នៅផ្ទះអផ្សុកចឹងមករៀនបំពងនំទឹកគោញ៉ាំម៉េចដែរ ជាមួយរបៀបធ្វើស្រួលៗតែរសជាតិវិញញ៉ាំជក់មាត់ណាស់ ម៉ោះមកមើលថាត្រូវធ្វើបែបណាខ្លះ៖

#គ្រឿងផ្សំ

• ខ្ទិះដូងស្រស់ ១កែវ​ (ឬខ្ទិះដូងកំប៉ុង)
• ទឹកដោះគោ ១/៤កែវ
• ម្សៅពោត ៣ស្លាបព្រាបាយ
• ស្ករស ៣ស្លាបព្រាបាយ
• ពងមាន់ ២គ្រាប់
• ម្សៅពោត​ ១/៤កែវ (សម្រាប់ប្រលាក់)
• កម្ទេចនំបុ័ង ១កែវ
• ប្រេងសម្រាប់បំពង

#របៀបធ្វើ

១. លាយខ្ទិះដូង ទឹកដោះគោ ម្សៅពោតនិងស្ករក្នុងចានឲ្យសព្វ បន្ទាប់មកយកវាកូរលើខ្ទះដោយប្រើភ្លើងល្មម កូរវារហូតដល់វាខាប់ចាំដាក់ចុះ

២. បន្ទាប់មកយកល្បាយនោះចាក់ក្នុងខ្ទះដុតនំដែលមានរាងជ្រុង រួចទុកវាឲ្យត្រជាក់ក្នុងទូរទឹកកកប្រហែល ៤០ទៅ៦០នាទី

៣. រួចហើយយកវាមកកាត់ជាដំៗ

៤. ប្រលាក់វាជាមួយម្សៅពោត ពងមាន់និងកម្ទេចនំបុ័ង

៥.ចាប់ផ្តើមចាក់ប្រេងឆាចូលខ្ទះប្រើភ្លើងពាក់កណ្ដាល រង់ចាំឲ្យប្រេងឆាក្ដៅទើបដាក់ដុំទឹកដោះគោដែលកាត់ហើយ ម្តង៤ទៅ៥ដុំលើវែកសម្រាប់បំពង រួចដាក់វែកនោះចូលក្នុងខ្ទះ។ បំពងវារហូតឡើងពណ៌ត្នោតនិងស្រួយ

៦.ចុងក្រោយ ដាក់វាលើក្រដាសជូតមាត់រឹងដើម្បីបឺតជាតិខ្លាញ់ចេញ ជាការស្រេច។ កុំភ្លេចញ៉ាំពេលវានៅក្ដៅៗណា៕

Source: chinasichuanfood

**ដោនឡូតកម្មវិធីទូរសព្ទរបស់ FoodBuzz ឥឡូវនេះ ដើម្បីទទួលបានព័ត៌មានថ្មីៗ អំពីអាហារឆ្ងាញ់ៗ និងកន្លែងញ៉ាំជាច្រើន ដ៏សម្បូរបែប៖ http://onelink.to/foodbuzz