បាយហើយ តែងតែត្រូវការបង្អែមលាងមាត់ហើយ។ ទៅសាកនៅ Delicious ម្តងទៅ ពិតជាមិនខកបំណងទេ! Delicious មានទីតាំងស្ថិតនៅក្នុងផ្សារទំនើបផេនសលមាត់ទន្លេ មានបម្រើនូវបង្អែម និង ភេសជ្ជៈច្រើនប្រភេទ! ហើយក្នុងនោះ មុខបង្អែមពិសេសប្រចាំហាងគឺ ទឹកកកឈូសភ្នំភ្លើង និង នំប៉័ងអាំង ដែលពួកយើងបានទៅសាក!

ទឹកកកឈូសភ្នំភ្លើង នៅ Delicious មានរសជាតិជាច្រើនដូចជា Oreo សូកូឡា Pie សូកូឡា ស្រ្តបឺរី តែបៃតង និងតែក្រហមសណ្តែកក្រហម។ ក្នុងទឹកកកឈូសភ្នំភ្លើងរសជាតិ Pie សូកូឡាមួយកែវមានច្រើនស្រទាប់ ដោយមានគ្រាប់ធញ្ញជាតិ និងនំ Oreo នៅបាតខាងក្រោម។ ស្រទាប់បន្ទាប់គឺទឹកកកឈូសដែលមានរោយអូវ៉ាន់ទីន ព្រមទាំងមាននំ Pie នៅពីលើ។ ឆ្ងាញ់ហើយត្រជាក់ជាប់ចិត្តតែម្តង! ឃើញទេ អត់មានជាតិក្តៅភ្នំភ្លើងទេ ត្រជាក់តាំងពីលើដល់ក្រោម!

ចំណែកឯ នំបុ័ងអាំងវិញ មានទាំងផ្អែម និងប្រៃ។ ប្រភេទនំបុ័ងអាំងបែបផ្អែមមានរសជាតិស្លឹកតយ ស្រ្តបឺរី សូកូឡា និងអូវ៉ាន់ទីនទឹកដោះគោ ដែលមានរសជាតិផ្អែមល្មម ព្រមទាំងប្រភេទនំបុ័ងអាំងបែបប្រៃមានសាច់ក្តាមហឹរ សាច់ជ្រូកផាត់ហឹរ និងត្រី Tuna ហឹរ។ នំបុ័ងអាំងថ្មីៗ ស្រូយៗនៅហ្នឹងកន្លែងហ្មង!

មិនតែប៉ុណ្ណោះ Delicious ក៏មានលក់ភេសជ្ជ:ក្តៅ ត្រជាក់គ្រប់ប្រភេទដូចជា ទឹកសូកូឡា តែបៃតងជាដើមដែលជាភេសជ្ជ:ប្រចាំហាង។ ពិសេសជាងនេះទៅទៀត នៅលើភេសជ្ជ:និមួយៗមាននំ Pudding ពីលើដែលធ្វើដោយផ្ទាល់ក្នុងហាងតែម្តង។

អញ្ចឹងកុំភ្លេចទៅសាកអាហារសម្រន់ដ៏សំបូរបែបនៅ Delicious!

ទីតាំង: នៅខាងក្នុងផ្សារទំនើបផេនសុលមាត់ទន្លេ | Googlemap

តម្លៃ: ចាប់ពី $2 ឡើងទៅសំរាប់ទឹកកកឈូសភ្នំភ្លើង

           2500រ ឡើងទៅសំរាប់នំបុ័ងអាំង

           5000៛ ឡើងទៅសំរាប់ភេសជ្ជ:              

បើកម៉ោង: 9ព្រឹក - 8យប់