Date Note - Stories ជាហាងកាហ្វេដែលទើបតែបើកថ្មីមួយ មានទីតាំងនៅម្ដុំទួលទំពូងដែលមានបរិយាកាស និងការតុបតែងតាមបែបតៀមជប៉ុន។ ដោយសារតែម្ចាស់ហាងជាហ្វេនផ្គាប់មុខរបស់រឿង Death Note គាត់ក៏មានគំនិតចង់ដាក់ឈ្មោះហាងថា Date Note - Stories ដែលប្ដូរពីពាក្យ​ “Death” ទៅជា​ “Date” វិញដែលប្រៀបបានដូចការផ្លាស់ប្ដូរពីអារម្មណ៏អាក្រក់ទៅជាល្អវិញនៅពេលបានទៅដល់ហាងកាហ្វេ​ Date Note - Stories។ 

Date Note - Stories ​មានបម្រើជូនភេសជ្ជៈជាច្រើនមុខ​ ច្រើនបែបដែលរៀបចំ និងបង្កើតដោយម្ចាស់ហាងយ៉ាងល្អិតល្អន់។ ភេសជ្ជៈនៅទីនេះមានច្រើនបែប មានទាំងបែបកាហ្វេ ទាំងបែបឈ្ងុយទឹកដោះគោ ទាំងបែបជូរអែមៗ សម្របតាមបានគ្រប់ចំណូលចិត្ត។ Date Note - Stories ប្រើប្រាស់ការឆុងកាហ្វេរបៀប Pour-over Method ដែលសាកសមបំផុតសម្រាប់អ្នកចូលចិត្តញ៉ាំកាហ្វេខ្មៅ ព្រោះវាមានរសជាតិកាហ្វេដិតជាង ទទួលបានក្លិនកាហ្វេច្រើនជាឆុងរបៀបផ្សេងៗ។ 

ក្រុម​ FoodBuzz យើងចូលចិត្តញ៉ាំ Pineapple Oolong Machhiato ជាងគេព្រោះមិនសូវចេះខាងកាហ្វេ ហើយភេសជ្ជៈមួយកែវនេះមានរសជាតិឆ្ងាញ់ ឈ្ងុយក្លិនតែអ៊ូឡុងប្រហើរៗ មានសាច់ម្នាស់ពីក្រោមច្រិបៗ ហើយមានគ្រីមដាក់ពីលើ បន្ថែមរសជាតិគ្រីមៗ។ មួយកែវនេះឆ្ងាញ់ ស្រាលស្រទន់ ត្រជាក់ដល់បេះដូង មិនខកបំណងឡើយ! 

Date Note - Stories ក៏កំពុងតែរៀបចំមីនុយម្ហូបរបស់គេដែរហើយនឹងចេញមកឆាប់ៗ ដូច្នេះហើយរងចាំអត្ថបទ Review ពី FoodBuzz បន្តទៀតណា!​

• សម្រាប់ព័ត៌មានបន្ថែម ចូលទៅកាន់ផេកហ្វេសប៊ុក Date Note - Stories 
• ផែនទី៖ https://goo.gl/maps/FHXP7u6mqazrfjat6