំណែកឯ Caputea ក៏ជាហាងលក់ភេសជ្ជៈតែជាច្រើនប្រភេទផងដែរ ប៉ុន្ដែរសជាតិភេសជ្ជៈខុសប្លែកពីហាងដទៃ។ Fruit Tea នៅទីនេះមានដល់ទៅ 7 រសជាតិ បើចង់ដឹងថារសជាតិប្លែកមាត់យ៉ាងណា អាចទៅសាកបាន។

តម្លៃ៖ $2.40

ម៉ោងបើក៖ 8AM - 9:30PM

ទីតាំង៖ ផ្ទះលេខ 246 ផ្លូវ 150 សង្កាត់ទឹកល្អក់ទី 3 ខណ្ឌទួលគោក រាជធានីភ្នំពេញ | Googlemap

#3 Uniq_tea

Fruit Tea នៅ Uniq_Tea នេះវិញ មានដល់់ទៅ 10 រសជាតិ ច្រើនជាងហាងដទៃកាន់តែមានជម្រើសច្រើនជូនប្រិយមិត្តឲ្យជ្រើសរើស។ ទាំងរសជាតិ និងពណ៌ភេសជ្ជៈ ឆ្ងាញ់ហើយចំរុះពណ៌ឡើងស្អាត អញ្ចឹងត្រូវតែថតទុក update នៅលើ Facebook ឬ Instagram ហើយ។

តម្លៃ៖ ចាប់ពី $2.20 ឡើងទៅ

ម៉ោងបើក៖ 8:00AM - 8:30PM

ទីតាំង៖ ផ្ទះលេខ 86 ផ្លូវ 163 កែងនឹងផ្លូវ 454 សង្កាត់ទួលទំពូងទី 1 ខណ្ឌចំការមន រាជធានីភ្នំពេញ | Googlemap

#4 Glosstea Cafe

បើចង់ញ៉ាំនូវ Fruit Tea ដែលមានផ្លែឈើយ៉ាងច្រើនចម្រុះនៅក្នុងកែវភេសជ្ជៈរបស់អ្នក Glosstea Cafe ប្រាកដជាជម្រើសដ៏ល្អសម្រាប់ប្រិយមិត្ត។ បានទាំងផឹក បានទាំងផ្លែឈើក្នុងកែវទុកញ៉ាំ មិនឡូយ!