មុខម្ហូបនីមួយៗផ្សាភ្ជាប់ទៅនឹងវប្បធម៌របស់តំបន់នីមួយៗ ហើយថ្ងៃនេះ FoodBuzz ចង់ណែនាំពីអាហារមកពីតំបន់ដែលមានប្រវត្តិសាស្រ្ដដ៏ចំណាស់មួយកន្លែងគឺ ក្រិក។ អាហារក្រិក ប្រហែលជាថ្មីសម្រាប់ប្រិយមិត្តរបស់យើងហើយមែនទេ? តែកុំបារម្ភ ក្រុមការងារ FoodBuzz ស្គាល់មួយកន្លែងដែលល្បីពីក្រុងសៀមរាប ដល់ភ្នំពេញុយើង។

Elia Greek Kitchen មានទីតាំងនៅ Bassac Lane សង្កាត់ទន្លេបាសាក់។ នៅទីនេះមានម្ហូបអាហារបែបក្រិកជាច្រើនមុខតែសុទ្ធសឹងតែជាម្ហូបដែលមិនប្រើប្រាស់សាច់ជ្រូកឡើយ។ មុខម្ហូបជាច្រើនមុខគឺធ្វើផ្ទាល់ៗនៅហាងតែម្តង ធានាទាំងអនាម័យ និងគុណភាព។​

មិនថាម្ហូប​ មិនថាភេសជ្ជៈគឺ ត្រូវបានធ្វើ និងចម្អិនភ្លាមៗរាល់ពេលមានការកុម៉ុ្មង់។ ម្ហូបទាំង 4 មុខនេះគឺជាម្ហូបល្បីប្រចាំហាង និងមានការគាំទ្រពីអតិថិជនយ៉ាងច្រើន។ មុខម្ហូបដំបូងគឺ Mixed Dips ដែលគេជាប្រភេទនំប៉័ងដែលមានរសជាតិគ្រីមមី និងមានក្លិនឈីស ហើយគេញ៉ាំជាមួយនឹងគ្រឿងជ្រលក់ទាំង 6 មុខ។ គ្រឿងនីមួយៗមានរសជាតិពិសេសរៀងៗខ្លួន តែអ្វីដែលទាក់ចិត្តជាងគេគឺ Beetroot dip រសជាតិផ្អែមឡមៗ ឡាយជាមួយជាតិជូរបន្តិច។ 

ម្ហូបទី 2 គឺពិសេសសម្រាប់អ្នកចូលចិត្តបន្លែច្រើនមុខក្នុងចានតែមួយគឺ Greek Salad ដែលមានខ្ទឹមបារាំង ម្ទេសប្លោក ប៉េងប៉ោះ និងអ្វីដែលធ្វើឲ្យសាលាដមួយចាននេះប្លែកគឺ ផ្លែអូលីវ រសជាំតិជូរអែមៗ ឆ្ងាញ់។ បើអ្នកចូលចិត្តសាច់គឺត្រូវតែសាកជាមួយ Mixed Meat Platter។ សាច់ជាច្រើនមុខក្នុងចានតែមួយ មានដូចជា សាច់មាន់អាំង សាច់គោអូស្រ្តាលី សាច់ក្រក​គោបែបហ្រ្គីក ប្រហិតសាច់គោអូស្រ្តាលី ដំឡូងបារាំងបំពង នំប៉័ង Pita និងទឹកជ្រលក់ជាច្រើនមុខទៀតផង។ អ្វីដែលមិននឹកស្មានគឺ ម្ហូបចានតូចគេ តែធំមែនទែនញ៉ាំបាន​ 2 ទៅ 3 នាក់ឯណោះ។  

កូនពៅក្រោយគេក៏មានរសជាតិឆ្ងាញ់មិនធម្មតាដែរ។  Gyros Meat ដែលស្រដៀងទៅនឹងនំសាច់មាន់ខ្ចប់ តែ Gyros មានជម្រើសសាច់ដូចជា សាច់មាន់ សាច់គោអូស្រ្តាលី និងឆ្អឹងជំនីសាច់គោអូស្រ្តាលី។ រសជាតិគឺរៀងសាបបន្តិចតែ​ ល្មមញ៉ាំ ជាពិសេសអ្នកចូលចិត្តអាហារដែលមានជាតិគ្រីមមីគឺដឹងតែត្រូវចិត្តតែម្តង។ តែកុំភ្លេចសាកជាមួយនឹង Homemade Lemonade ដែលខ្មែរយើងហៅថាតែជ្រក់។ Homemade Lemonade មានរសជាតិមិនជូរពេក ឬផ្អែមពេកឡើយ ជាពិសេសមានក្លិនចេញពី ជីអង្កាមឈ្ងុយៗ។ 

ចឹងបើលោកអ្នកចង់ញ៉ាំឬ ចង់ប្តូររសជាតិអាហារ សូមគិតដល់ Elia Greek Kitchen ណា៎។ មកសាកម្ហូបបែបក្រិកម្តង ប្រយ័ត្នជាប់ចិត្តណា។