កាលខ្លះពេលចង់ចេញទៅញ៉ាំអីក្រៅ តែមិនដឹងទៅណាត្រូវអត់? FoodBuzz ស្គាល់ហាងលក់ម្ហូបចិនមួយ ធានាថាបងប្អូនដឹងតែស្គាល់ហើយ កន្លែងនេះមានឈ្មោះថា Dim Sum Emperors ។​ តែលើកនេះក្រុម FoodBuzz សូមណែនាំមុខមាត់ហាងថ្មីដែលមានឈ្មោះថា Emperors Central Kitchen ដែលមានទីតាំងស្ថិតនៅ​ អគារ TK Central នៅ ទួលគោក។

នៅ Emperors Central Kitchen ថ្មីនេះ មានហាងដែលជារបស់ Emperors Kitchen​ មកពីគ្រប់តំបន់តែម្ដង មានដូចជា Emperor Char Chaan Teng, Dim Sum Emperors, Phum Yerng, Tenno Japanese Kitchen និង Mango Tea & Kitchen។ កន្លែងដែលមានច្រើនប្រេនចឹងមិនខ្វះរបស់ញ៉ាំទេ ម្ហូបមានគ្រប់មុខ គ្រប់បែបម៉ង មិនថាអ្នកចូលចិត្តម្ហូបចិន ជប៉ុន ខ្មែរ ឬថៃទេ គឺគេមានទាំងអស់។ មានទាំងម្ហូបកម្មង់ និង ប៊ូហ្វេ ប៉ុន្តែផ្នែកប៊ូហ្វេគេនេះមានផ្ដល់ជូនតែថ្ងៃសៅរ៍ និងថ្ងៃច័ន្ទទេ រៀងរាល់ម៉ោង ១២ៈ០០ ថ្ងៃ រហូតដល់ម៉ោង ២ៈ០០​ រសៀល។ មិនតែប៉ុណ្ណោះ នៅទីនេះមានភេសជ្ជៈ និងបង្អែមផងដែរ ដែលធ្វើឲ្យ Emperors Central Kitchen ជាកន្លែងដ៏ល្អបំផុតសម្រាប់គ្នាយើង និងក្រុមគ្រួសារ។

Dim Sum Emperors គឺជាភោជនីយដ្ឋានមួយដែលលេចធ្លោជាងគេ  មុខម្ហូបនៅកន្លែងនោះគឺថា ចេញមកមានរសជាតិដើមមកពីប្រទេសចិនតែម្ដង ជាពិសេសគឺគ្រឿងផ្សំហ្នឹងតែឯង គឺថាមានគុណភាពល្អហើយ ជាផលិតផលថ្មីៗទៀត។ 

ក្រៅពីនេះទៀត​ បើបងប្អូនចង់ញ៉ាំម្ហូបបែបជប៉ុន បងប្អូនអាចនាំគ្នាទៅសាក Tenno Japanese Kitchen ​បាន​ដែលកន្លែងនេះមានបាយប្រអប់ជប៉ុនដ៏ឈ្ងុយឆ្ងាញ់។ ហើយបើគ្នាយើងណាចង់ញ៉ាំបែបខ្មែរ និងថៃអី ទៅ Phum Yerng ម្ហូបប្រពៃណីខ្មែរ ម្ហូបប្រពៃណីថៃគ្រប់មុខ ដែលមានដាក់ជាមួយគ្រឿងផ្សំ និងគ្រឿងទេសស្រស់ៗអី គឺនៅកន្លែងនេះទាំងអស់។ នៅមាន Emperor Char Chaan Teng ដែលផ្តល់ជូនអាហារប្រកបដោយផាសុកភាពដូចជាបបរ និងគុយទាវស៊ុបបែបហុងកុងគ្រប់មុខម៉ង ញ៉ាំទៅធ្វើឲ្យយើងមានអារម្មណ៍ថាកក់ក្តៅតែម្ដង។ ហើយ Mango Tea & Kitchen មានសាំងវិច និងនំបាំង កាហ្វេ តែ ឬទឹកផ្លែឈើគ្រប់មុខ ហើយមានទាំងភេសជ្ជៈសុខភាពចិនសម្រាប់ពៅកម្លាំងទៀត និយាយទៅទឹកភេសជ្ជៈអីក៏មានដែរ សំខាន់មានផ្ដល់ការ៉េម​​ទៀត ធ្វើមកពីផ្លែឈើសុទ្ធៗ ១០០% ម៉ង។ 

គ្រាន់តែឃើញហើយ មិនក្លាចថាអត់មានអីញ៉ាំទេ មានតែមិនដឹងគួររើសមួយណា ដោយសារតែនៅ Emperors Kitchen Central នេះមានហាងលក់ម្ហូបឆ្ងាញ់ៗច្រើនពេក ហាងតែមួយសោះ បងប្អូនអាចភ្លក់បានគ្រប់រសជាតិ គ្រប់វប្បធម៌ម៉ង។ ឥឡូវលែងពិបាកចិត្តរឿងមិនដឹងទៅញ៉ាំនៅណាទៀតហើយ ទៅតែ Emperors Kitchen Central ហ្នឹងគឺថាស្រឡាញ់មួយណាចូលញ៉ាំមួយហ្នឹងទៅ ក្រុមភោជនីយដ្ធាន Wong និង Meas ដឹងតែមិនឲ្យបងប្អូនខកបំណងឡើយ។ លើសពីនេះទៀតបើមិនអាចទៅដល់ហាងផ្ទាល់បងប្អូនក៏អាចកម្មង់តាម សេវ៉ាកម្មដឹកជញ្ជូនផ្សេងៗបានដែរដូចជា Nham24 / E-Gets / WOWNOW / foodpanda / Grabfood ដែលអាចទទួលបានការរបញ្ចុះតម្លៃ 25% រហូតដល់ខែវិច្ឆិកា ឆ្នាំ 2023។

ទូរស័ព្ទ៖ 010 838 189

ទីតាំង៖​ Emperors Central Kitchen

ព័ត៌មាន៖ Facebook- Emperors Central Kitchen