អ្នកទាំងអស់គ្នាមានដឹងអត់ថា ជំទាវទី 1 របស់កូរ៉េខាងត្បូង Kim Keon-hee បាន​ឆ្លៀតចូលទស្សនាហាងកូរ៉េមួយនៅម្តុំទួលគោកយេីងហ្នឹង? ​ហាងនេះមានឈ្មោះថា Crazy Ttukbokki ហេីយបានទទួលការសរសេីរនិងលេីកទឹកចិត្តជាពិសេសពីជំទាវទៀតផង។

ម្ហូបកូរ៉េនៅទីនេះគឺពិតៗតែម្តងដោយសារម្ចាស់ហាងជាជនជាតិកូរ៉េខាងត្បូង ហើយម៉ឺនុយហាងវិញ មានជាម្ហូបតាមផ្លូវដែលនិយមបំផុតនៅប្រទេសកូរ៉េខាងត្បូង​មានដូចជា​ តុកប៉ុកគី មីគ្រឿងសមុទ្រ មីខ្មៅ មីហឹរកូរ៉េ សាច់មាន់ចៀនបែបកូរ៉េ ជាដេីម។ 

ឥឡូវហាងកំពុងតែមានឈុតពិសេសមួយគឺ ឈុតម្ហូបដែលជំទាវទី 1 កូរ៉េខាងត្បូងពេញចិត្តជាងគេ មានតុកប៉ុក បាយម៉ូលៗ សារាយម៉ូលបំពង និងទឹកក្រូចរសជាតិផ្លែប៉ែស។

តុកប៉ុកគីនៅទីនេះគឺប្រៃដិត ​ហឹរ និង ជូរតិចៗ​ រសជាតិគឺជាប់ចិត្តម៉ង ​ហេីយសំខាន់មានគ្រឿងច្រេីនទៀតដូចជា​ សាច់ក្រក​ ប្រហិតត្រី ​មីត្របែតបែបកូរ៉េ ស្ពៃក្តោប និងតួឯកនោះគឺនំអង្ករតុកប៉ុកគឺ ដែលមានរាងវែងនិងស្វិត។ 

សម្រាប់ បាយម៉ូលៗ គឺធ្វេីពីបាយលាយជាមួយពងត្រីពណ៌សាល់ម៉ុង កម្ទេច​សារាយ និងគ្រឿងផ្សំប្រៃៗ។ ប្លែកជាងគេ ប្រហែលជា សារាយបំពង ដែលមានរូបរាងស្រដៀងគួង តែស្នូលគឺជាមីសួរបស់កូរ៉េ។ បេីជ្រលក់ជាមួយទឹកតុកប៉ុកគី រសជាតិកាន់តែកប់។ 

ហេីយសម្រាប់ភេសជ្ជៈវិញ អ្នកទាំងអស់គ្នាមិនគួររំលងទឹកផ្លែបេស ដែលជាទឹកក្រូចមកពីកូរ៉េ រសជាតិប្លែក ហេីយសំខាន់ផ្អែមៗជួយកាត់ជាតិហឹរនៃតុកប៉ុកគីបានទៀត។ 

ទីធ្លាហាងគឺមានអនាម័យស្អាត។ សំខាន់ជាងគេ ហាងមានចាក់បញ្ចាំង MV បទកូរ៉េលេីជញ្ជាំង មានអារម្មណ៍ដូចនៅ concert ចឹង។ និយាយទៅគឺសាកសមជាមួយសិស្សនិស្សិតចេញពីរៀន ឬ អ្នកធ្វេីការដែលរកកន្លែងណាសប្បាយៗ រំសាយអារម្មណ៍។ 

តស់! បបួលគ្នាមកសាកជាមួយឈុតជំទាវទី១កូរ៉េខាងត្បូង មានតែនៅ Crazy Ttukbokki!