ខែវស្សា ភ្លៀងស្ទើរតែរាល់ល្ងាចអញ្ចឹង ពេញចេញពីរៀន ឬ ធ្វើការពេលល្ងាចច្បាស់ជាឃ្លានចង់រកញ៉ាំអីក្ដៅៗហើយត្រូវទេ? ស្រម៉ៃបើបានស៊ុបគាវ ឬ គាវចំហុយមួយចានញ៉ាំ មិនដឹងឆ្ងាញ់មាត់យ៉ាងណាទេ! ទាន់ឃ្លានចឹងល្អហើយ ព្រោះថា ទើបតែរកឃើញហាងគាវមួយ គាវឆ្ងាញ់ បានច្រើនហើយ តម្លៃក៏សមរម្យទៀត។ តោះទៅសាកញ៉ាំគាវនៅហាង ផ្ទះគាវ មើល!

 

 

 

ផ្ទះគាវ គឺជាភោជនីយដ្ឋានចិនដែលមាន ទីតាំងនៅផ្ទះលេខ 62B ផ្លូវ 221 ក្រោយ Chillin’ Cafe នៅតាមបណ្តោយផ្លូវកម្ពុជាក្រោម ប្រហែល 100m ពីស្តុបដេអិន ដែលមានលក់គាវចៀន ចំហុយ ស៊ុបគាវគ្រប់ប្រភេទទាំងអស់។ ក្នុងតម្លៃប្រហែល 2 - 4$ អ្នកនឹងទទួលបានបរិមាណគាវចំនួនដល់ទៅ ២០ សម្រាប់ញ៉ាំមួយឆ្អែត។

 

 

អ្វីដែលកាន់តែពិសេសទៀតនោះគឹមានស្នូលច្រើនរសជាតិសំរាប់ជ្រើសរើសទៀតផង។ អ្នកញ៉ាំចង់បានស្នូលសាច់ជ្រូកលាយគូឆាយក៏បាន លាយស្ពៃក្ដោបក៏បាន ឬក៏ចង់បានស្នូលសាច់ជ្រូកលាយផ្សិតខ្មៅក៏មាន ហើយបើអត់បានបានសាច់ជ្រូកសុទ្ធទេ យកស្នូលសាច់ជ្រូកលាយបង្គារក៏បានដែរ! មានសព្វមុខតែម្ដង។

 

 

ទីតាំង៖ ផ្ទះលេខ62B ផ្លូវ221 ក្រោយ Chillin’ Cafe (តាមបណ្ដោយផ្លូវកម្ពុជាក្រោម ហួសស្តុបដេអិន ប្រហែល 100m)

បើកលក់ពីម៉ោង 10 ព្រឹកទៅ

តំលៃ៖ $2-4$/ចាន (ក្នុងមួយចានទទួលបាន ២០គាវ)