ចង់សាកបង្ហាញស្នាដៃឲ្យអ្នកផ្ទះប្លែកមាត់ម្តងមែនអត់? រកកន្លែងត្រូវហើយ! ថ្ងៃនេះ Foodbuzz សូមណែនាំពីរបៀបធ្វើសាំងវិចគីមបាប់ បែបកូរ៉េ ដែលអាចធ្វើញ៉ាំនៅផ្ទះបានក្នុងអំឡុងពេលកូវីដនេះ។

#គ្រឿងផ្សំ៖

• ប៉ាតេហាន់ជាបន្ទះៗ (តាមចំណង់ចំណូលចិត្ត)
• សារាយ​ ១ សន្លឹកធំ
• ពងមាន់ ១ គ្រាប់
• បាយឆ្អិន ១ កូនចាន
• ឈីស ១ សន្លឹក
• គីមឈី (តាមចំណង់ចំណូលចិត្ត)

#របៀបធ្វើ៖

១. ចៀនប៉ាតេដោយមិនដាក់ប្រេងឆា។

២. ចៀនពងមាន់ឱ្យឆ្អិន។

៣. កាត់សារាយនៅពាក់កណ្តាលសន្លឹកដើម្បីបត់ (កុំកាត់សារាយទាំងអស់)។

៤. ដាក់បាយឆ្អិននៅចុងខាងឆ្វេងផ្នែកខាងក្រោមនៃសារាយ។

៥. ដាក់ប៉ាតេនៅខាងឆ្វេងខាងលើនៃសារាយ។

៦. ដាក់ឈីសនៅផ្នែកខាងលើខាងស្តាំនៃសារាយ។

៧. ដាក់ស៊ុតចៀននៅខាងស្តាំផ្នែកខាងក្រោមនៃសារាយ រួចថែមគីមឈីពីលើបាយ។

៨. បត់គ្រឿងផ្សំទាំងអស់ថ្នមៗរួមគ្នាដើម្បីបង្កើតជាស្រទាប់សាំងវិច។

៩. រុំសាំងវិចគីមបាប់ជាមួយប្លាស្ទិកដើម្បីរក្សារាងជ្រុងរបស់វា ហើយកាត់ញ៉ាំជាការស្រេច។

ប្រភព៖ 쿠킹하루 Cooking Haru