ពិបាកចិត្ត ឃ្លាន Sushi ពេលដែលមានលុយតិចតួចស្តួចស្តើង មិនដឹងទៅរកញុំានៅឯណាបានដោយសារ Sushi ជាអាហារដែលមានតម្លៃថ្លៃ ត្រូវទេ? លែងពិបាកហើយ! ហាងទាំង 5 នេះ មានលក់នូវ Sushi ដែលលោកអ្នកអាចញុំាបានទោះបីកាលៈទេសៈខ្សត់ខ្សោយថវិការក៏ដោយ។

ចំណាំ៖ លេខរៀងនេះមិនបង្ហាញពីចំណាត់ថ្នាក់នោះទេ!

 

#1 Sushi Chef

នៅទីនេះក៏សម្បូរ Sushi ញុំាក្នុងតម្លៃពិសេសដែរ។ ត្រឹមតែចាប់ពី $2.00 ឡើងទៅលោកអ្នកអាចញុំា Sushi មួយចានដែលមាន 6 ដុំ ហើយបើមកគ្នាច្រើនអាចញុំាជាឈុត Family ដែលមានរហូតទៅដល់ចាប់ពី 12 ដុំឡើងទៅក្នុងតម្លៃចាប់ពី $5.50 តែប៉ុណ្ណោះ។

ទីតាំង៖

• សាខាមុន្នីវង្ស៖ ផ្ទះលេខ 473Eo, មហាវិថីព្រះមុន្នីវង្សខណ្ឌ 7 មករា | Googlemap 
• សាខាបឹងកេងកង៖ ផ្លូវ 306 សង្កាត់បឹងកេងកង១ | Googlemap 
• សាខាទួលទំពូង៖ #28Eo, ផ្លូវ 460 ( ចន្លោះផ្លូវ 135 និងផ្លូវ155 ) | Googlemap 

 

#2 Edamame

នៅទីនេះមិនត្រឹមតែ Sushi មានតម្លៃសមរម្យទេ សូម្បី Sashimi ក៏សមរម្យដូចគ្នា។ លោកអ្នកអាចកុម្ម៉ងញុំា Sushi រហូតដល់ 8 ដុំក្នុងមួយចានក្នុងតម្លៃចាប់ពី $3.50 ឡើងទៅ រីឯ Sashimi មានចំនួន 4 ដុំក្នុងមួយចានមានតម្លៃចាប់ពី $3.00 ឡើងទៅ។

ទីតាំង៖ ផ្ទះលេខ 165 ផ្លូវសុធារស ទល់មុខ AEON | Googlemap 

 

#3 SaKaNa LaB

SaKaNa LaB មានលក់នូវ Sushi និង Sashimi តម្លៃចាប់ពី $6.00 ឡើងទៅដូចគ្នាចំពោះ Sushi 8 ដុំក្នុងមួយចាន និង Sashimi 6 ដុំក្នុងមួយចាន។

ទីតាំង៖ ផ្ទះលេខ 039 ផ្លូវលេខ 51 បឹងកេងកង 1 ភ្នំពេញ (ច្រកចូល Patio ទល់មុខ Domino’s Pizza) | Googlemap 

 

#4 AEON Mall និង AEON MaxValue Express

បើចង់ញុំា Sushi ដែលមានតម្លៃថោកមែនទែននោះ កុំភ្លេចផ្សារទំនើប AEON Mall និង AEON MaxValue Express។ នៅទីនេះ Sushi មួយប្រអប់ៗមិនត្រឹមតែមានចម្រុះមុខនោះទេ តម្លៃក៏ថោកហើយ ក្រោយម៉ោង 8 យប់មានការបញ្ចុះតម្លៃ 50% ទៀត! អ្នកចូលចិត្ត Sushi កុំភ្លេចទៅទិញញុំាណា៎ពេលដាច់លុយ!

តម្លៃ៖ ចាប់ពី $2.20 ឡើងទៅ

ទីតាំង៖ AEON Mall និង គ្រប់សាខា AEON MaxValue Express

 

#5 The Sushi Bar

នៅទីនេះមានប្រភេទ Sushi ច្រើនមុខ អាចកុម្ម៉ងញុំាបានតាមតម្រូវចិត្ត ប៉ុន្តែចំណុចពិសេសនោះគឺថា លោកអ្នកអាចញុំា Sushi មួយចានដែលមាន 6 ដុំមានតម្លៃត្រឹមតែចាប់ពី $2.50 ឡើងទៅតែប៉ុណ្ណោះ! មួយចានអាចឆ្អែតណា៎! ដឹងស្រាប់ថា មិនមានមុខម្ហូប Sushi ក្នុងតម្លៃនេះច្រើនទេនៅ The Sushi Bar ព្រោះថាមាន Sushi ជាច្រើនប្រភេទដែលមានតម្លៃលើសនេះនៅលើម៉ឺនុយ។

ទីតាំងទី 1៖ ផ្ទះលេខ 2D ផ្លូវលេខ 302 បឹងកេងកង 1 | Googlemap 

ទីតាំងទី 2៖ ផ្ទះលេខ 74 ផ្លូវទន្លេសាប ជ្រោយចង្វារ | Googlemap